Pilippi 3:6 - ꞌBuuk cĩ Thõõth cĩ Nyekuci

⁶ Nẽ baa hẽmmẽdaanĩ naa ngaatĩ hẽhẽcĩ lothippit cĩ lemmiook cĩg Krĩstõ ũgĩ nẽ huruha ũgĩ. Baa hadĩmani naa thooꞌthiok vẽlẽk ꞌcĩg adiim nyattalĩ jurrung hammuhi hinnia haini, hátĩ haccamanoothĩk Nyekuci.

Pilippi 3:6 ပူးပေါင်းရင်းမြစ်များ

Maatteeo 23:25

“Pĩĩrnanĩt hĩ ngagiit ꞌlimmanniook cĩg nyattaalak hĩ ngagiit Variꞌtheei. Oloꞌngiaaha cieegi! Ĩĩgĩnnu niig eet ꞌcĩg uuꞌnyu hooppoꞌnya hĩ hẽddẽmĩ battaali hĩĩtõ tẽllĩg nẽ ũtũngteehu ĩĩttõõ hĩĩtõ ꞌriiring, haauto hĩ ꞌthinneeti cugguung ꞌcĩg abbĩꞌthĩĩ lõbõlõbẽẽꞌthĩt hĩ muruꞌthẽẽt ko!

Maatteeo 5:20

Haduhaakuung dĩdĩ, má ꞌthẽk hõllõngaa anuyyu tilooinit cĩ Nyekuci jurrung ĩllõõanit Variꞌtheei hĩ ꞌlimmanniook cĩg Nyattaalak, hõllõngaa hatĩ aduhunnu habuccieet cĩ hẽẽtkujjieen ũdũt!”

ꞌLuuka 1:6

Nẽ baa ĩĩn ꞌThakaria hĩ Eliꞌthẽbẽta eet ꞌcĩg abũnnaa gẽrrẽẽt muumaa cĩ Nyekuci, baa aꞌthũũnnĩ nẽẽg tilooinit hĩ nyattalliook cĩg Makayyiooktak jurrung.

Dtiicanĩ cĩg ꞌThooyyiahu 21:20

Ma baa athĩhĩ eeta vẽlẽk thõõth icci ho, iita atalit Nyekuc gẽrrẽẽt. Ma ho, ĩĩttĩk Paaulo, “ꞌGõtõna, cĩĩn nõõ ꞌgõõl ꞌcĩ au ĩĩnnĩ eeta cĩg ꞌJudeei ꞌcĩg ĩĩn aalibꞌnya ꞌcĩg mẽẽlĩg ko nuyyiook! Nẽ aalla aꞌthũũnnĩ Nyattal cĩ Mũũꞌtha gẽrrẽẽt.

Dtiicanĩ cĩg ꞌThooyyiahu 22:5

nẽ occa ꞌthẽk aduhaakuung paadĩrĩ cobbi hĩ makayyiook cĩg lokihooak, ngaatĩ ĩĩnnĩ thõõth ciee dĩdĩ. Baa ꞌthẽk aaꞌnya nẽẽg nganĩĩt waragẽẽt haꞌnyahoothĩk ꞌgõõnõgĩ ꞌcĩg ĩĩn makayyiook cĩg ꞌJudeei Damaathĩko, hũũk haꞌnyaha eet iccig hiita hĩĩtõ baabuuthnya ꞌJeruꞌthalẽma.

Dtiicanĩ cĩg ꞌThooyyiahu 26:5

Má occa ẽlẽmĩ nẽẽgĩ, aga nẽẽg aĩ, baa hĩĩnĩ naa eet cĩ lothippit cĩ Variꞌtheei, lothippit ꞌcĩ arrĩcana thõõth cĩnaac cĩ Nyekuci gẽrrẽẽt.

Dtiicanĩ cĩg ꞌThooyyiahu 8:3

Nĩngĩtĩ iꞌthianaanĩ ꞌThaaulo ĩꞌthaanĩ lothippit cĩ lemmioohu. Õyõyyõr ꞌcieethini vẽlẽk, agurra eet ꞌcĩg maacĩg hĩ ngaaĩ nẽ aarĩk ĩhõõggõ baabuuthatõõ.

ꞌRooma 7:9

Baa harugi naa baa nga haga nyattal. Ma baa hikia hagawa nyattal, ikia ittiran ꞌthẽccanĩ.

1 Korinthia 10:32

Ma haĩnanaannu eet umwa hẽttẽẽd looc, hode ꞌJudeeinit hode ꞌGiriheenit hode lothippit cĩ lemmiook cĩg Nyekuci,

1 Korinthia 15:9

Hĩĩnĩ naa ꞌthooyyiahit ꞌcĩ adtuurna ꞌthooyyiahĩ vẽlẽk. Nẽ dĩdĩ, baa haĩnanaahi lothippit cĩ lemmiook cĩg Nyekuci pĩĩrnanĩt cobbi gẽrrẽẽt, ꞌcĩ occa hõllõngaa avvĩyya eeta nganĩĩt anneeka ꞌthooyyiahit.

Pilippi 2:15

hátĩ ĩmmĩrĩt nẽ iittu lõhõlĩ cĩg Nyekuci ꞌcĩg tẽllĩg ꞌcĩg aitiõõ ꞌthẽccanĩ tõõ. Aattiyyu niig looccaa cĩ eet ꞌcĩg ĩĩn ꞌloorriak ꞌcĩg abathĩ, nẽẽthĩ, aanytĩk thooꞌthiok ꞌcĩg abũnnaa ꞌcĩg adĩmannu niig ko, hatalanyit haauto hĩ mũnyũnya.

Pilippi 3:9

nẽ hĩĩna eet cĩnnĩ. Hõllõngaa occa ẽlẽmma Nyekuci nganĩĩt ngaatĩ habũnnayyĩĩ ꞌgõõlaa ꞌcĩ hanũĩ nyattal, hĩnĩngĩtĩ ꞌgõõl ꞌcĩ elemmeet Nyekuci ngagĩĩt hũbũttaath, aaĩ lemiitta.

1 Timotteeo 1:13

Tananga baa gõõng hothoothi naa thooꞌthiok ꞌcĩg abathĩ ꞌcĩg hõdõõmĩ Nyekuc, hĩ ꞌcĩg huuki lemmiook cĩgĩnnĩg gẽrrẽẽt, aalla ammaannĩkaa nẽẽ nganĩĩt noho, hĩnĩngĩtĩ baa nga hẽlẽm naa ĩnõõnnõ nẽ nga haga thõõth ꞌcĩ hadticani ho buúk.