Pilippi 3:5 - ꞌBuuk cĩ Thõõth cĩ Nyekuci

⁵ Baa etteeddi nganĩĩt ẽlẽ baa nga haꞌnyahi waathinniook turkiyyio haaga. Hĩĩnĩ eet cĩ Ĩꞌthĩraẽlĩ pir cĩ habuccieet cĩ Benyemiino. Nẽ tarĩ hĩĩnĩ Ebereeinit dẽẽdẽ hõrggẽẽnaa cĩ Ebereei vẽlẽk. Nẽ baa hĩĩnĩ Variꞌtheenit ꞌcĩ haꞌthũũnnĩ nyattal cĩ Mũũꞌtha jurrung.

Pilippi 3:5 ပူးပေါင်းရင်းမြစ်များ

ꞌThianaattõ 14:13

Ma ho, ikia uduhaak eet umwaa ꞌcĩ avvira joratõõ Abũraamõ eet ꞌcĩ ĩĩn Ebereeinit, thõõth ꞌcĩ aggamiini Lõõtĩ ho. Baa aꞌnyak Abũraamõ õlõ cĩnnĩ nohota ngaatĩ õbõhõõ hĩ hẽẽn cĩg Mamre eet cĩ Amoorĩ. Baa ĩĩn Mamre hĩ ꞌgõtõõnõgĩ ꞌcĩg haĩ Ethokol hĩ Aner, eet ꞌcĩg õõkõrõõ hĩ Abũraamõ gẽrrẽẽt.

ꞌThianaattõ 17:12

Aꞌnyĩĩk lõhõlĩ ꞌcĩg maacĩg vẽlẽk ꞌcĩg hatĩ arrittiaa irkiꞌnyiaannĩ hetteeddi eleeti, hatĩ ĩĩtõ waathinniooha turkiyyio urutaa cĩ tuhuyyiaattõ. Aꞌnyĩĩk hetteeddi eleeti ꞌcĩg eet ꞌcĩg arrittiaa halaꞌngiõõhĩtõõ cugguung, hĩ eet ꞌcĩg baag uuttiaa ꞌrabbẽẽtĩ, eetaa cĩ looc ꞌcĩ ꞌrĩĩng.

ꞌThianaattõ 40:15

ꞌYioko acĩnnaa haaĩ ngaati ho, baa haggammia looccaa cĩ Ebereei nẽ tarĩ ꞌyioko ikia haꞌngaaꞌnyoothĩha baabuuth haaga.”

ꞌThianaattõ 41:12

Nẽẽthĩ, baa ammũdeek aaĩ buuleniti umwaa ꞌcĩ ĩĩn Ebereeinit nĩngaata, ꞌcĩ baa ĩĩn appahaca cĩ Potivarẽ. Ma baa haduhaaka ĩnõõnnõ honoothi cĩnaang ko, ikia ẽbẽanaaheet thooꞌthiok cĩg honoothi cĩnaang ko.

Yõõna 1:9

Nĩngĩtĩ ẽdẽcĩ Yõõna ĩhõõggõ annẽẽkĩ, “Hĩĩnĩ naa Ebereeinit nẽ hala Makayyioohit Nyekuc cĩ hẽẽtkujjieen baa ẽhẽnyta bũlũc hĩ looc.”

ꞌLuuka 1:59

Ma baa aꞌnyak loholeec waathinniook turkiyyio, iita etteedito eeta ẽlẽ cĩnnĩ nẽ idiimito akattieek ꞌthaar cĩg maacõnĩ ꞌThakaria.

ꞌLuuka 2:21

Ma baa õdõlanit waathinniooha ĩĩtõ turkiyyio, ikia ẽttẽẽdĩ ĩdõlĩ ẽlẽ nẽ akattioothĩk ꞌthaara ꞌcĩg haĩ Yeesu, ꞌThaar baag akanneek aajĩlõ ĩnõõnnõ baa nga haꞌnyahĩ hẽẽngatõõ.

ꞌLuuka 5:38

Occa ꞌthẽk aarĩhoothĩk mẽrta cĩ viinoo ꞌcĩ nga ĩĩn ngeju hutubaawa ꞌcĩ nga ĩĩn ngeju buúk.

Dtiicanĩ cĩg ꞌThooyyiahu 22:3

“Hĩĩnĩ naa ꞌJudeeinit ꞌcĩ harittia ꞌtaaũnaa cĩ ꞌTaartho, looccaa cĩ ꞌCilicia, nẽẽthĩ, baa halĩꞌtha ꞌtaaũnaa cĩ. Baa hĩĩnĩ naa loholeec cĩ ꞌthukuul cĩ ꞌGamalieelĩ ꞌcĩ hallimannia nyattaalaa cĩ nyakangaaꞌnya cĩggaac. Nẽ dĩdĩ, haccamanaa naa buúk Nyekuc haau hĩcĩ accamanaannu niig kõr nicci ho.

Dtiicanĩ cĩg ꞌThooyyiahu 23:6

Ma baa õrõõta Paaulo ngaatĩ ĩĩnnĩ eeta cĩg lokihooak ũgẽẽgĩ Thadutheei nẽ ĩĩtõ ũgẽẽgĩ Variꞌtheei ho, ikia õthõõth ĩĩ, “ꞌGotoonoga, hĩĩnĩ naa Variꞌtheenit, ngeertĩ Variꞌtheetto. Habili ꞌyioko lokihooa, hĩnĩngĩtĩ muhẽẽnĩt caannĩ ꞌcĩ arũkꞌthaanĩ eeta ꞌcĩg adaahito.”

Dtiicanĩ cĩg ꞌThooyyiahu 6:1

Ma baa waathinniook nicciag, iita ittoorri nuyyiooha hĩĩtõ mẽẽlĩg, nĩngĩtĩ au alĩlalõõnĩ eeta cĩg ꞌJudeei ꞌcĩg õthõõth ꞌGiriheeyyi hĩ cĩg õthõõth Ebereeiyyi. Baa alĩlanõõ nẽẽg, hĩnĩngĩtĩ hõllõngaa aaꞌnyĩhoothĩk ngaatĩbõyyĩꞌnya ꞌcĩg õthõõth ꞌGiriheeyyi ꞌgẽẽn kõr ꞌcĩ eꞌngeriini ꞌgẽẽn waathinnioohĩ vẽlẽk.

ꞌRooma 11:1

Nẽẽthĩ, hajini naa thõõth ꞌcĩ haini, abũrĩ baa Nyekuci eet cĩgĩnnĩg? Aitiõõ ũdũt! Hĩĩnĩ nõõ naa eet cĩ Ĩꞌthĩraẽlĩ, ꞌcĩ hakuu hattũũgaa cĩ Abũrahamĩ, cĩ habuccieet cĩ Benyemiino.

2 Korinthia 11:22

Irrian nẽẽg aĩ, hĩĩgĩnna Ebereei? Hĩĩnĩ naa buúk. Irrian nẽẽg aĩ hĩĩgĩnna eet cĩg Ĩꞌthĩraẽlĩ? Hĩĩnĩ naa buúk Ebereeinit. Irrian nẽẽg aĩ, hĩĩgĩnna lõhõlĩ cĩg Abũrahamĩ? Hĩĩnĩ naa buúk loholeec cĩ Abũrahamĩ.