Pilippi 3:19 - ꞌBuuk cĩ Thõõth cĩ Nyekuci

¹⁹ Hanneekuung, aduhoothĩk hatĩ nẽẽg ꞌgwoyyiaa ꞌcĩ aalla ũdũt! Ala nẽẽg hẽlẽggĩ ꞌcĩg abũraneek eleeti cĩggĩĩng hĩĩ nyekuc cĩnĩĩng nẽ irrianit, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽgĩ. Hẽlẽggĩ vẽlẽk ꞌcĩg ammuk nẽẽgĩ, ĩĩn hẽlẽggĩ cĩg looc nicci.

Pilippi 3:19 ပူးပေါင်းရင်းမြစ်များ

Maatteeo 16:23

Ma ho, ubbuud Yeesu Pẽẽtũrũ nẽ ĩĩnnĩk, “ꞌNyẽẽhĩ muumaa caannĩ ꞌThĩttaan! Alaammaa nii nganĩĩta, aꞌnyahi nii muhẽẽnĩt cĩ eeto nẽ hõllõngaa ĩĩn cĩ Nyekuci.”

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

ꞌLuuka 12:19

Nẽẽthĩ hatĩ hĩĩnnĩha ẽlẽ caannĩ, “Ayyia! Aꞌnyahu aattĩ ꞌgẽẽn hĩ ijjio ꞌcĩg hatĩ aattĩg irkiꞌnyia ꞌcĩg mẽẽlĩg. Ma nga haallahi ꞌgiimwa, ũbũna hatĩ rũgẽtĩ. Duhõõ nẽ ũhũdĩ nẽ ꞌthẽk accamanoothihuu.” ’

ꞌLuuka 16:19

Ma nĩngaata, uduhaak Yeesu eet ĩĩnnĩk, “Baa aaĩ ballioohiti umwaa ꞌcĩ ahimit ceremwa ꞌcĩg ꞌrẽggẽẽg ꞌcĩg õkõmĩ gẽrrẽẽt nẽ adak ꞌgẽẽn ꞌcĩ abũnnaa waathinniook vẽlẽk.

ꞌLuuka 18:4

“Abũrĩ hinnia nõõ ꞌgaadĩ ngaatĩ ẽẽlĩ ĩnõõnnõ. Ma uruta ꞌrĩng, ikia ummuk ĩĩ, ‘Tananga aitiõõ naa hõllõngaa hiteelli Nyekuc, hode haallahi eeta,

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

ꞌRooma 6:21

ꞌYioko baa bũnnai iina ꞌcĩ baa ꞌthẽk ammũdaannu niig korrioohĩĩ nĩĩcag, hẽlẽggẽẽnnĩĩ ꞌcĩg ꞌyioko aaꞌnyuung ngagiit ngaaoni ho? Aĩnanaakuung ngagiit hẽlẽggĩ tĩko daahĩth.

1 Korinthia 3:3

Nga ĩĩgĩnnu niig eet cĩg looc nicci, hĩnĩngĩtĩ nga iinanoonnu niig nẽ eggerenytoou hõrggẽẽnaa cunuung, aitiõõ ꞌyioko niig hõllõngaa aattiyyu hĩ eeta cĩg looc nicci? Aitiõõ ꞌyioko niig hõllõngaa adticaniinnu hĩ eeta ꞌcĩg hollig ooti haaga?

1 Korinthia 5:2

Irriannu hinnia niig hĩĩ nĩngĩtĩ ꞌcĩ occa aluyyu thõng nẽ itiggiayyu eet ꞌcĩ adtican thõõth ꞌcĩ aaĩ noho ho laiittaa cunuung battaala!

1 Korinthia 5:6

Aitiõõ ꞌrianĩĩthĩ cunuung ko hõllõngaa abũnnaa. Hõllõngaa nooyyia agayyu niig ngaatĩ ĩꞌthanõthõõthĩkĩ abũũlana ꞌcĩg abadtẽc haaga tũkan ꞌcĩ oꞌngoꞌnyi hũtũrũũr?

2 Korinthia 11:12

Nẽ haalla hatĩ naa hadticani thooꞌthiok gõõng hadticani hõdõõkõthĩ, hátĩ hĩbĩlĩ eet ꞌcĩg adiim ammũda ꞌgõõl ꞌcĩ ĩthakꞌthẽẽkĩ dtiic cĩnĩĩng irrianĩ ho, hĩ dtiic cĩnaang.

2 Korinthia 11:15

Nẽẽthĩ hoti ho, aitiõõ hõllõngaa hakuleek ꞌjieen, hatĩ má iggoolleet ꞌThĩttaanĩ ngagĩĩt ngaatĩ õõlõngĩ dticcianniooha cĩgĩnnĩg aattiyyi hĩ dticcianniooha ꞌcĩg abũnnaa. Ammũda hatĩ nẽẽg ꞌgii ꞌcĩ adiim dtiici cĩnĩĩng ko kõr umwa.

ꞌGalaaꞌthia 6:13

Aitiõõ eeta ꞌcĩg etteeddi eleeti hõllõngaa anũ nyattal nẽ adiimmuung nẽẽg ngagiit etteeddi, hátĩ hirrianit nẽẽg, hĩnĩngĩtĩ eleeti cugguung.

Pilippi 2:21

Aallak eeta ũgẽẽgĩ thooꞌthiok ꞌcĩg adiim nẽẽgĩ, hõllõngaa aallak thõõth cĩ Yeesu Krĩstõ.

Kolooꞌthe 3:2

Ummuhit thooꞌthiok cĩg hẽẽtkujjieen, ma hammuku hẽlẽggĩ cĩg looc nicci.

2 Tẽꞌthaloonika 1:9

Uuk hatĩ Nyekuci ĩhõõggõ nẽ aaꞌnyĩk haccanattĩ ooo, nẽ hatĩ ũꞌnyũũgtothoothĩk nẽẽg battaala hĩĩtõ ꞌrẽẽttĩg hĩ Makayyioohit, hiittiõõ hõllõngaa acĩn ĩnõõnnõ hĩ bulẽẽnĩt hĩ ꞌtirrian cĩnnĩ.

2 Tẽꞌthaloonika 2:12

Uuk hatĩ Nyekuci ĩhõõggõ vẽlẽk, hĩnĩngĩtĩ ẽlẽmĩ nẽẽg thõõth ꞌcĩ hõllõngaa ĩĩn dĩdĩ nẽ accamatta ꞌthẽccan.

2 Tẽꞌthaloonika 2:8

Nẽ ma edeeꞌnyia ẽẽtĩ ꞌcĩ abũrĩ thõõth cĩ Nyekuci ho, aruk hatĩ Makayyioohiti Yeesu ĩnõõnnõ ꞌlaũhẽẽnnĩĩ cĩgĩnnĩg nẽ tarĩ, uruk bulẽẽttaa ꞌcĩ õbõdaanĩ nẽẽnĩ.

1 Timotteeo 6:5

hĩ jore hĩ ngaatĩ õdõõmĩ ꞌgõõnõgĩ hĩ muhẽẽnĩt ꞌcĩ abathĩ nẽ aꞌnyak nẽẽ õõ ꞌcĩ abathĩ, ꞌcĩ hõllõngaa agaĩ thooꞌthiok ꞌcĩg ĩĩn dĩdĩ. Ammuk nẽẽg aĩ, ĩĩn thõõth cĩ Nyekuci ꞌcĩ hammũdaanĩ ꞌrabbẽẽta.

2 Timotteeo 3:4

Au hatĩ õhõppõõcan ꞌgõõnõgĩ, ajanĩ thooꞌthiok tahatak, attik iꞌnyiaati nẽ accamattoothĩk, hĩnĩngĩtĩ ammĩnan ngaatĩ adĩmanĩ thooꞌthiok ꞌcĩg adiim nẽẽgĩ nẽ ũtũbũrĩt ngaatĩ ammĩnanĩ Nyekuc.

ꞌJeemith 4:16

Nẽẽthĩ, athĩngõnyannu hinnia niig, hĩnĩngĩtĩ muhẽẽnĩt cunuung, abathĩ thĩngõõnyani ꞌcĩ aaĩ noho.

2 Pẽẽtũrũ 2:1

Nẽ baa aattĩg põrõvẽtaaꞌnya ꞌcĩg ĩĩn oloꞌngiaak buúk eetinitõõ, hĩcĩ hatĩ aattĩg ꞌlimmanniooha ꞌcĩg ĩĩn oloꞌngiaak hõrggẽẽnaa cunuung. Iꞌthianaanĩ hatĩ nẽẽg ngaatĩ allimanĩ thooꞌthiok ꞌcĩg abathĩ ꞌcĩg ĩĩn õlõng burkiitina nẽ ẽppẽhanit Makayyioohit cobbi baa ũũta ĩhõõggõ nẽ ĩĩnattaak eleeti cĩggĩĩng daahĩth hĩdĩĩkoothong.

2 Pẽẽtũrũ 2:13

Acuddiaa hatĩ nẽẽg, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽg ko. Aangal nẽẽg ngaatĩ adĩmanĩ karramẽẽt nẽ ĩdĩmanit thooꞌthiok ꞌcĩg ĩĩn ꞌriiring waath ꞌcĩg abũraneek eleeti cĩggĩĩng. Ĩĩn nẽẽg eet ꞌcĩg aꞌnyahaakuung ngagiit thooꞌthiok ꞌcĩg abathĩ hõrggẽẽnaa cunuung.

2 Pẽẽtũrũ 2:3

Ĩĩn hatĩ nẽẽg lobolobbiaak ꞌcĩg adiim eet ꞌcĩg anũ ĩhõõggõ nẽ iggoolluung thooꞌthiohĩĩ ꞌcĩg ẽmmẽdĩ. Nẽẽthĩ, baa idiim uuk Nyekuci ĩhõõggõ baangaani nẽ uuk hatĩ nẽẽ ĩhõõggõ dĩdĩ.

ꞌJuud 1:10

Õdõõm hinnia eeta cieeg makaaꞌthĩt cĩ hẽẽtkujjieen ꞌcĩ hõllõngaa aga nẽẽgĩ. Aattĩg nẽẽg hĩ idiꞌngwaana ꞌcĩg hõllõngaa aꞌnyak muhẽẽnĩt, adĩman nẽẽg hẽlẽggĩ ꞌcĩg aduhaak muhẽẽnĩtĩ cĩnĩĩng, nĩngĩtĩ ĩkõõthakĩ eleeti cĩggĩĩng daahĩth ẽmmẽn.

ꞌJuud 1:16

Õngõõngõ eeta cieeg nẽ aauto thooꞌthiohĩĩ ꞌcĩg abũraneek nẽẽg diooni. Athĩngõõnyan nẽẽg nẽ iggoolito eet ũgĩ, hátĩ hummuddia thooꞌthiok ꞌcĩg adiim nẽẽgĩ.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.

Terethiinit 18:7

Aꞌnyĩĩk ĩnõõnnõ ukẽẽnĩt hĩ huciith ꞌcĩ ĩllõõanĩ, hĩ baa abuluth nẽẽ ẽlẽ cĩnnĩ nẽ abalõ. Aĩ nẽẽ ꞌthĩnĩtaa cĩnnĩ nẽẽ, ‘Haayyi naa dtaaba nẽ hĩĩnĩ habu ꞌcĩ ngayyi, hõllõngaa hĩĩnĩ ngaatĩbõyyĩ nẽ hõllõngaa hatĩ homoꞌthi ũdũt.’

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 21:8

Haduhaakii hatĩ naa ꞌgii ꞌcĩ edeeꞌnyiak eet ꞌcĩg ĩĩn teelliak hĩ eet ꞌcĩg hõllõngaa ẽlẽmĩ thõõth caannĩ hĩ ꞌthẽccanniook hĩ eet ꞌcĩg aruk ꞌgõõnõgĩ hĩ eet ꞌcĩg adĩman thooꞌthiok ꞌcĩg ĩĩn ꞌriiring, hĩ ꞌcĩg adtican thooꞌthiok cĩg ngaritu hĩ eet ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya hĩ oloꞌngiaak vẽlẽk. Adhuhoothĩk hatĩ nẽẽg ꞌgelemit cĩ ꞌgwoo ꞌcĩ aalla ooo. Nẽẽthĩ, ĩĩn niccia daahĩth ꞌcĩ ĩĩn ꞌramma.”

Terethiinit 22:15

Ma battaala ꞌtaaũna, baa aattĩg eeta ꞌcĩg aattĩg hĩ ũthũrẽẽta ꞌcĩg adĩman thooꞌthiok ꞌcĩg ĩĩn ꞌriiring, hĩ buuyyiak hĩ ngarĩta hĩ eet ꞌcĩg adtican thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ ꞌcĩg eetuk tahatak, hĩ eet ꞌcĩg aruk ꞌgõõnõgĩ, hĩ ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya, hĩ eet ꞌcĩg accamana ngaatĩ õthõõthĩ õlõng ooo haaga nẽ otongomit ꞌgõõnõgĩ.