Pilippi 3:18 - ꞌBuuk cĩ Thõõth cĩ Nyekuci

¹⁸ Baa gõõng hiloottuung naa ngagiit tabattĩ mẽẽlĩg nẽ hõbõdẽẽkĩ tarĩ, tilaalõnĩ hẽbẽrẽẽnnĩĩ cĩgannĩg hanneekuung, mẽẽlĩg eeta ꞌcĩg ĩĩn mĩrõk cĩg hurucce cĩ Krĩstõ.

Pilippi 3:18 ပူးပေါင်းရင်းမြစ်များ

ꞌLuuka 19:41

Ma baa õbõktõ nẽẽ hĩ ꞌJeruꞌthalẽm nẽ ĩcĩn ꞌtaaũn, ikia utulu,

Dtiicanĩ cĩg ꞌThooyyiahu 20:19

Hadticanoothihi naa Makayyioohit tamaatitta hĩ ꞌgõõlaa ꞌcĩ hõllõngaa hamaacĩ eet ũgĩ nẽ hẽtẽmẽẽtha ꞌtĩmman ꞌcĩ adiim aruka eeta cĩg ꞌJudeei.

ꞌRooma 9:2

haꞌnyahi naa mothiinit cobbi gẽrrẽẽt ꞌcĩ hõllõngaa edecciaa ꞌthĩnĩtaa caannĩ.

1 Korinthia 1:18

Hĩnĩngĩtĩ ĩĩn nyeemuut cĩ hurucceeo ꞌgiithẽnĩt hĩ eet ꞌcĩg hatĩ adaahĩ, nẽẽthĩ, hĩ ngagĩĩt ꞌcĩg heelliaa ho, ĩĩn ꞌtirrian cĩ Nyekuci.

1 Korinthia 6:9

Hõllõngaa nooyyia agayyu niig aĩ, hõllõngaa hatĩ arigith eeta ꞌcĩg ĩĩn ꞌthẽccanniook habuccieet cĩ Nyekuci? Ma higgoollu eleeti! Aitiõõ hatĩ eeta ꞌcĩg adĩman thooꞌthiok ꞌcĩg ĩĩn ꞌriiring, hode eeta ꞌcĩg ala nyekuꞌnya ꞌcĩg hõllõngaa ĩĩn dĩdĩ, hode eeta ꞌcĩg attik ngaaĩ ꞌcĩg ꞌrĩĩng, hode ꞌwuaangiak ꞌcĩg maacĩg hode eet ꞌcĩg attik ꞌgõõnõgĩ ꞌcĩg maacĩg,

2 Korinthia 11:13

Ĩĩn eeta ꞌcĩg aattĩg noho ꞌthooyyiak ꞌcĩg hõllõngaa ĩĩn dĩdĩ, oolongeekeet aĩ hĩĩgĩnna ꞌthooyyiak cĩg Krĩstõ.

2 Korinthia 11:29

Ma aitiõõ eeta ũgẽẽgĩ hõllõngaa aꞌnyak ꞌtirrian, aitiõõ thĩ ꞌthẽk hĩ nganĩĩt buúk tõõ. Ma ĩggõõl eeta eet ũgĩ harahanit nẽ ẽꞌthẽcattõõ, hakuu halĩĩlĩ naa gẽrrẽẽt.

2 Korinthia 2:4

Hĩnĩngĩtĩ hẽhẽẽdakuung pĩĩrnatta hĩ mothiitta, cobbi hĩ tilaalõnĩ, hátĩ hiittiõõ hõllõngaa haaꞌnyuung naa ngagiit huciith, hátĩ agaac ĩĩtõ, maka mĩnnanĩ caannĩ hĩ ngagiit gẽrrẽẽt.

ꞌGalaaꞌthia 1:7

ꞌcĩ hõllõngaa ĩĩn dĩdĩ. Nẽẽthĩ, aattĩg eeta ũgẽẽgĩ ꞌcĩg aaꞌnyuung ngagiit pĩĩrnanĩt nẽ adiimmuung ngagiit ũtũbũrĩt nyeemuut ꞌcĩ abũnnaa cĩ Krĩstõ.

ꞌGalaaꞌthia 2:14

Ma baa hacini ngaatĩ arahanĩ Pẽẽtũrũ thõõthaa ꞌcĩ ĩĩn dĩdĩ ĩcĩ nyeemuut ꞌcĩ abũnnaa ho, hikia heggerenyeeha ĩnõõnnõ hõrggẽẽnaa cĩ eet vẽlẽk hĩĩnnĩha, “Ĩĩnĩ nii ꞌJudeeinit nẽ aau hĩ ẽẽtĩ ꞌcĩ hõllõngaa ĩĩn ꞌJudeeinit. Inni gõõng nii ꞌtĩnganeek eet ꞌcĩg hõllõngaa ĩĩn ꞌJudeei hũnnẽẽcõ nyattalliook cĩg ꞌJudeei ho?

ꞌGalaaꞌthia 2:21

Nga hũtũbũr naa bũnnai cĩ Nyekuci. Má helemit naag ngaatĩ heellianĩ ꞌgõõlaa ꞌcĩ hanũĩ nyattal, ĩko thĩ mĩĩ baa adaak Krĩstõ haaga!”

ꞌGalaaꞌthia 5:21

iinan hẽlẽggĩ cĩg eetuk nẽ ĩĩn duuttiak nẽ adĩman thooꞌthiok ꞌcĩg abathĩ ꞌcĩg aattĩg hĩ cieeg karramẽẽtĩ. Ĩꞌnya da huduhaahuung thõõth umwa tarĩ hĩ baa haduhaakuung baa ĩĩcĩ oou, eeta ꞌcĩg adtican thooꞌthiok iccig, hõllõngaa hatĩ aduhun nẽẽg habuccieet cĩ Nyekuci nẽ ĩĩtõ lõhõlĩ cĩgĩnnĩg.

ꞌGalaaꞌthia 6:12

Eeta ꞌcĩg aduhaakuung ngagiit anneekuung etteedit eleeti cĩg eet ꞌcĩg maacĩg ko, adiim nẽẽg ẽtẽrꞌtha makaaꞌthĩt cĩ eleeti cĩggĩĩng. Nẽ adiim alĩĩta nẽẽg ukẽẽnĩt ꞌcĩ allimanĩ thõõth cĩ hurucce cĩ Krĩstõ.

ꞌGalaaꞌthia 6:14

Occa hirriani, hĩnĩngĩtĩ hurucce cĩ Makayyioohit cĩnaac Yeesu Krĩstõ diooni, hĩnĩngĩtĩ hurucce cĩnnĩ, ikia adaak lõõcĩ hĩ thooꞌthiok ꞌcĩg abathĩ vẽlẽk hĩ nganĩĩta nẽ hadaaha naa buúk hĩnĩngĩtĩ thooꞌthiok ꞌcĩg abathĩ cĩg looc nicci.

Eevvetho 4:17

Hĩ nuyyioohiti cĩ Makayyiookto, haduhaakuung hanneekuung ibilli authet ꞌcĩ aattiyyu hĩ eeta ꞌcĩg aggiithi ꞌcĩg hõllõngaa aga Nyekuc.

Pilippi 1:4

Ma halayyi naana, halaiinnuung ngagiit vẽlẽk hõdõõkõthĩ taliitta,

1 Tẽꞌthaloonika 4:6

Nẽẽthĩ, niig lemmiooha, ma higgoolonnu ꞌgõõlaa cĩ igoriꞌthu ngaaĩ cĩg ꞌgoonoginnu, hĩnĩngĩtĩ baa huduktaahuung naag ngagiit jurrung hiittihuung, uuk hatĩ Nyekuci eet ꞌcĩg adĩman thooꞌthiok ꞌcĩg ĩĩn ꞌriiring ꞌcĩg aattĩg nohotaa.

2 Tẽꞌthaloonika 3:11

Hõthõõꞌtha naag hoti, hĩnĩngĩtĩ hathĩkna aĩ, aattĩg eeta ũgẽẽgĩ hõrggẽẽnaa cunuung, ꞌcĩg alatan haaga nẽ hõllõngaa adticanni nẽ ara ngaatĩ ẽdtẽbanĩ ꞌgõõnõgĩ dioo.

2 Pẽẽtũrũ 2:10

Ĩĩn thõõth ciee thõõth ꞌcĩ ĩĩn dĩdĩ, eetinii ꞌcĩg anũ thooꞌthiok ꞌcĩg abũraneek nẽẽg ꞌcĩg abathĩ nẽ odoomito eet ꞌcĩg ĩĩn makayyiook cĩggĩĩng. Aꞌthĩlan nẽẽg nẽ ĩthĩngõõnyanita, nẽ hõllõngaa iꞌngolli ngaatĩ accĩĩnĩ aajĩlẽẽt cĩg hẽẽtkujjieen.

ꞌJuud 1:13

Attiran eeta ꞌcĩg abũrĩ Nyekuc aattĩg hĩ tawanĩ, ꞌcĩ attarraak tahaha dẽmẽtaa cĩ liilu. Aꞌnyaha dtiicanĩ cĩggĩĩng ꞌcĩg abathĩ ho, ngaaoni. Aattĩg nẽẽg hĩ mũnyũnya ꞌcĩg arahanit ꞌcĩg õõt udtuuttĩk muguuraa cobbi gẽrrẽẽt ĩĩcĩ aalla ooo.