Pilippi 3:15 - ꞌBuuk cĩ Thõõth cĩ Nyekuci

¹⁵ Aꞌnyĩĩk eet vẽlẽk ꞌcĩg okomit lemiitta, helemit thooꞌthiok iccig. Nẽ má hõllõngaa elemmu thõõth umwa, haga naa aaꞌnyuung hatĩ Nyekuci agaac thõõth tĩho.

Pilippi 3:15 ပူးပေါင်းရင်းမြစ်များ

Maatteeo 5:48

Aanytĩk bũnnai cunuung hĩĩ maka, haau hĩcĩ Baangeet cunuung ꞌcĩ aaĩ hẽẽtahujjieen.”

ꞌLuuka 11:13

Ma agayyu niig ngaatĩ aaꞌnyiku lõhõlĩ cugguung hẽlẽggĩ ꞌcĩg abũnnaa tananga iiginnu ꞌthẽccanniook, ma ꞌthẽk hinnia Maaꞌnyu cĩ hẽẽtkujjieen, aaꞌnyĩk hatĩ nẽẽ eet ꞌcĩg ala ĩnõõnnõ Lori ꞌcĩ Ẽllẽẽmĩth tabattĩ thõng?”

Yõaannẽ 6:45

Eheeddi ꞌBuuhaa cĩ Põrõvẽtaaꞌnyanu aĩ, ‘Alliman hatĩ Nyekuci ĩhõõggõ vẽlẽk.’ Nẽ eeta vẽlẽk ꞌcĩg athĩhĩ Maaꞌnyĩ nẽ illimatta thõõth hĩ ĩnõõnnõ, au hatĩ hĩ nganĩĩta.

Yõaannẽ 7:17

Má atab ẽẽtĩ umwaa adĩman tabiinit cĩ Nyekuci, aku hatĩ aga nẽẽ ma aku ꞌlimmanĩ caannĩ ho hĩ Nyekuc, hode hothoothi naa ẽmmẽn.

ꞌRooma 15:1

Má õkõmĩ lemiiniti cĩnaac, occa haꞌnyak naag ꞌthinneeti ꞌcĩg makatĩg hĩ nuyyiook cĩg Makayyiooktak ꞌcĩg hõllõngaa attiran lemiiniti cĩnĩĩng. Occa haaꞌnyĩk ĩhõõggõ haccamattoothĩk hĩllõõan ngaatĩ haaꞌnyĩkĩ eleeti cĩggaac haccamattoothĩk.

1 Korinthia 14:20

ꞌGotoonoga hĩ ngoonoga, ma haꞌnyaku muhẽẽnĩt hĩ lohollia ꞌcĩg hidicẽẽgĩ. Nẽ thõõthaa ꞌcĩ abathĩ, ĩmmĩrĩt aaut hĩ ĩdõlẽẽta nẽẽthĩ, muhẽẽttaa cunuung, aꞌnyahit muhẽẽnĩt hĩ eeta ꞌcĩg obbitẽẽgĩ.

1 Korinthia 2:6

Nẽẽthĩ, hõthõõꞌtha naag nyeemuut cĩ ꞌgẽẽnyĩthõõ lothippitaa cĩ eet ꞌcĩg okomit lemiitta, nẽẽthĩ hinnia, hõllõngaa hõthõõꞌtha ꞌgẽẽnyĩthaa cĩ looc nicci, hode ꞌgaala cĩg looc nicci, ꞌcĩg hatĩ aꞌnginoothi haaga.

ꞌGalaaꞌthia 5:10

Nẽẽthĩ, iiginnu niig eet cĩg Makayyiooktak. Nẽ haini naa dĩdĩ, anuyyu hatĩ niig thõõth ꞌcĩ haduha naana nẽ utuburru nyeemuut ꞌcĩ aduha eet umwaanĩ. Nẽẽthĩ, uuk hatĩ Nyekuci eet ꞌcĩ ataddaannuung ngagiit ko.

Eevvetho 1:17

Hara naa hala Nyekuc Baangeet ꞌcĩ abuli cĩ Makayyioohit cĩnaac Yeesu Krĩstõ, hátĩ haaꞌnyuung Lori ꞌcĩ Ẽllẽẽmĩthĩ. Aaꞌnyuung hatĩ Lorii ꞌcĩ Ẽllẽẽmĩth ko ngagiit eggeenyit nẽ agayyu thõõth ꞌcĩ hagaĩ Nyekuc jurrung.

Kolooꞌthe 1:28

Hirrioonĩka naag eet nyeemuut cĩ Krĩstõ nẽ hidticattooyyia ꞌgẽẽnyĩth vẽlẽk hillimatta eet hĩ ngaatĩ hilootta eet vẽlẽk, hátĩ hiita hĩtĩlĩthĩt nuyyiooha cĩg Krĩstõ vẽlẽk hokomit lemiitta.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

1 Tẽꞌthaloonika 4:9

Nẽ ꞌyioko, occa hõllõngaa hẽhẽẽdakuung naag ngagiit waraga ꞌcĩ hanneekuung ĩmmĩnanit eleeti, hĩnĩngĩtĩ baa illimaneehuung ngagiit Nyekuci thõõth cĩ mĩnnaanõ ẽlẽk.

2 Timotteeo 3:17

Hátĩ haga ẽẽtĩ ꞌcĩ alliman thõõth cĩ Nyekuci ho, ngaatĩ adticanĩ thooꞌthiok vẽlẽk ꞌcĩg abũnnaa.

Ebereei 5:14

Ĩĩn ahat ꞌcĩ õkõmĩ cĩ eet cobbi nẽ aala illiman ngaatĩ ittiamanĩ ꞌgii ꞌcĩ abũnnaa hĩcĩ abathĩ.

1 Yõaannẽ 2:5

Nẽẽthĩ, má aꞌthũũnnĩ ẽẽtĩ umwaa thõõth cĩ Nyekuci, aku edeeꞌnyia mĩnnanĩ cĩ Nyekuci ngaatĩ ĩĩnnĩ dĩdĩ hĩ ĩnõõnnõ.