Pilippi 3:12 - ꞌBuuk cĩ Thõõth cĩ Nyekuci

¹² Aitiõõ naa hõllõngaa haini, hũmmũda hẽlẽggĩ iccig vẽlẽk hode haini hẽdẽcaaha dtiic cĩ Nyekuci. Nẽẽthĩ, nga ꞌthẽk harriiꞌnyi ĩꞌthõng haau ꞌgõõlaa ꞌcĩ adiimma Yeesu Krĩstõ kõr baa aũyyaanĩ.

Pilippi 3:12 ပူးပေါင်းရင်းမြစ်များ

Maatteeo 5:48

Aanytĩk bũnnai cunuung hĩĩ maka, haau hĩcĩ Baangeet cunuung ꞌcĩ aaĩ hẽẽtahujjieen.”

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

ꞌRooma 8:39

ꞌcĩ aku hẽẽtahujjieen hode ꞌtirrian ꞌcĩ aku loota, ꞌcĩ eꞌngerreet ngagĩĩt mĩnnaanaa cĩ Nyekuci. Hiꞌthihi ꞌgii ꞌcĩ occa eꞌngerreet ngagĩĩt hẽlẽggẽẽnnĩĩ vẽlẽk ĩĩcĩg ẽhẽnytaa mĩnnaanaa cĩ Nyekuci, hĩnĩngĩtĩ Yeesu Krĩstõ Makayyioohit cĩnaac.

1 Korinthia 13:10

Hĩnĩngĩtĩ nga hũttũbanoothĩk ꞌbaaniniti cĩnaac cĩ ꞌgẽẽnyĩthõõ hĩ ꞌgõõl ꞌcĩ hirriooni thõõth cĩ Nyekuci, nẽẽthĩ, ma ikia thõõth ꞌcĩ attũbanoothĩk ko, ũũnnothoothĩk hatĩ thõõth ꞌcĩ nga hũttũbanoothĩk ko.

1 Korinthia 13:12

Nẽẽthĩ ꞌyioko, ꞌgii vẽlẽk ꞌcĩ hacĩnĩ naag Nyekuc, aaĩ hĩcĩ hacĩn ꞌthooura cĩnnĩ ꞌcĩ hõllõngaa edeeꞌnyia jurrung maadaraawatõõ. Nẽ hatĩ uruta, hacĩn hatĩ naag ĩnõõnnõ cũrũmũũm. Hõllõngaa haga naag hẽlẽggĩ vẽlẽk, nẽẽthĩ, haga hatĩnĩ, hĩcĩ agayyeet Nyekuci ngagĩĩta.

1 Korinthia 9:24

Hõllõngaa agayyu niig aĩ ireta, avvir irettiooha nẽ ũmmũda ẽẽtĩ hõdẽẽthõng ꞌbaaninit? Ukulit niig buúk noho, hátĩ ummuddia ꞌbaaninit.

2 Korinthia 13:9

Haccamanoothĩka naag hatĩ okommu niiga nẽ hippiirriawa naaga. Nẽ halaiinna naag gẽrrẽẽt haĩnna, aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga.

2 Korinthia 7:1

ꞌGotoonoga hĩ ngoonoga, hĩcĩ haꞌnyahit naag thooꞌthiok ꞌcĩg tiirik ꞌcĩg aduha Nyekuci ho, haaut ꞌrẽẽna hẽlẽggẽẽnnĩ vẽlẽk ĩcĩg occa aaꞌnyĩk eleeti hĩ loriẽẽt cĩggaac hĩĩtõ ꞌriiring. Hadiim hĩĩgĩn eet ꞌcĩg abũnnaa nẽ haꞌnyahit authet ꞌcĩ hiꞌngoliini Nyekuc.

ꞌGalaaꞌthia 5:17

Adiim ẽlẽ baa ꞌrẽẽnĩ ꞌthẽccanẽẽt ꞌcĩg abathĩ, ꞌcĩg hõllõngaa adiim Lorii ꞌcĩ Ẽllẽẽmĩthĩ. Aruhõõ Lorii ꞌcĩ Ẽllẽẽmĩth hĩ ẽlẽ baannaac ꞌrẽẽnĩ nẽ iittiõõ hõllõngaa adĩmani nii thõõth ꞌcĩ adiimi niina.

Eevvetho 1:4

Baa nga hẽtẽhẽnya Nyekuci looc, baa ammĩnanneet nẽẽ ngagĩĩt nẽ aaꞌnyĩk Krĩstõ hẽbẽraeet ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ꞌcĩg hammĩrĩ muumaa cĩ Nyekuci. Hĩnĩngĩtĩ baa ammĩnanneet Nyekuci ngagĩĩta,

Eevvetho 4:12

hillimanit eeta cĩg Nyekuci ꞌgõõl ꞌcĩ adticanõõthĩkĩ eet ũgĩ, hátĩ hĩtĩlĩth ẽlẽ cĩ Krĩstõ hittiran.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Pilippi 3:16

Nẽẽthĩ ꞌyioko, adiim occa haalla haꞌthũũnnĩ naag thõõth ꞌcĩ ĩĩn dĩdĩ ꞌcĩ haꞌnyahit ẽlẽk ko.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Pilippi 3:8

Nẽ dĩdĩ, ĩllõõan thõõth ꞌcĩ hagaĩ Makayyioohit Yeesu Krĩstõ ꞌgii vẽlẽk. Ĩnõõ baa hacĩnĩ naa hẽlẽggĩ vẽlẽk hĩ tahaha haaga, hátĩ hũnũ Krĩstõ,

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

2 Tẽꞌthaloonika 2:13

Nẽẽthĩ, hadiimma naag hanneeka Nyekuc hõdõõkõthĩ ĩlaallẽ ꞌgotoonoga hĩ ngoonoga, hĩnĩngĩtĩ ammĩnannuung Makayyioohiti Yeesu ngagiita nẽ ẽbẽraauung Nyekuci ngagiit dtiicaa cĩ Lori ꞌcĩ Ẽllẽẽmĩthĩ hĩ ngaatĩ elemmu thõõth ꞌcĩ ĩĩn dĩdĩ.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

1 Timotteeo 6:19

ꞌGõõl ꞌcĩ hatĩ aarĩkĩ nẽẽg baliinit cĩnĩĩng õlõõ cĩ Nyekuci ĩcĩ hatĩ horumwa cieeni, nẽẽthĩ hatĩ ummuddia rũgẽt ꞌcĩ ĩĩn dĩdĩ ꞌcĩ aalla ooo.

Ebereei 12:14

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk! Aaut rũgẽtaa ꞌcĩ tẽllĩ. Ma hõllõngaa adĩmannu noho, aitiõõ hatĩ hõllõngaa acinnu Makayyioohit.

Ebereei 12:23

Nẽ ꞌyioko, iitiaau niig lothippiti cĩ lemmiook ꞌcĩg ammĩnan Nyekuci gẽrrẽẽt, ꞌcĩg ĩĩgĩnnu lõhõlĩ ꞌcĩg oou ꞌcĩg eteheeddi ꞌthaara cugguung hẽẽtahujjieen. Iitiaau niig hĩ Nyekuc ꞌcĩ ẽttẽẽd thooꞌthiok vẽlẽk cĩg eetuk. Nẽ tarĩ, iitiaau hĩ loriẽẽt cĩg eet ꞌcĩg abũnnaa hẽẽtahujjieen, ꞌcĩg ꞌyioko aanytĩhoothĩk hũbũttaathõ.

Ebereei 13:21

Halayyi naa haini, aꞌnyĩĩk Nyekuc haaꞌnyuung ĩthĩhĩt ĩnõõnnõ nẽ hatĩ gõõng ĩdĩmattu thooꞌthiok ꞌcĩg aũlanĩ. Aꞌnyĩĩk Yeesu heeluung ĩdĩmanit thõõth ꞌcĩ aaꞌnyĩk Nyekuc haccamanoothĩk. Aꞌnyĩĩk bulẽẽnĩt haau hĩ Yeesu Krĩstõ ooo! Aamẽn.

ꞌJeemith 3:2

Nẽ dĩdĩ, hẽꞌthẽcattõõ naag vẽlẽk thooꞌthiohĩĩ ꞌcĩg mẽẽlĩg. Hĩnĩngĩtĩ, ꞌyioko huꞌthuutti naag utugeeti cĩggaac, occa habũnnaa gẽrrẽẽt nẽ occa haꞌthũũnnĩ eleeti cĩggaac ꞌgoolliohĩĩ ũgẽẽgĩ buúk.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.

2 Pẽẽtũrũ 3:18

Aꞌnyĩĩk bũnnai hĩ gaiinit ꞌcĩ aku hĩ Makayyioohit hĩ Ellioohit cĩnaac Yeesu Krĩstõ, heelluung ngagiit ĩtĩlĩthĩt. Ĩdĩhĩthĩt Yeesu ꞌyioko hĩ ooo! Aamẽn.