Pilippi 3:10 - ꞌBuuk cĩ Thõõth cĩ Nyekuci

¹⁰ Hadiimi haga naa Krĩstõ hĩ ꞌtirrian cĩ Nyekuc baa arũgtha ĩnõõnnõ daahĩtha. Hadiimi haccanannii naa buúk hĩ baa accananni nẽẽnĩ nẽ hadaaha hĩ baa adaahĩ nẽẽnĩ,

Pilippi 3:10 ပူးပေါင်းရင်းမြစ်များ

Maatteeo 20:23

Nĩngĩtĩ aduhaakĩ Yeesu ĩhõõggõ annẽẽkĩ, “Dĩdĩ ahuddu hatĩ niig hooppo caannĩ, nẽẽthĩ, hõllõngaa nganĩĩt ꞌcĩ occa haduha nganĩ ꞌcĩ hatĩ aaĩ ĩĩcĩ aꞌthiit caannĩ cobbi, hode ĩĩcĩ aꞌthiit ꞌcĩ hidici. Baaba ꞌcĩ hatĩ aduha.”

Yõaannẽ 10:18

Aitiõõ ẽẽtĩ ꞌcĩ aggamaanna nganĩĩt rũgẽt caannĩ tõõ. Hẽlẽmanaa naa rũgẽt caannĩ ẽmmẽn. Haꞌnyahi naa makaaꞌthĩt ꞌcĩ hẽlẽmanaanĩ rũgẽt caannĩ nẽ hõbõdaaĩ tarĩ, hĩ baa aduhaaka Baaba.”

Yõaannẽ 17:3

Nẽẽthĩ ꞌyioko, rũgẽt ꞌcĩ aalla ooo cieeni, hátĩ hagayyi nẽẽg nganiit Nyekuc hõdẽẽthõng ꞌcĩ ĩĩnĩ dĩdĩ, hĩ Yeesu Krĩstõ baa ĩꞌthõõa niina.

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

ꞌRooma 8:29

Hĩnĩngĩtĩ eeta baag aga Nyekuci ngaanĩngĩtĩ baarkit, ikia ẽbẽra nẽẽ ĩhõõggõ hiita haauto hĩ Ngeerĩnẽẽnĩ, hátĩ hikia haau nẽẽ hĩ loholeec ꞌcĩ oou ꞌgotoonoginnii hĩ ngoonogiinni ĩĩcĩg mẽẽlĩg.

ꞌRooma 8:36

Hĩcĩ eheeddi ꞌBuuhaa cĩ Nyekuci aĩ, “Hĩnĩngĩtĩ nganiit Nyekuc, hiita hummuddiawa naag daahĩth waathinniook vẽlẽk. Haautta naag hĩ aꞌtha ꞌcĩg õõt etteeddi thõng.”

2 Korinthia 1:10

Nẽ baa ẽlaaeet Nyekuci ngagĩĩt tẽẽlꞌthĩtaa cĩ daahĩthõõ nẽ haga naag nga hatĩ aalla eelleet nẽẽ ngagĩĩt noho.

2 Korinthia 1:5

Hĩcĩ hõthõl naag pĩĩrnanĩt cobbi hĩ Krĩstõ, occa hammũda mammaayaniinit ꞌcĩ maka gẽrrẽẽt hĩ ĩnõõnnõ buúk.

2 Korinthia 13:4

Tananga baa odooddothoothĩk nẽẽ hurucceea, aaĩ hĩcĩ baa appĩĩrna ꞌtirriani cĩnnẽẽnĩ. Nẽ ꞌyioko, arũgĩ nẽẽ ꞌtirriaanaa cĩ Nyekuci. Noho, happĩĩrna hatĩ naag buúk hĩ baa Krĩstõ. Nẽẽthĩ nẽẽꞌthẽk, acinnu hatĩ harũgĩ naag hĩ ĩnõõnnõ ꞌtirriaanaa cĩ Nyekuci nẽ hatĩ hidticattoothihuung ngagiita.

ꞌGalaaꞌthia 2:20

Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.

ꞌGalaaꞌthia 6:17

Nẽẽthĩ, dtuurnattaa cĩnnĩ, hõllõngaa hadiimi eet ꞌcĩ accanannaa nganĩĩta, hĩnĩngĩtĩ haꞌnyahi naa ẽllaa caannĩ carrahulit, hĩnĩngĩtĩ hanũ Yeesu.

Eevvetho 4:13

Õkõ hatĩ dtiici ciee ĩĩcĩ oou ĩꞌthõng hũrũmeet lemiiniti nẽ hagaacõ Ngeertĩ Nyekuci. Nẽẽthĩ hatĩ hiita hĩtĩlĩthĩt naag hĩĩtõ makatĩg, lemiittaa hĩ Yeesu Krĩstõ nẽ hiita haauto naag hĩ nẽẽnĩ.

Pilippi 3:8

Nẽ dĩdĩ, ĩllõõan thõõth ꞌcĩ hagaĩ Makayyioohit Yeesu Krĩstõ ꞌgii vẽlẽk. Ĩnõõ baa hacĩnĩ naa hẽlẽggĩ vẽlẽk hĩ tahaha haaga, hátĩ hũnũ Krĩstõ,

Kolooꞌthe 1:24

Haccamanoothihi naa hatĩ haccanannii hĩnĩngĩtĩ ngagiit ẽllaa caannĩ, hĩnĩngĩtĩ hõthõlla naag hĩ Krĩstõ ꞌcannan cĩnnĩ ꞌcĩ aalla, hĩnĩngĩtĩ ẽlẽ cĩnnĩ ꞌcĩ ĩĩn lothippit cĩ lemmioohu.

Kolooꞌthe 2:13

Baa adaaktu niig, hĩnĩngĩtĩ baa iiginnu ꞌthẽccanniook nẽ baa hõllõngaa iiginnu eet cĩg Nyekuci. Nẽẽthĩ, baa aaꞌnyĩk Nyekuci Krĩstõ haaꞌnyuung ngagiit ũrũgta tarĩ, ngaatĩ ũũnnĩkĩ ꞌthẽccanẽẽt cĩggaac vẽlẽk.

Kolooꞌthe 3:1

Baa ũrũgũthaauung Nyekuci ngagiit hõdẽĩ hĩ Krĩstõ daahĩtha. Nẽẽthĩ ꞌyioko, aarrik ꞌthinneeti cugguung hẽlẽggẽẽnnĩĩ cĩg hẽẽtkujjieen, ngaatĩ aggamĩ Krĩstõ looc attiaa cobbi ĩĩcĩ Nyekuci.

1 Pẽẽtũrũ 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.

2 Pẽẽtũrũ 1:13

Nẽ dĩdĩ, hammuhi occa abũnnaa ngaatĩ hammuhaakuung ngagiit thõõth icci, nga harugi naa ho.

1 Yõaannẽ 2:3

Má hathĩhĩ naag tilooinit cĩ Nyekuci jurrung, haga naag ngaatĩ hagaĩ ĩnõõnnõ dĩdĩ.

1 Yõaannẽ 2:5

Nẽẽthĩ, má aꞌthũũnnĩ ẽẽtĩ umwaa thõõth cĩ Nyekuci, aku edeeꞌnyia mĩnnanĩ cĩ Nyekuci ngaatĩ ĩĩnnĩ dĩdĩ hĩ ĩnõõnnõ.

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.