Pilippi 3:1 - ꞌBuuk cĩ Thõõth cĩ Nyekuci

¹ ꞌGotoonoga hĩ ngoonoga, thõõthaa ꞌcĩ adtuurna vẽlẽk, accamattoothĩk, hĩnĩngĩtĩ iittu niig eet cĩg Makayyiooktak. Hõllõngaa hahari naa ngaatĩ hẽhẽẽdakuung ngagiit thõõth baa ĩĩcĩ oou tarĩ nẽ dĩdĩ, hẽhẽẽdakuung hĩnĩngĩtĩ bũnnai cunuung.

Pilippi 3:1 ပူးပေါင်းရင်းမြစ်များ

Maatteeo 5:12

Accamattoothĩk gẽrrẽẽt, hĩnĩngĩtĩ ereeyyuung ngagiit ꞌbaaniniti cobbi gẽrrẽẽt hẽẽtahujjieen. Nẽ ummuhuttooth, baa ꞌthẽk adĩman eeta põrõvẽtaaꞌnya baag ꞌrẽẽttĩg buúk noho diooni.”

ꞌLuuka 1:47

nẽ accamanoothĩk lorii caannĩ, hĩnĩngĩtĩ Nyekuc Ellioohit caannĩ.

ꞌRooma 5:11

Nẽẽthĩ, hõllõngaa hoti diooni, haccamanoothĩk naag buúk hĩ Nyekuc, hĩnĩngĩtĩ Makayyioohit cĩnaac Yeesu Krĩstõ, ꞌcĩ ꞌyioko aganĩꞌtheet ngagĩĩt ko.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

Eevvetho 6:10

Nẽ thõõthaa ꞌcĩ adtuurna, aanytĩk ꞌtirrian cobbi gẽrrẽẽt cĩ Makayyiookto haaꞌnyuung ittiranit.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Pilippi 4:4

Accamattoothĩk hõdõõkõthĩ, hĩnĩngĩtĩ Makayyioohit! Hõbõdẽẽkĩ tarĩ haini, accamattoothĩk.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.

1 Tẽꞌthaloonika 4:1

ꞌGotoonoga hĩ ngoonoga, baa haduhaakuung naag authet ꞌcĩ abũnnaa ꞌcĩ haaꞌnyĩkĩ Nyekuc hatal dĩdĩ, hĩcĩ aattiyyu niig ꞌyioko ho. Hanneekuung ngagiit ĩdĩmanit hoti hĩllõõan ꞌthaarĩĩ cĩg Makayyioohit cĩnaac Yeesu Krĩstõ.

1 Tẽꞌthaloonika 5:16

Accamattoothĩk hõdõõkõthĩ.

ꞌJeemith 1:2

ꞌGotoonoga hĩ ngoonoga, má attĩmaniinnu niig ꞌgoolliohĩ cũũmõ cũũmõ, aanytĩk hĩĩ ꞌgõõl ꞌcĩ occa accamanoothiku niig gẽrrẽẽt.

1 Pẽẽtũrũ 3:8

Dtuurnatta, aaut niig vẽlẽk hõdẽĩ lõꞌngõõc, ĩĩtõ tarbalĩg nẽ atamaattik ꞌgoonogu buúk, ĩmmĩnanit ꞌgotoonogu hĩ ngoonogu nẽ ma hathĩngõõnyannu.

1 Pẽẽtũrũ 4:13

Accamattoothĩk ngaatĩ accananiinnu hĩ baa Krĩstõ. Akũmaneekuung hatĩ ꞌcannani ciee ngagiit umuddia taliinit ꞌcĩ maka, hatĩ õbõda nẽẽ bulẽẽttaa cĩnnĩ.

2 Pẽẽtũrũ 3:1

ꞌGotoonoga hĩ ngoonoga, waraga ꞌcĩ hẽhẽẽdakuung naa ngagiit ꞌcĩ ĩĩn ꞌramma cieeni. Hẽhẽẽdakuung, hátĩ hũkũtanuung haaꞌnyuung aꞌnyahit muhẽẽnĩt ꞌcĩ ĩĩn dĩdĩ.