Pilippi 2:9 - ꞌBuuk cĩ Thõõth cĩ Nyekuci

⁹ Nĩngĩtĩ aaꞌnyĩkĩ Nyekuci ĩnõõnnõ nĩngĩtĩ cobbi gẽrrẽẽt cĩ bulẽẽttõ nẽ akateek ꞌthaar ꞌcĩg ĩllõõan ꞌthaarriok vẽlẽk.

Pilippi 2:9 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

ꞌLuuka 10:22

“Baa aaꞌnya nganĩĩt Baaba caannĩ hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga. Nẽ tarĩ, aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo hĩ eet ꞌcĩg ẽbẽra Ngeerĩnẽẽnĩ ꞌcĩg aga ĩnõõnnõ.”

Yõaannẽ 13:3

Baa aga Yeesu ngaatĩ akuuni nẽẽ hĩ Nyekuc Maaꞌnyĩ nẽ obodoothi hatĩ hĩ ĩnõõnnõ. Aga tarĩ aĩ, baa aaꞌnyĩk Maaꞌnyia ĩnõõnnõ makaaꞌthĩt vẽlẽk.

Yõaannẽ 17:11

Iittiõõ hatĩ naa hõllõngaa haalla loota nĩnga, nẽẽthĩ, nga aalla nẽẽg looccaa nĩĩcĩ, nẽẽthĩ ꞌyioko, hikia naa hĩ nganiita. Baaba ꞌcĩ Ẽllẽẽmĩthĩ, ꞌthũũtĩ ĩhõõggõ ꞌtirriaanaa cĩ ꞌthaar cugunnig, ꞌthaar baag aaꞌnyaa nii nganĩĩta, hátĩ hũrũmtĩ nẽẽg hõdẽĩ hĩcĩ harũmĩ naag hĩ nganiita.

Yõaannẽ 17:12

Baa nga harũmeenna naag hĩ ĩhõõggõ, baa haꞌthũũnnĩ ĩhõõggõ jurrung ꞌthaarĩĩ baag aaꞌnyaa nii nganĩĩta. Nga hudhuheek umwa tuu, hõdẽẽthõng diooni baa aduhoothĩk daahĩtha, hátĩ hikia hĩĩ thõõth cĩ ꞌBuuk cĩ Nyekuci dĩdĩ.

Yõaannẽ 17:5

Nẽẽthĩ ꞌyioko Baaba, buluthaa nganĩĩt muumaa cunni bulẽẽttaa baa haꞌnyak naag hĩ nganiit, baa nga heteheꞌnyiaa lõõcĩ.

Dtiicanĩ cĩg ꞌThooyyiahu 5:31

Õdõng Nyekuci ĩnõõnnõ nẽ aarĩk attiaa cĩnnĩ ĩcobbi, hĩĩ habu hĩ Ellioohit hẽlẽmaahĩ eet cĩg Ĩꞌthĩraẽlĩ hũtũngteek ꞌthẽccanẽẽt hatamaatĩk Nyekuci ĩhõõggõ.

Eevvetho 1:10

Nẽẽthĩ, muhẽẽnĩt tĩho cieeni. Ma ũttũbanoothĩk kõrra, aaꞌnyĩk hatĩ Nyekuci Krĩstõ haggam hẽlẽggĩ vẽlẽk cĩg hẽẽtkujjieen hĩ cĩg lootu.

Kolooꞌthe 1:18

Ĩĩn Krĩstõ Makayyioohit cĩ lothippit cĩ lemmioohu. Nẽ ĩĩn lothippiti ciee ẽlẽ cĩnnĩ. Atiman nẽẽ ngaatĩ arũgnaanĩ daahĩtha, hátĩ hĩĩ Makayyioohit cĩ eet vẽlẽk hĩ hẽlẽggĩ vẽlẽk.

2 Tẽꞌthaloonika 1:12

Halaiinna naag haĩnna aꞌnyĩĩk ꞌthaar cĩg Makayyioohit Yeesu hubuluꞌthi hĩ ngagiita nẽ aꞌnyaktaau niig buúk bulẽẽnĩt cunuung hĩ ĩnõõnnõ, hĩnĩngĩtĩ tarbalꞌthẽẽt cĩ Nyekuci, hĩ cĩ Makayyioohit cĩnaac Yeesu Krĩstõ.

Ebereei 1:4

Ikia ĩĩ maka nẽẽ ĩllõõan aajĩlẽẽt makaaꞌthĩtaa cĩnnĩ, hĩnĩngĩtĩ akattioothĩk ĩnõõnnõ ꞌthaara ꞌcĩg ĩllõõan ꞌthaarriok vẽlẽk cĩg aajĩleetu.

Ebereei 1:9

Baa ammĩnani nii thõõth ꞌcĩ abũnnaa nẽ aaburreehu thooꞌthiok ꞌcĩg abathĩ, nẽẽthĩ, hẽbẽraaii naa Nyekuci cunni nganiit ꞌlõõan ꞌgoonogu vẽlẽk, nẽ hiniibii ngõõrraa cĩ taliitto.”

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 2:9

Hĩcĩnĩt naag Yeesu baa arritanniaa hĩdĩhĩdĩĩc hĩllõõan aajĩlẽẽt. Nẽẽthĩ ꞌyioko, itihimoothĩk ĩnõõnnõ tẽmẽdẽhĩ cĩ bulẽẽttõ hĩcĩ tẽẽlꞌthĩtõõ, hĩnĩngĩtĩ baa adaak nẽẽnĩ. Bũnnaiittaa cĩ Nyekuci dĩdĩ, ikia atar Yeesu daahĩth hĩnĩngĩtĩ eet vẽlẽk.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.

2 Pẽẽtũrũ 1:17

Ma baa aggam nẽẽ dĩhĩthẽẽnĩt hĩ bulẽẽnĩt ꞌcĩ aaꞌnyĩk Nyekuci Maaꞌnyia, ikia õthõõth mõlõõhĩ cobbi cĩ bulẽẽnĩt cĩ Nyekuci ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ.”

3 Yõaannẽ 1:7

Ma baa ĩtĩngaacõ nẽẽg õõt uduktaak eet ũgĩ thõõth cĩ Makayyiookto, baa abũrĩ nẽẽg ngaatĩ ẽlẽmmĩ eliinit umwa hĩ eet ꞌcĩg hõllõngaa ĩĩn lemmiook cĩg Nyekuci.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 11:15

Ma baa adtahĩ aajĩlõ ꞌcĩ ĩĩn tũkĩramma tũũrĩ cĩnnĩ ho, iita awacahit molookwaana ũgẽẽgĩ ꞌcĩg mẽẽlĩg hẽẽtahujjieen ĩĩtõ, “Nẽ ꞌyioko, ikia ĩĩ habuccieet cĩ looc nicci, cĩ Makayyioohit Nyekuc cĩnaac hĩ Krĩstõ cĩnnĩ, aggam hatĩ nẽẽ habuccieet cĩnnĩ irkiꞌnyia hĩ irkiꞌnyia.”

Terethiinit 19:16

Nẽ baa eheeddi cẽrẽm cĩnnĩ athaana thõõth ꞌcĩ aĩ, “Habu cĩ habuẽẽt vẽlẽk nẽ Makayyioohit cĩ makayyiook vẽlẽk.”

Terethiinit 3:21

“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ.

Terethiinit 5:12

Baa ebenni nẽẽg moloohaa cobbi aĩ, “Adiim Mĩꞌnyõõn baa aruhi haggam ꞌtirrian hĩ baliinit hĩ ꞌgẽẽnyĩth hĩ tingoli hĩ bulẽẽnĩt hĩ dĩhĩthẽẽnĩt.”