Pilippi 2:8 - ꞌBuuk cĩ Thõõth cĩ Nyekuci

⁸ Ma baa aau nẽẽ hĩ ẽẽtĩ ꞌcĩ holli õõ, ikia õbõdaaĩ nẽẽ ẽlẽ cĩnnĩ hĩĩ hĩdĩca, nẽ ĩthĩk thõõth ĩꞌthõng hẽlẽm daahĩth cĩ hurucceeo buúk.

Pilippi 2:8 ပူးပေါင်းရင်းမြစ်များ

Maatteeo 17:2

Ma muuraa tĩho, ikia ũtũhũĩ ẽlẽ cĩ Yeesu hẽbẽrẽẽnnĩĩ cĩggĩĩng hattaal hĩĩ õõppẽr. Baa attaalĩth muum cĩnnĩ haau hĩ kõrra nẽ attaalito ceremwaana cĩgĩnnĩg buúk, haauto hĩ lanyit cĩ korro.

Maatteeo 26:39

Ma baa ẽẽjẽk Yeesu ngadiiha hĩdĩhĩdĩĩc, ũũk akat huruꞌnyia nẽ akatĩ hẽbẽrĩ looc nẽ alaõ ĩĩ, “Baaba, má adiimi niina, aꞌnyĩĩk hooppo icci hittihi hĩ nganĩĩt battaala. Nẽ hõllõngaa hĩcĩ hadiimi naana, aꞌnyĩĩk haau hĩcĩ adiimi niina.”

Maatteeo 26:42

Nĩngĩtĩ ĩꞌngaannĩ nẽ tarĩ õkõõĩ ngadiiha nẽ ũũk alaõ ĩĩ, “Baaba, má aitiõõ ꞌgõõl umwaa ꞌcĩ attihi hooppo icci ꞌcannaanõ ho battaala hĩ nganĩĩta, aalla nga hatĩ hadĩmani naa tabiinit cunni noho.”

ꞌLuuka 9:29

Ma baa nga alayyi nẽẽnĩ, ũtũhũĩ muum cĩnnĩ hĩ ceremwa hattaalito hĩĩtõ õõppẽr.

Yõaannẽ 10:18

Aitiõõ ẽẽtĩ ꞌcĩ aggamaanna nganĩĩt rũgẽt caannĩ tõõ. Hẽlẽmanaa naa rũgẽt caannĩ ẽmmẽn. Haꞌnyahi naa makaaꞌthĩt ꞌcĩ hẽlẽmanaanĩ rũgẽt caannĩ nẽ hõbõdaaĩ tarĩ, hĩ baa aduhaaka Baaba.”

Yõaannẽ 14:31

Nẽẽthĩ, abũnnaa aga eeta cĩg looc nicci ngaatĩ hammĩnanĩĩ naa Baaba, nẽ hĩdĩmana thõõth ꞌcĩ aduhaaka nẽẽ nganĩĩt dĩdĩ. Hiita hõõtõ.”

Yõaannẽ 15:10

Má aꞌthuunnu niig thõõth ꞌcĩ haduha naana, aallannu hatĩ mĩnnaanaa caannĩ, hĩcĩ haꞌthũũnnĩ naa thõõth ꞌcĩ aduha Baaba nẽ haala mĩnnaanaa cĩnnĩ.

Yõaannẽ 4:34

Nĩngĩtĩ ẽdẽcĩ Yeesu ĩhõõggõ annẽẽkĩ, “ꞌGẽẽn caannĩ ꞌcĩ hadĩmanĩĩ thõõth ꞌcĩ adiim Nyekuci! Baa ĩnõõnnõ ꞌcĩ ĩꞌthõõannaa nganĩĩta nẽ occa hẽdẽcaahi dtiic baa aaꞌnya nẽẽ hidticanõ.

Dtiicanĩ cĩg ꞌThooyyiahu 8:33

Baa arannĩ eeta ĩnõõnnõ lokihooa hiittiõõ hõllõngaa ammũda thõõth ꞌcĩ abũnnaa. Occa hatĩ aꞌnyak nẽẽ lõhõlĩ hutuno, hatĩ aggammia rũgẽtĩ cĩnnẽẽnĩ?”

ꞌRooma 5:19

Baa hõllõngaa athĩhĩ Aadamĩ thõõth cĩ Nyekuci nẽ ĩtĩhĩĩnak eet ꞌcĩg mẽẽlĩg hĩĩtõ ꞌthẽccanniook. Nẽẽthĩ, baa athĩhĩ Yeesu Nyekuc nẽ aaꞌnyĩk eet ꞌcĩg mẽẽlĩg hũbũttaathõ muumaa cĩ Nyekuci.

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

ꞌGalaaꞌthia 3:13

Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 12:4

Nẽẽthĩ, ꞌgõõlaa ꞌcĩ oꞌngonyoonnu niig kĩ ꞌthẽccanẽẽta, nga adaahit niiga.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.