Pilippi 2:6 - ꞌBuuk cĩ Thõõth cĩ Nyekuci

⁶ Tananga baa ĩĩn Krĩstõ Nyekuc dĩdĩ, baa hõllõngaa aaꞌnyĩk nẽẽ ẽlẽ cĩnnĩ hudukto hĩ Nyekuc thõng.

Pilippi 2:6 ပူးပေါင်းရင်းမြစ်များ

Maatteeo 1:23

“Ũũkca hatĩ bũhẽẽcĩ ꞌcĩ nga hatagguutho hĩ eet, loholeec ꞌcĩ maacĩ nẽ hatĩ hĩĩtõ ꞌthaar cĩgĩnnĩg Emmanuele,” Nĩngĩtĩ aĩ, “Aaĩ Nyekuci hĩ ngagĩĩta.”

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 10:30

Hĩĩgĩnna naag hĩ Baaba hõdẽẽthõng.”

Yõaannẽ 10:33

Ẽdẽcĩ eeta cĩg ꞌJudeei Yeesu anneek, “Hõllõngaa hadiimma naag hõhõdaanni nganiit, hĩnĩngĩtĩ thooꞌthiok iccig. Hadiimma hõhõdaanni, hĩnĩngĩtĩ odoomi nii Nyekuc, ẽẽtĩ ꞌcĩ holli õõ haaga nẽ idiim aarihuu ẽlẽ cunni hĩĩ Nyekuc.”

Yõaannẽ 10:38

Nẽẽthĩ, má hadĩmani naa thooꞌthiok ꞌcĩg adĩman Baaba, tananga hiittiõõ hõllõngaa ẽlẽmmaangu nganĩĩta, elemit ꞌthĩ nẽẽ thooꞌthiok ꞌcĩg ĩnaat eeta ho, hátĩ agaac ĩĩtõ, aaĩ Baaba hĩ nganĩĩta nẽ haau naa hĩ ĩnõõnnõ.”

Yõaannẽ 14:28

“Baa ĩthĩktaangu niig nganĩĩt ngaatĩ haĩnnĩ, ‘Hõkõ naa ĩĩmwaanĩ nẽ hatĩ hõbõda tarĩ hĩ ngagiita.’ Má ammĩnannaangu niig nganĩĩt dĩdĩ, accamanoothiku hatĩ ngaatĩ hõbõdõõꞌthĩ naa hĩ Baaba, hĩnĩngĩtĩ maka nẽẽ hĩ nganĩĩta.

Yõaannẽ 14:9

Ẽdẽcĩ Yeesu Pilippo anneek, “Pilippo, hũrũmtĩ naag hĩ ngagiit waathinniook ꞌcĩg mẽẽlĩg nẽ nga gawaa buúk? Má ĩcĩna ẽẽtĩ umwaa nganĩĩta, ĩcĩn nẽẽ Baaba buúk. Anneekaa gõõng ‘Teretheeheet Baaba inni?’

Yõaannẽ 17:5

Nẽẽthĩ ꞌyioko Baaba, buluthaa nganĩĩt muumaa cunni bulẽẽttaa baa haꞌnyak naag hĩ nganiit, baa nga heteheꞌnyiaa lõõcĩ.

Yõaannẽ 20:28

Ma ho, ĩĩnnĩk Tomaaꞌthio ĩnõõnnõ, “Makayyioohit caannĩ hĩ Nyekuc caannĩ!”

Yõaannẽ 5:18

Nẽ ꞌyioko, idiimito makayyiooha cĩg ꞌJudeei uruhit Yeesu, hĩnĩngĩtĩ thooꞌthiok ꞌcĩg ĩĩn ꞌramma, ĩĩcĩ oou, aĩ ẽꞌthẽcan Yeesu nyattal cĩ Kõr cĩ ꞌYiommaanõ. Nẽ tarĩ thõõth ꞌcĩ abathĩ gẽrrẽẽt, ꞌcĩ õthõõthĩ Yeesu aĩ, ĩĩn Nyekuci Maaꞌnyĩ, thõõth ꞌcĩ aaꞌnyĩk ĩnõõnnõ hudukto hĩ Nyekuc thõng.

Yõaannẽ 5:23

hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

ꞌRooma 9:5

Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

1 Timotteeo 1:17

Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Tiito 2:13

nga haꞌnyak muhẽẽnĩt ꞌcĩ hẽrẽẽĩ kõr cĩ decciaanĩt cĩ lootu ꞌcĩ hatĩ edeeꞌnyianĩ bulẽẽnĩtĩ cĩ Yeesu Krĩstõ ꞌcĩ ĩĩn Nyekuc hĩ Ellioohit cĩnaac.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 1:6

Ma baa ĩꞌthõõa Nyekuci Ngeerĩnĩ ꞌcĩ odoyyii hikia loota nĩnga, ikia õthõõth Nyekuci ĩĩ, “Aꞌnyĩĩk aajĩlẽẽt cĩgannĩg vẽlẽk hakattieek Loholeec caannĩ huruꞌnyia nẽ ubuluthit ĩnõõnnõ.”

Ebereei 1:8

Nẽ uduha Nyekuci thõõth cĩ Ngeerĩnĩ ĩĩ, “Iini nii Nyekuc nẽ aggami hatĩ looc ĩĩ habu ooo nẽ tarĩ, aꞌnyahaak hatĩ makaaꞌthĩt cunni eet bũnnai loota nĩnga.

Ebereei 13:8

Aitiõõ Yeesu Krĩstõ hõllõngaa ẽgẽẽranni. Aaĩ nẽẽ baalõ hĩ kõr nicci nẽ aalla ooo.

Terethiinit 21:6

Nẽ õthõõthahaa tarĩ ĩnnĩhaa, “Edeccia dtiici! Iꞌthianaanĩ hẽlẽggĩ vẽlẽk hĩ nganĩĩta nẽ adtuurnik hĩ nganĩĩta. Haaꞌnyihi hatĩ naa eet ꞌcĩ aam kõrra hũhũd maam cĩg rũgẽt ꞌcĩ aalla ooo, hõllõngaa ũũta thõng buúk.