Pilippi 2:5 - ꞌBuuk cĩ Thõõth cĩ Nyekuci

⁵ Aanytĩk muhẽẽnĩt cunuung hudukto hĩcĩ Yeesu Krĩstõ thõng.

Pilippi 2:5 ပူးပေါင်းရင်းမြစ်များ

Maatteeo 11:29

Elemit dtiic ꞌcĩ haaꞌnyuung naana nẽ aanytaangu hillimanuung ngagiita, hĩnĩngĩtĩ tarbal nganĩĩt ꞌthĩnĩt nẽ hatĩ ummuddiaau ꞌyiomman cĩ loriẽẽt cugguung.

ꞌLuuka 22:27

Occa ꞌyioko eet ꞌcĩ aaĩ tẽrẽmẽẽjawa ꞌcĩ maka, hode eet ꞌcĩ adticanoothĩk ꞌgõõnõgĩ? Occa hõllõngaa eet ꞌcĩ aaĩ tẽrẽmẽẽjawa? Nẽẽthĩ, haaĩ naa hĩ ngagiit hĩ ẽẽtĩ ꞌcĩ adticanoothĩk ꞌgõõnõgĩ.

Dtiicanĩ cĩg ꞌThooyyiahu 10:38

ꞌgõõl ꞌcĩ aaꞌnyĩkĩ Nyekuci Yeesu cĩ Naaꞌtharẽtĩ Lori ꞌcĩ Ẽllẽẽmĩth hĩ ꞌtirrian hĩ ꞌgõõl ꞌcĩ õvvõõĩ looc vẽlẽk, adticanĩ thooꞌthiok ꞌcĩg abũnnaa, hĩ ngaatĩ ẽẽlanĩ eet ꞌcĩg aggam habuui cĩ loriẽẽt ꞌcĩg abathĩ, hĩnĩngĩtĩ baa aaĩ Nyekuci hĩ ĩnõõnnõ.

Dtiicanĩ cĩg ꞌThooyyiahu 20:35

Hẽlẽggẽẽnnĩ vẽlẽk ĩcĩg hadticani naana, heterethuung naa ngagiit idticattõ gẽrrẽẽt, hátĩ eelit eet ꞌcĩg appĩĩrna. Ummuhuttooth thooꞌthiok baag aduha Makayyioohiti Yeesu aĩ, ‘Aku ꞌgattanĩ ꞌcĩ maka hatĩ haaꞌnyĩk naag eet umwa eliinit, hĩllõõan ngaatĩ aaꞌnyĩhoothĩkeet ngagĩĩta.’ ”

ꞌRooma 14:15

Má hõllõngaa accamanoothĩk ꞌgoonu ꞌcĩ ĩĩn lemmioohit, hĩnĩngĩtĩ ꞌgii ꞌcĩ adahi niina, iittiõõ hõllõngaa aꞌnyahi nii mĩnnan. Ma haaꞌnyihi ꞌgii ꞌcĩ adahi nii hẽꞌthẽcan ꞌgotonu baa adaaknĩ Krĩstõ.

ꞌRooma 15:3

Tananga Krĩstõ, baa hõllõngaa aaꞌnyĩk nẽẽ ẽlẽ cĩnnĩ haccamanoothĩk. Nẽẽthĩ, hĩcĩ aduha Krĩstõ ꞌBuuhaa cĩ Nyekuci aĩ, “Nyekuc, õdõõmta nganĩĩt buúk eeta baag odoommi nganiita.”

ꞌRooma 15:5

Aaꞌnyuung occa hatĩ Nyekuci temeethi hĩ kũttan hĩ lori cĩ rũmẽẽttõ hõrggẽẽnaa cunuung hĩcĩ anuyyu Yeesu Krĩstõ,

1 Korinthia 10:33

tananga hĩcĩ hattĩmani naa haaꞌnyĩk eet haccamattoothĩk ꞌgoolliohĩ vẽlẽk. Hĩnĩngĩtĩ hõllõngaa hadiimi naa bũnnai caannĩ dioo, hadiimi bũnnai cĩ eet ꞌcĩg mẽẽlĩg, hátĩ heellia nẽẽgĩ.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

1 Pẽẽtũrũ 2:21

Hĩnĩngĩtĩ baa ẽbẽraauung Nyekuci ngagiit hátĩ accanattĩ, hĩcĩ anuyyu ꞌcannan baa Krĩstõ baa ẽtẽrꞌtha nẽẽ ngaatĩ accananiini hĩnĩngĩtĩ ngagiita.

1 Pẽẽtũrũ 4:1

Nẽẽthĩ hoti ho, hĩ baa accananni Krĩstõ loota nĩnga, adiim akũmanoothiku, hátĩ agaac ngaatĩ hatĩ accananiinnu niig buúk hĩ baa nẽẽnĩ. Hĩnĩngĩtĩ ẽtẽrꞌtha ꞌcannani ngaatĩ ũtũngteehu niig ꞌthẽccan.

1 Yõaannẽ 2:6

Má hõthõõth naag haĩ hĩĩgĩn cĩgĩnnĩg, abũnnaa hanũ terethiinit cĩ Krĩstõ.