Pilippi 2:29 - ꞌBuuk cĩ Thõõth cĩ Nyekuci

²⁹ Iita ũrũmtĩ hĩ ĩnõõnnõ hõrggẽẽnaa cunuung lõꞌngõõc hĩ lemmioohiti cĩ Makayyiookto nẽ itingollieeu eet ꞌcĩ aaĩ hĩ nẽẽnĩ,

Pilippi 2:29 ပူးပေါင်းရင်းမြစ်များ

ꞌLuuka 9:5

Nẽ má aburruung eeta ngaamwaanĩ, utuddungteek tuduhaac cĩ ꞌthoo cugguung nĩngaata, hatĩ ũtũngteehu ꞌtaaũn tĩho, hátĩ hĩĩ terethiinit ꞌcĩ utuburru niig ĩhõõggõ.”

Yõaannẽ 13:20

Nẽ haduhaakuung dĩdĩ, ẽẽtĩ ꞌcĩ ẽlẽmĩ eet ꞌcĩ hĩꞌthõõa naana, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩta.”

Dtiicanĩ cĩg ꞌThooyyiahu 2:46

Waathinniook vẽlẽk, õmmõtõõ nẽẽg halaangatõõ cĩ ꞌCieeth cĩ Nyekuci. Aggatan ũbũnĩ olooyyiohĩ nẽ udukto hõdẽĩ ꞌthinneetinii cĩg õõrĩg,

Dtiicanĩ cĩg ꞌThooyyiahu 28:10

Baa iꞌngoliinneet eeta gẽrrẽẽt ꞌgoolliohĩĩ ꞌcĩg mẽẽlĩg, ma baa hũkũmattoothĩha hotoddia haahũl, iita eellieet hẽlẽggẽẽnnĩĩ ꞌcĩg hadiimma.

Dtiicanĩ cĩg ꞌThooyyiahu 8:8

Ma nĩngaata, iita atalit eeta ꞌtaaũnaa tĩho gẽrrẽẽt ũdũt, hĩnĩngĩtĩ thooꞌthiok iccig.

ꞌRooma 10:15

Occa irrioonĩk nẽẽg eet hutuno hatĩ nga hĩꞌthooyyii nẽẽgĩ? Hĩcĩ eheeddi ꞌBuuhaa cĩ Nyekuci aĩ, “Ĩĩn occa ꞌlẽẽmĩthĩ cĩ ꞌthoo cĩg eet ꞌcĩg aꞌnyaha nyeemuut ꞌcĩ abũnnaa hutuno?”

ꞌRooma 16:2

Halayyuung naa ngagiit elemit ĩnõõnnõ ꞌthaarĩĩ cĩg Makayyiooktak, ꞌgõõlaa ꞌcĩ abũnnaa ĩcĩ lemmioohu nẽ aanytĩk eliinit vẽlẽk ꞌcĩ horoong adiim nẽẽ hĩ ngagiita, hĩnĩngĩtĩ gõõng ẽẽl nẽẽ eet ꞌcĩg mẽẽlĩg gẽrrẽẽt hĩ nganĩĩt buúk.

1 Korinthia 16:10

Má õdõlan Timotteeo, iita ũrũmtĩ hĩ ĩnõõnnõ jurrung. Adtican nẽẽ dtiic cĩ Makayyiookto hĩ naana.

1 Korinthia 16:18

Nẽ tarĩ, aanyta haccamanoothĩk gẽrrẽẽt, hĩ baa aaꞌnyuung ngagiit buúk accamattoothĩk. Ĩĩttĩk eet ꞌcĩg aattĩg noho ĩlaallẽ.

2 Korinthia 10:18

Ma ĩĩgĩnnu niig ꞌrianniook, occa hõllõngaa aduhaannu niig eleeti cugguung ẽmmẽn, nẽẽthĩ ꞌyioko, Makayyioohit diooni ꞌcĩ occa aduha aĩ, adticannu niig ꞌgii ꞌcĩ abũnnaa.

2 Korinthia 7:2

Ubbuuktĩheetu ngagĩĩt ꞌthinneeti cugguung. Hĩnĩngĩtĩ hõllõngaa hadĩmanna naag eet umwa ꞌbuth. Hõllõngaa hĩgõrĩꞌtha ꞌgii cĩ eet umwa nẽ hõllõngaa harratanna eet umwa.

Pilippi 2:28

Nẽẽthĩ hoti ho, hidiima ꞌthẽk hĩꞌthõõahuung Epavorodito hõbõda hĩ ngagiit tarĩ, hátĩ ma icittu ĩnõõnnõ tarĩ, atallu hatĩ nẽ ikia ĩĩ hĩdĩc nganĩĩt buúk puppudi.

Kolooꞌthe 4:10

Ĩꞌthaayyuung ꞌgõõna Arithtarko ꞌcĩ harũmeenna baabuutha hõdẽĩ ngagiita, ĩꞌthaayyuung Maarko midinni Baarnaba buúk. Baa ithiktu niig nyeemuut ꞌcĩ akuuni Maarko hĩ ngagiit ẽlẽk, ma õdõlanuunga, ũrũmtĩ hĩ ĩnõõnnõ lõꞌngõõc.

1 Tẽꞌthaloonika 5:12

Hõlõ, halayyuung ꞌthinneeti cugguung, itingolli makayyiook cugguung ꞌcĩg ũũhayyuung nẽ idticattõõ gẽrrẽẽt hõrggẽẽnaa cunuung nẽ illimatteehuung ngagiit thõõth cĩ Makayyioohit Yeesu ho.

1 Timotteeo 5:17

Occa hadũman makayyiook cĩg lothippit cĩ lemmiohu tabattĩ ꞌramma, hatĩ horoong maka dtiici cĩnĩĩng ꞌcĩ irrioonĩkĩ eet nẽ illimatteek thõõth cĩ Nyekuci ho.

Ebereei 13:17

Niig lemmioha, ĩthĩhĩt makayyiook cugguung nẽ ĩdĩmattu thooꞌthiok ꞌcĩg aduhaakuung nẽẽgĩ. Ebekuung nẽẽg ngagiit nẽ Nyekuc ꞌcĩ hatĩ ẽttẽẽd thooꞌthiok cĩggĩĩng. Nẽẽthĩ, ma haaꞌnyiku ĩhõõggõ hõngõõngõõcõ dtiicaa cĩnĩĩng. Aanytĩk ĩhõõggõ haccamattoothĩk, hĩnĩngĩtĩ aitiõõ hinnia hatĩ hõllõngaa eelluung ngagiit ũdũt.

3 Yõaannẽ 1:10

Má hikia naana, hakuu hatĩ haduha thooꞌthiok ũgĩ ꞌcĩg baag adtican nẽẽnĩ, hĩ thooꞌthiok ꞌcĩg abathĩ ꞌcĩg adĩmanneet nẽẽ ngagĩĩt ꞌbuth. Nẽ baa hõllõngaa abũrĩ nẽẽ ngaatĩ ẽlẽmmĩ lemmiook thõng diooni, baa alaam nẽẽ eet ũgĩ buúk, hiittiõõ hõllõngaa ẽẽl ĩhõõggõ. Nẽ tarĩ, alaam lemmiook ꞌcĩg adiim ẽẽl ĩhõõggõ nẽ itiggia ĩhõõggõ lothippitaa cĩ lemmioohu.