Pilippi 2:26 - ꞌBuuk cĩ Thõõth cĩ Nyekuci

²⁶ Hĩꞌthõõakuung naa ngagiit ĩnõõnnõ, hĩnĩngĩtĩ baa abũraneek nẽẽ ngaatĩ aku acĩnnuung ngagiita, baa ommoꞌthi nẽẽ gẽrrẽẽt, hĩnĩngĩtĩ aga aĩ, udukiaahuung ngagiit nyeemuut cĩ mõõrĩth cĩnnĩ.

Pilippi 2:26 ပူးပေါင်းရင်းမြစ်များ

Maatteeo 11:28

“Iita hĩ nganĩĩt niig vẽlẽk eeta ꞌcĩg ippiirriau dtiicanẽẽnnĩĩ ĩĩcĩg adĩddĩngĩĩ hĩ ngaatĩ irriongannu ijjio ꞌcĩg adĩddĩngĩĩ, haaꞌnyuung hatĩ naa nĩngĩtĩ iyyiomannu.

Maatteeo 26:37

Baa õõkõr nẽẽ hĩ Pẽẽtũrũ hĩ lõhõlẽẽtĩg ꞌThebedeeo ꞌramma, ꞌJeemith hĩ Yõaannẽ, nĩngĩtĩ iꞌthianaanĩ nẽẽ ahayũnganiini nẽ õmmõthĩ gẽrrẽẽt.

Dtiicanĩ cĩg ꞌThooyyiahu 21:13

Anneekeet hinnia Paaulo nẽẽ, “Inni urruuyyio ĩꞌthõng uduullaangu ꞌthĩnĩt caannĩ ho? Helemi naa ngaatĩ hecebiini baabuutha nẽ hadaaha, hĩnĩngĩtĩ ꞌthaar cĩg Makayyioohit Yeesu. Hẽlẽma naa ngaatĩ hadaaknĩ, hĩnĩngĩtĩ Yeesu ꞌJeruꞌthalẽma!”

ꞌRooma 1:11

Habũraneehi naa ngaatĩ hakuu hacinnuung ngagiit, hátĩ hiita hotholit ꞌgattan hõdẽẽthõng baa aaꞌnya nganĩĩt Lorii cĩ Nyekuci, hátĩ ummuddia niig ꞌtirrian lemiittaa cunuung.

ꞌRooma 12:15

Accamattoothĩk hĩ eet ꞌcĩg accamanoothĩhĩ nẽ utuluuyyu hĩ eet ꞌcĩg alu.

ꞌRooma 9:2

haꞌnyahi naa mothiinit cobbi gẽrrẽẽt ꞌcĩ hõllõngaa edecciaa ꞌthĩnĩtaa caannĩ.

1 Korinthia 12:26

Má ẽkẽdan dhooriti umwaanĩ, ẽkẽdan ẽlẽ vẽlẽk. Má hõllõngaa ẽkẽdan dhooriti umwaanĩ, accamanoothĩk ẽlẽ vẽlẽk.

2 Korinthia 9:14

Alaiinnuung ꞌyioko nẽẽg ngagiit nẽ adiim acĩnnuung, hĩnĩngĩtĩ aaꞌnyuung ngagiit Nyekuci bũnnai, hátĩ aggatanit ĩhõõggõ gẽrrẽẽt.

ꞌGalaaꞌthia 6:2

Eellio nyaagwaana hatĩ adĩddĩngĩĩ thooꞌthioha nẽ ꞌgõõlaa cĩ, adĩmannu thooꞌthiok ꞌcĩg õthõõth nyattalĩ cĩ Yeesu Krĩstõ.

Eevvetho 3:13

Ĩnõõ ꞌcĩ occa hõllõngaa aduulẽnĩ ngagiit ꞌthinneeti, hatĩ haccanannii naa hĩnĩngĩtĩ ngagiit ko. Nẽẽthĩ nẽẽꞌthẽk, aꞌnyahaakuung hatĩ ngagiit ꞌcannani caannĩ ho bulẽẽnĩt.

Pilippi 1:3

Hanneehi naa Nyekuc hõdõõkõthĩ ĩlaallẽ hatĩ hammuhaannuung ngagiita.

Pilippi 1:8

Nyekuc ꞌcĩ aga dĩdĩ, ngaatĩ hadiim hakuu hacinnuung naa ngagiita. Aga nẽẽ ngaatĩ haꞌthuunnuung naa ngagiit, hĩcĩ aꞌthuunnuung Yeesu Krĩstõ ngagiita.

Pilippi 2:25

Hammuhi occa abũnnaa ngaatĩ hĩꞌthõõakuung ngagiit Epavorodito hõbõda hĩ ngagiit tarĩ, ĩĩn nẽẽ ꞌgõtõna, dticciannioohit nẽ ĩĩ ũũrũtaac ꞌcĩ hadticaniinna hõdẽĩ, ꞌcĩ ĩĩn ꞌthooyyiahit cunuung baa ĩꞌthõõannnu niig hikia hũꞌthũũtta nganĩĩta.

Pilippi 2:27

Nẽ dĩdĩ, baa õmmõõrĩ Epavorodito gẽrrẽẽt hõbõhĩ hadaak. Nẽ baa ammaannĩk Nyekuci ĩnõõnnõ hĩ nganĩĩt buúk, hẽẽlawaa nganĩĩt mothiitta cobbi.

Pilippi 4:1

Nẽẽthĩ hoti ho, ꞌgotoonoga hĩ ngoonoga ꞌcĩg hammĩnani, aallattia uꞌthuutti thõõth cĩ Makayyiookto jurrung. Hammĩnannuung naa ngagiit nẽ hadiimi hakuu hacinnuunga. Hirriani naa hõdõõkõthĩ nẽ hatala, hĩnĩngĩtĩ ngagiita.

1 Pẽẽtũrũ 1:6

Nẽẽthĩ, accamattoothĩk dĩdĩ. Nga ꞌthẽk aayyiaa taliiniti cobbi gẽrrẽẽt ĩĩcĩ oou, tananga occa nga emmeꞌthu ꞌtĩmman ꞌgoolliohĩĩ ꞌcĩg mẽẽlĩg hĩdĩhĩdĩĩc.