Pilippi 2:25 - ꞌBuuk cĩ Thõõth cĩ Nyekuci

²⁵ Hammuhi occa abũnnaa ngaatĩ hĩꞌthõõakuung ngagiit Epavorodito hõbõda hĩ ngagiit tarĩ, ĩĩn nẽẽ ꞌgõtõna, dticciannioohit nẽ ĩĩ ũũrũtaac ꞌcĩ hadticaniinna hõdẽĩ, ꞌcĩ ĩĩn ꞌthooyyiahit cunuung baa ĩꞌthõõannnu niig hikia hũꞌthũũtta nganĩĩta.

Pilippi 2:25 ပူးပေါင်းရင်းမြစ်များ

Yõaannẽ 13:16

Haduhaakuung dĩdĩ, aitiõõ dticciannioohiti ꞌcĩ ĩllõõan makayyioohit cĩnnĩ tõõ nẽ aitiõõ ẽẽtĩ ꞌcĩ ĩꞌthooyyi hõllõngaa maka hĩ eet ꞌcĩ ĩꞌthõ ĩnõõnnõ ho.

Yõaannẽ 17:18

Hĩcĩ ĩꞌthõõannaa nii nganĩĩt hikia loota nĩnga, hĩꞌthõ naa buúk nuyyiook hõõt looccaa nĩĩcĩ.

ꞌRooma 16:3

Ĩꞌthaac Piriciilla hĩ Akwila, gõõng hadticaniinna hõdẽĩ dtiicaa cĩ Yeesu Krĩstõ.

ꞌRooma 16:9

Ĩꞌthaac Urbaanõ ꞌgooneet baa gõõng hadticanni hõdẽĩ, hĩnĩngĩtĩ Krĩstõ nẽ ĩꞌthaayyu Thaakith buúk ꞌgõõna cĩ ꞌthĩnĩtõ.

1 Korinthia 3:9

Hĩnĩngĩtĩ hĩĩgĩnna naag dticcianniook cĩg Nyekuci, iiginnu niig mana hĩ ꞌCieeth cĩ Nyekuci.

2 Korinthia 2:13

Baa nga apuppudii nganĩĩt ꞌthĩnĩt ngaatĩ hõllõngaa hammũdõõthĩkĩ ꞌgõtõna Tiito, nĩngĩtĩ hannẽẽkĩ ĩhõõggõ ĩlaallẽ nẽ hedeceeha hũũha ĩĩcĩ looc cĩ Maccedoonia.

Pilippi 2:26

Hĩꞌthõõakuung naa ngagiit ĩnõõnnõ, hĩnĩngĩtĩ baa abũraneek nẽẽ ngaatĩ aku acĩnnuung ngagiita, baa ommoꞌthi nẽẽ gẽrrẽẽt, hĩnĩngĩtĩ aga aĩ, udukiaahuung ngagiit nyeemuut cĩ mõõrĩth cĩnnĩ.

Pilippi 4:18

Nẽ ꞌyioko, haꞌnyaha naa ꞌgii vẽlẽk ꞌcĩ hadiimi hĩllõõan. Aanytaangu niig nganĩĩt ꞌbaaninit ꞌcĩ maka baa ĩꞌthõõakaangu haꞌnyahaaha Epavorodito. Aaĩ ꞌbaaniniti ciee hĩ ꞌgaarrieeniti ꞌcĩ õꞌngõlĩ ẽmmẽdĩ ꞌcĩ accamana Nyekuci.

Pilippi 4:3

Nẽ nii ꞌgõõna cĩ ꞌthĩnĩtõ ꞌcĩ hadticanni hõdẽĩ ho, halayyii ẽẽl ngaaĩ nicciaag ĩĩn ꞌramma hataa. Baa hadticaniinna hõdẽĩ hĩ ĩhõõggõ ngaatĩ hallimanna nyeemuut ꞌcĩ abũnnaa. Baa adticanni nẽẽg hõdẽĩ hĩ Kelementiino hĩ dticcianniook ũgĩ cĩgannĩg, ꞌcĩg eteheeddi ꞌthaarrioha cĩggĩĩng ꞌbuuhaa cĩ rũgẽtõ.

Kolooꞌthe 1:7

Iita illimattaau niig nyeemuut ꞌcĩ abũnnaa hĩ ꞌgooneet cĩnaang Epavarato. Hadticanoothĩka naag Krĩstõ hĩ ĩnõõnnõ hõdẽĩ, ĩĩn nẽẽ eet ꞌcĩ abũnnaa ꞌcĩ aꞌthũũnnĩ dtiic cĩ Krĩstõ, hĩnĩngĩtĩ ngagĩĩta.

Kolooꞌthe 4:11

Ĩꞌthaayyuung Yeesu ꞌcĩ haĩ ꞌthaar ũgĩ Juutto buúk ngagiita. Eet ꞌcĩg ĩĩn lemmiook eetinii ꞌcĩg ĩĩn ꞌJudeei dticciannioohĩĩ cĩgannĩg ĩĩcĩg habuccieet cĩ Nyekuci dioo cieegi nẽ amammaayattaa nẽẽg nganĩĩt haccamanoothĩk dĩdĩ.

1 Tẽꞌthaloonika 3:2

nẽ hĩꞌthooyyiahuung ꞌgotooneet Timotteeo hikia hicinuunga. Ĩĩn nẽẽ ꞌgotooneet ꞌcĩ hadticanoothĩka Nyekuc hõdẽĩ, thõõthaa ꞌcĩ hallimannuung nyeemuut ꞌcĩ abũnnaa cĩ Krĩstõ. Baa hĩꞌthõõanna naag ĩnõõnnõ hikia hũkũtanuung ngagiit, hátĩ hokomit ꞌthinneeti cugguung lemiitta.

Vilõmẽẽnõ 1:24

ĩꞌthaayyi Maarko buúk hĩ Arithtarko hĩ ꞌDẽẽma hĩ ꞌLuuka, ꞌcĩg hadticaniinna hõdẽĩ nganiita.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.