Pilippi 2:22 - ꞌBuuk cĩ Thõõth cĩ Nyekuci

²² Nẽẽthĩ, agayyu niig ĩĩn Timotteeo eet ꞌcĩ aaĩ hutuno. Hidticattooa naag hĩ ĩnõõnnõ hĩ loholeec caannẽẽnĩ, ngaatĩ hĩꞌthaanĩka nyeemuut ꞌcĩ abũnnaa eet.

Pilippi 2:22 ပူးပေါင်းရင်းမြစ်များ

Dtiicanĩ cĩg ꞌThooyyiahu 16:2

Baa athithan nuyyiooha cĩg Makayyiooktak ꞌtaaũnnioohĩĩ cĩg Liꞌthira hĩ Ikonium thõõth ꞌcĩ abũnnayyĩ Timotteeo gẽrrẽẽt.

ꞌRooma 5:4

nẽ má hẽmmẽẽthĩ thõõth nẽ hokomit lemiitta, hau hatĩ hĩĩgĩn naag lõhõlĩ cĩg Nyekuci ꞌcĩg haꞌnyak muhẽẽnĩt ꞌcĩ abũnnaa cĩ elliaattõ.

1 Korinthia 16:10

Má õdõlan Timotteeo, iita ũrũmtĩ hĩ ĩnõõnnõ jurrung. Adtican nẽẽ dtiic cĩ Makayyiookto hĩ naana.

1 Korinthia 4:17

Hĩnĩngĩtĩ thõõth icci, hĩꞌthõõakuung naa ngagiit Timotteeo, loholeec caannĩ ꞌcĩ hammĩna nẽ aꞌthũũnnĩ thõõth cĩ Makayyiookto. Ammuhaakuung hatĩ nẽẽ ngagiit authet caannĩ ꞌcĩ hanũĩ Yeesu Krĩstõ ꞌcĩ aduhõõ hĩ thõõth ꞌcĩ hallimanĩĩ naa lothippit cĩ lemmioohu ꞌtaaũnnioohĩ vẽlẽk ĩĩcĩg hõkõõĩ naana.

2 Korinthia 2:9

Thõõth baa hẽhẽẽdakuung naa ngagiit waraga haini, hátĩ hũmmũda nẽ hagawa dĩdĩ, hatĩ ma anuyyu niig thooꞌthiok vẽlẽk ꞌcĩg haduha naana.

2 Korinthia 8:22

Nẽ thõõth umwa cieeni, hĩꞌthõõanna naag ꞌgotooneet cĩnaang umwa hĩ Tiito, hĩ nuyyioohit cĩ Makayyiookto. Hĩttĩmatta naag ꞌgotooneet icci tabattĩ mẽẽlĩg nẽ hummuddiaawa ĩĩn nẽẽ eet ꞌcĩ aꞌnyak authet ꞌcĩ occa eelluung ngagiita nẽ ꞌyioko, adiim nẽẽ eelluung ngagiit hĩllõõan, hĩnĩngĩtĩ aarihuung nẽẽ ngagiit ꞌthĩnĩta dĩdĩ.

2 Korinthia 8:24

Ĩdĩmanit ĩhõõggõ jurrung, ꞌgõõlaa ꞌcĩ occa acĩnĩ lothippiꞌnya cĩg lemmioohu mĩnnan cunuung, hátĩ hiita hagaacõ nẽẽg, inni hirriattuung naag ngagiit ko.

2 Korinthia 8:8

Hõllõngaa hattĩnganeekuung naa ngagiit ngaatĩ haĩ idticanit hoti, hadiimi hattĩmannuung naa ngagiit thõng, hatĩ ꞌthẽk ĩĩn mĩnnanĩ cunuung dĩdĩ, ngaatĩ ĩthakꞌtheeku mĩnnan cunuung hĩ bũraneehinit ꞌcĩ ẽtẽrꞌtha eeta ũgẽẽgĩ.

Pilippi 1:12

Nẽẽthĩ ꞌyioko, ꞌgotoonoga hĩ ngoonoga, hadiimmuung naa ngagiit agaac ngaatĩ ẽẽlĩ pĩĩrnanĩtĩ baa adhukiaaka nganĩĩt ngaati nyeemuut ꞌcĩ abũnnaa hĩꞌthanothoothĩk looc.

Pilippi 1:16

Eeta ꞌcĩg alliman nyeemuut ꞌcĩ abũnnaa ꞌthinneetinii ꞌcĩg ĩĩn dĩdĩ, ammĩnan nẽẽg Krĩstõ nẽ agaacõ ĩĩtõ, haaĩ naa ngaati, hátĩ hẽtẽẽõĩ nyeemuut cĩnnĩ ꞌcĩ abũnnaa.

Pilippi 1:5

hĩnĩngĩtĩ gõõng otholeekaangu niig nganĩĩt ngaatĩ hallimanẽẽkĩ eet nyeemuut ꞌcĩ abũnnaa cĩ Krĩstõ, nganĩngĩ baa athiknu ĩĩcĩ oou ĩꞌthõng hĩĩ noho.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Pilippi 2:20

Aitiõõ eet umwaa ꞌcĩ haꞌnyahi naa ꞌcĩ aallakuung ngagiit hĩ nẽẽ tõõ.

1 Timotteeo 1:18

Nii Timotteeo loholeec caannĩ ho, thooꞌthiok ꞌcĩg hadiimi haduhaakii nganiit cieegi. Ma hataarroꞌthi thooꞌthiok baag aduha eeta baag ĩĩn põrõvẽtaaꞌnya baag hũnũũk, hĩnĩngĩtĩ nganiita. ꞌThũũtĩ thooꞌthiok iccig, hátĩ dticcian jore jurrung.

1 Timotteeo 1:2

Heheedihi naa waraga Timotteeo, loholeec caannĩ dẽẽdẽ lemiitta. Aꞌnyĩĩk Nyekuc Baangeet cĩnaac hĩ Makayyioohit cĩnaac Yeesu Krĩstõ hatamaattihii nẽ aanyti bũnnai hĩ ganõn.

1 Timotteeo 4:6

Má allimaneehi nii eet thooꞌthiok iccig, aku hatĩ ĩĩnĩ dticciannioohit ꞌcĩ abũnnaa cĩ Yeesu Krĩstõ, ꞌcĩ alĩꞌtha thooꞌthiohĩĩ ꞌcĩg ĩĩn dĩdĩ hĩ lemiittaa cĩ Nyekuci, hĩ ꞌlimmaana ꞌcĩ abũnnaa ꞌcĩ ẽlẽmmĩ nẽ ũnũĩ ĩnõõnnõ.

2 Timotteeo 1:2

Timotteeo, ĩĩnĩ nii loholeec caannĩ cĩ ꞌthĩnĩtõ. ꞌNyaak bũnnai hĩ tamaati hĩ authet ꞌcĩ aayyi lõꞌngõõc, ꞌcĩ aku hĩ Nyekuc Baangeet hĩ Makayyioohit cĩnaac Yeesu Krĩstõ.

2 Timotteeo 3:10

Ẽlẽ Timotteeo, agau nii thõõth baa hallimaneehi naa eet hĩ authet ꞌcĩ haayyi naana. Aga nii thõõth ꞌcĩ hadiimi hadticani naana, hĩ thõõth ꞌcĩ helemi, hĩ ꞌgõõl ꞌcĩ hẽmmẽẽꞌthĩ naa ꞌcannan, hĩ ngaatĩ hammĩnanĩ eeta, hĩ ngaatĩ hadĩhanĩĩ thooꞌthiok.

Tiito 1:4

Ẽlẽ Tiito, hẽhẽẽdakii naa nganiit waraga icci, aau nii hĩ loholeec caannẽẽnĩ, hĩnĩngĩtĩ helemit naag hĩ nganiit thõõth cĩ Nyekuci hõdẽĩ. Aꞌnyĩĩk Nyekuc Baangeet cĩnaac hĩ Makayyioohit Ellioohit cĩnaac Yeesu Krĩstõ, haanyti bũnnai nẽ aau lõꞌngõõc.