Pilippi 2:21 - ꞌBuuk cĩ Thõõth cĩ Nyekuci

²¹ Aallak eeta ũgẽẽgĩ thooꞌthiok ꞌcĩg adiim nẽẽgĩ, hõllõngaa aallak thõõth cĩ Yeesu Krĩstõ.

Pilippi 2:21 ပူးပေါင်းရင်းမြစ်များ

Maatteeo 16:24

Nĩngĩtĩ aduhaakĩ Yeesu nuyyiook cĩgĩnnĩg annẽẽkĩ, “Má adiim eet umwaa ĩĩn nuyyioohit caannĩ, aꞌnyĩĩk hataarõthĩ ẽlẽ cĩnnĩ nẽ irriongan hurucce cĩnnĩ nẽ ũnũa nganĩĩta.

ꞌLuuka 14:26

“Ẽẽtĩ ꞌcĩ aku hĩ nganĩĩt nẽ nga hataarõthĩ maaꞌnyĩ hĩ aatĩnnĩ hĩ ngaa cĩnnĩ hĩ lõhõlĩ cĩgĩnnĩg hĩ ꞌgõtõõnõgĩ hĩ ngõõnõgĩ, hode rũgẽt cĩnnĩ dẽẽdẽ, hõllõngaa occa ũũppan ngaatĩ ĩĩnnĩ nuyyioohit caannĩ.

Dtiicanĩ cĩg ꞌThooyyiahu 13:13

Ma ho, iita ũtũngteek Paaulo hĩ ꞌgõõnõgĩ Paavvo nẽ otodit haahũl õõt ꞌtaaũnaa cĩ Pẽrga looccaa cĩ Pamvilia. Nẽẽthĩ, baa ũtũngeek Yõaannẽ Maarko ĩhõõggõ nẽ ũũk ꞌJeruꞌthalẽma.

Dtiicanĩ cĩg ꞌThooyyiahu 15:38

Nẽẽthĩ hinnia, baa abũrĩ Paaulo, hĩnĩngĩtĩ baa õkõ ũũnnĩk Maarko ĩhõõggõ Pamvilia nẽ aala iittiõõ hõllõngaa adticanni hĩ ĩhõõggõ.

1 Korinthia 10:24

Aitiõõ ẽẽtĩ ꞌcĩ occa adiim bũnnai cĩ ẽlẽ cĩnnĩ ẽmmẽn tõõ, nẽẽthĩ, occa adiim nẽẽ bũnnai cĩ ꞌgõõnõgĩ ũgĩ buúk.

1 Korinthia 10:33

tananga hĩcĩ hattĩmani naa haaꞌnyĩk eet haccamattoothĩk ꞌgoolliohĩ vẽlẽk. Hĩnĩngĩtĩ hõllõngaa hadiimi naa bũnnai caannĩ dioo, hadiimi bũnnai cĩ eet ꞌcĩg mẽẽlĩg, hátĩ heellia nẽẽgĩ.

1 Korinthia 13:5

Hõllõngaa aaꞌnyeet mĩnnanĩ tõngõrõrẽẽꞌthĩt, hõllõngaa aaꞌnyĩk mĩnnanĩ eet hũꞌthũũtĩ ẽlẽ cĩnnĩ diooni, hõllõngaa aaꞌnyĩk mĩnnanĩ eet hĩlĩĩlĩ hĩdĩĩkoothong, hõllõngaa aꞌthũũnnĩ mĩnnani mẽdẽr.

2 Korinthia 1:5

Hĩcĩ hõthõl naag pĩĩrnanĩt cobbi hĩ Krĩstõ, occa hammũda mammaayaniinit ꞌcĩ maka gẽrrẽẽt hĩ ĩnõõnnõ buúk.

Pilippi 2:4

Abũnnaa aallaku ꞌgoonogu hĩcĩ occa aallaku eleeti cugguung.

2 Timotteeo 1:15

Aga nii buúk, ũtũngteeha nganĩĩt eeta ũgẽẽgĩ cĩg looc cĩ Aaꞌthia, tananga Vijeelo hĩ Hermojeno buúk ũtũngteehaanĩ.

2 Timotteeo 3:2

Ammĩnan hatĩ eeta eleeti cĩggĩĩng ẽmmẽn nẽ ĩmmĩnanit ꞌrabbẽẽt, athĩngõõnyan nẽ uduulito eleeti, odoommi tahatak nẽ iittiõõ hõllõngaa athĩhĩ maajihi nẽ hõllõngaa anneek eet ĩlaallẽ nẽ ũtũbũrĩt ngaatĩ anũĩ thõõth cĩ Nyekuci.

2 Timotteeo 4:10

hĩnĩngĩtĩ ĩmmĩnan ꞌDẽẽma hẽlẽggĩ cĩg looc nicci ũtũngeeha haau ẽmmẽn, ĩtĩnga ũũk ꞌtaaũnaa cĩ Tẽꞌthaloonika. Nẽ tarĩ ĩtĩnga Kerethenĩ buúk ũũk looccaa cĩ ꞌGalaaꞌthia, õkõ adtican dtiic cĩ Makayyiookto nẽ ũũk Tiito looccaa cĩ Dalamatia.

2 Timotteeo 4:16

Baa õõyyĩa eeta nganĩĩt lokihooa, baa hiꞌthihi eet ꞌcĩ aku ẽẽlannaa nganĩĩt, hĩnĩngĩtĩ iirrieeha eeta vẽlẽk haau ẽmmẽn. Aꞌnyĩĩk Nyekuc hatamaatĩk ĩhõõggõ, hĩnĩngĩtĩ thõõth icci.