Pilippi 2:2 - ꞌBuuk cĩ Thõõth cĩ Nyekuci

² Nẽẽthĩ ꞌyioko, adiim aaꞌnyaangu niig nganĩĩt haccamanoothĩk jurrung ꞌgõõlaa ꞌcĩ arũmeennu lõꞌngõõc hĩ ngaatĩ ammĩnannu ꞌgoonogu. Ũrũmĩt ꞌthinneeti nẽ idticattoou hõdẽĩ.

Pilippi 2:2 ပူးပေါင်းရင်းမြစ်များ

Yõaannẽ 3:29

“Hatĩ aꞌthũwanni loholeec ꞌcĩ ngayyi nyahũũtaawa, atalĩ ꞌgoonnia ngaatĩ aayyi nĩngaata, hátĩ hĩthĩk molook cĩ nyattaraanõ. Ĩnõõ ꞌcĩ haccamanõõthĩkĩĩ naa gẽrrẽẽt ko.

Dtiicanĩ cĩg ꞌThooyyiahu 1:14

Õmmõtõõ ꞌthooyyiaha hõdõõkõthĩ nẽ alayyio ngaatĩ hõdẽẽthõng hĩ ngaaĩ ũgĩ, hĩ Maria aattĩ Yeesu hĩ ꞌgõtõõnõgĩ cĩgĩnnĩg.

Dtiicanĩ cĩg ꞌThooyyiahu 2:1

Ma kõr cĩ Karrama cĩ Waathinniook Hẽẽn ꞌTur, baa aattĩg nuyyiooha vẽlẽk ngaatĩ hõdẽẽthõng.

Dtiicanĩ cĩg ꞌThooyyiahu 2:46

Waathinniook vẽlẽk, õmmõtõõ nẽẽg halaangatõõ cĩ ꞌCieeth cĩ Nyekuci. Aggatan ũbũnĩ olooyyiohĩ nẽ udukto hõdẽĩ ꞌthinneetinii cĩg õõrĩg,

Dtiicanĩ cĩg ꞌThooyyiahu 5:12

Baa adtican ꞌthooyyiaha thooꞌthiok ꞌcĩg ĩnaat eeta hõrggẽẽnaa cĩ eetu. Nẽ baa gõõng au õmmõtõõ lemmiooha vẽlẽk ꞌThĩĩmaa cĩ ꞌThõlõmõõnẽ.

ꞌRooma 12:16

Aaut jurrung hĩ eet vẽlẽk. Ma hathĩngõõnyannu nẽ iittu eggeeꞌnyu ĩllõõannu ꞌgoonogu. Ookorrio hĩ eet vẽlẽk lõꞌngõõc.

1 Korinthia 1:10

Hammaannikuung naa ngagiit ꞌgotoonoga hĩ ngoonoga, ꞌthaarĩĩ cĩg Makayyioohit cĩnaac Yeesu Krĩstõ, ũrũmtĩ baaĩ nuun niig vẽlẽk, hátĩ hiittiõõ ngẽrõõnĩtĩ hõrggẽẽnaa cunuung tõõ, hátĩ horoong ũrũmtĩ jurrung muhẽẽtta hĩ ꞌthinneetinii cugguung.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

2 Korinthia 2:3

Baa hẽhẽẽda waraga baalĩ, hátĩ ma hikia, hiittiõõ eeta ꞌcĩg aaꞌnya haccamanoothĩk, hõllõngaa aaꞌnya hõmõthĩ. Baa õkõmĩ nganĩĩt ꞌthĩnĩt, hĩnĩngĩtĩ ngagiit vẽlẽk ꞌcĩg hatĩ othollu taliinit caannĩ.

2 Korinthia 7:7

Ee mĩĩ ꞌthẽk, haccamanoothĩka naag ngaatĩ hacĩnna Tiito nẽ ꞌgii dẽẽdẽ ꞌcĩ aaꞌnyeet ngagĩĩt hatallia gẽrrẽẽt, ꞌgõõl baa aaꞌnyiku niig ĩnõõnnõ haccamanoothĩk. Baa ikia uduhaaheet nẽẽ ngagĩĩt ꞌgõõl baa ommothiinnu niiga nẽ ĩrrĩcattaawangu nganĩĩta. Ikia aaꞌnya thõõth ciee nganĩĩt haccamanoothĩk gẽrrẽẽt.

Pilippi 1:4

Ma halayyi naana, halaiinnuung ngagiit vẽlẽk hõdõõkõthĩ taliitta,

Pilippi 2:16

Uꞌthuutti thõõth ꞌcĩ aꞌnyaha rũgẽt jurrung, hátĩ ma õbõda Krĩstõ, hirriani hatĩ naa gẽrrẽẽt haini, ĩko baa hõllõngaa hadticannii haaga, ĩko baa abũnnaa dtiici caannẽẽnĩ.

Pilippi 2:20

Aitiõõ eet umwaa ꞌcĩ haꞌnyahi naa ꞌcĩ aallakuung ngagiit hĩ nẽẽ tõõ.

Pilippi 4:2

Niig Euodia hĩ Thĩntice, ĩĩgĩnnu niig eet cĩg Makayyiooktak, halayyuung ibilli thõõth cunuung ꞌcĩ ẽppẽhanoonnu ho.

Kolooꞌthe 2:5

Tananga hĩĩnĩ naa ꞌrẽẽn hĩ ngagiita, haalla hammukuung ngagiit hõdõõkõthĩ. Nẽ hatali ngaatĩ hathĩknĩ aĩ, aattiyyu ꞌgõõlaa ꞌcĩ abũnnaa nẽ elemtu Krĩstõ komiitta.

2 Tẽꞌthaloonika 2:13

Nẽẽthĩ, hadiimma naag hanneeka Nyekuc hõdõõkõthĩ ĩlaallẽ ꞌgotoonoga hĩ ngoonoga, hĩnĩngĩtĩ ammĩnannuung Makayyioohiti Yeesu ngagiita nẽ ẽbẽraauung Nyekuci ngagiit dtiicaa cĩ Lori ꞌcĩ Ẽllẽẽmĩthĩ hĩ ngaatĩ elemmu thõõth ꞌcĩ ĩĩn dĩdĩ.

2 Timotteeo 1:4

Hammuhoothi kõr baa adhukiaanĩ nganiit tilaalõ nẽ hadiimi gẽrrẽẽt ngaatĩ hakuu hacinni tarĩ. Haccamanoothihi hatĩ gẽrrẽẽt kõr ꞌcĩ hõmmõtõõnĩ.

Vilõmẽẽnõ 1:20

Ẽlẽ ꞌgõõna, dĩmaneehaa thõõth icci, hĩnĩngĩtĩ Makayyioohit. Aꞌnyaa nganĩĩt kũttan icci, hĩnĩngĩtĩ Krĩstõ.

2 Yõaannẽ 1:4

Baa haccamanoothihi naa gẽrrẽẽt ngaatĩ hathĩknĩ aĩ, anũ lohollia cugguung ũgẽẽgĩ thõõth ꞌcĩ ĩĩn dĩdĩ, hĩ baa aduhaakeet Baangẽẽtĩ cĩnaac hĩdĩmanit.

3 Yõaannẽ 1:4

Aitiõõ taliiniti umwaa ꞌcĩ haꞌnyahi naa hĩllõõan ngaatĩ hathĩknĩ aĩ, aꞌthũũnnĩ lohollia cĩgannĩg thõõth ꞌcĩ ĩĩn dĩdĩ tõõ.