Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Pilippi 2:19 - ꞌBuuk cĩ Thõõth cĩ Nyekuci

19 Má adiim Makayyioohiti Yeesu, hammuhi hĩꞌthõõa hatĩ naa Timotteeo hĩdĩĩkoothong, hikia hẽhẽẽrõnaahuung ngagiita. Nẽ hatĩ aaꞌnya nẽẽ nganĩĩt haccamanoothĩk ngaatĩ aku aduhaaka authet ꞌcĩ aattiyyu niiga.

အခန်းကိုကြည့်ပါ။ ကော်ပီ




Pilippi 2:19
22 ပူးပေါင်းရင်းမြစ်များ  

Aarĩk hatĩ loonyini vẽlẽk muhẽẽnĩt cĩnĩĩng hĩ ĩnõõnnõ ꞌthaarĩĩ cĩgĩnnĩg.”


Ma ho, iita oboddioothĩ Paaulo hĩ ꞌThĩĩla ꞌtaaũnnioohĩ cĩg ꞌDerbe hĩ Liꞌthira, ngaatĩ baa aayyi nuyyioohiti umwaa ꞌcĩ haĩ Timotteeo. Baa ĩĩn aattĩ Timotteeo buúk nuyyioohit ꞌcĩ ĩĩn ꞌJudeeinit nẽ ĩĩ maaꞌnyia ꞌGiriheenit.


Aduha põrõvẽtaacĩ Iꞌthaia aĩ, “Alĩꞌtha hatĩ eet umwaa ꞌcĩ aku hattũũgaa cĩ ꞌJeeꞌthe, hikia hĩĩ habu. Aggam hatĩ nẽẽ loonyin nẽ hatĩ aꞌnyahit eeta ꞌcĩg hõllõngaa ĩĩn ꞌJudeei, muhẽẽnĩt ꞌcĩ abũnnaa hĩ ĩnõõnnõ.”


Ĩꞌthaayyuung Timotteeo dticciannioohiti ꞌcĩ baa hadticaniinna hõdẽĩ, hĩ Luuccio hĩ ꞌJaathon hĩ Thothipater ittioonniok cĩgannĩg ꞌcĩg ĩĩn ꞌJudeei.


Hĩnĩngĩtĩ thõõth icci, hĩꞌthõõakuung naa ngagiit Timotteeo, loholeec caannĩ ꞌcĩ hammĩna nẽ aꞌthũũnnĩ thõõth cĩ Makayyiookto. Ammuhaakuung hatĩ nẽẽ ngagiit authet caannĩ ꞌcĩ hanũĩ Yeesu Krĩstõ ꞌcĩ aduhõõ hĩ thõõth ꞌcĩ hallimanĩĩ naa lothippit cĩ lemmioohu ꞌtaaũnnioohĩ vẽlẽk ĩĩcĩg hõkõõĩ naana.


Ikia aꞌnyahaahuung Krĩstõ buúk ngagiit thõõth ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa ꞌcĩ occa eelliannu niiga. Baa aarrihu niig lemiinit cunuung hĩ Krĩstõ nẽ aaꞌnyĩhoothĩhuung nyamacaar cĩ Lori ꞌcĩ Ẽllẽẽmĩth baa adukiaa, hátĩ hedeeꞌnyia ngaatĩ iiginnu niig eet cĩg Nyekuci.


Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.


Nẽ ꞌgõõlaa ꞌcĩ aduhõõ thõng, occa haccamanoothĩk hĩ nganĩĩt hõdẽĩ.


Nẽẽthĩ hoti ho, hidiima ꞌthẽk hĩꞌthõõahuung Epavorodito hõbõda hĩ ngagiit tarĩ, hátĩ ma icittu ĩnõõnnõ tarĩ, atallu hatĩ nẽ ikia ĩĩ hĩdĩc nganĩĩt buúk puppudi.


nẽ hĩꞌthooyyiahuung ꞌgotooneet Timotteeo hikia hicinuunga. Ĩĩn nẽẽ ꞌgotooneet ꞌcĩ hadticanoothĩka Nyekuc hõdẽĩ, thõõthaa ꞌcĩ hallimannuung nyeemuut ꞌcĩ abũnnaa cĩ Krĩstõ. Baa hĩꞌthõõanna naag ĩnõõnnõ hikia hũkũtanuung ngagiit, hátĩ hokomit ꞌthinneeti cugguung lemiitta.


Ĩnõõ ꞌcĩ hõllõngaa hẽmmẽẽꞌthĩ naa thõõth cĩ heeroni icci ho nẽ hĩꞌthõõa Timotteeo, haĩ hikia hũmmũda hatĩ nga aꞌthuunnu lemiinit cunuung hĩ Nyekuc. Baa hiꞌngolli haini, ikia mõnõ lũllũũmannioohiti ꞌThĩttaanĩ ũlũllũũmanuung ꞌgõõlaa umwaanĩ nẽ hatĩ ikia dtiici baa naang ko, ĩĩ olongit haaga.


ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.


Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.


Occa othooꞌthu niig ainnu, “Má adiim Makayyioohiti, harũgĩ hatĩ nẽ hĩdĩmanit hẽlẽggĩ ꞌcĩg hadiimi.”


Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ