Pilippi 2:17 - ꞌBuuk cĩ Thõõth cĩ Nyekuci

¹⁷ Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita.

Pilippi 2:17 ပူးပေါင်းရင်းမြစ်များ

Dtiicanĩ cĩg ꞌThooyyiahu 20:24

Nẽẽthĩ, hõllõngaa haallahi naa rũgẽt caannĩ hatĩ nẽẽ hẽdẽcaaha dtiic baa aaꞌnya Makayyioohiti Yeesu ho. Nẽ dtiici niccia, ĩĩn dtiic ꞌcĩ haduhaanĩ nyeemuut ꞌcĩ abũnnaa cĩ bũnnai cĩ Nyekuci.

Dtiicanĩ cĩg ꞌThooyyiahu 21:13

Anneekeet hinnia Paaulo nẽẽ, “Inni urruuyyio ĩꞌthõng uduullaangu ꞌthĩnĩt caannĩ ho? Helemi naa ngaatĩ hecebiini baabuutha nẽ hadaaha, hĩnĩngĩtĩ ꞌthaar cĩg Makayyioohit Yeesu. Hẽlẽma naa ngaatĩ hadaaknĩ, hĩnĩngĩtĩ Yeesu ꞌJeruꞌthalẽma!”

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 15:16

hátĩ hĩĩ dticciannioohit cĩ Yeesu Krĩstõ ꞌcĩ hadticanoothihi eet ꞌcĩg hõllõngaa ĩĩn ꞌJudeei, ꞌcĩ haꞌnyahi dtiic ꞌcĩ hallimanĩĩ nyeemuut ꞌcĩ abũnnaa cĩ Nyekuci, hátĩ hĩĩtõ eeta ꞌcĩg hõllõngaa ĩĩn ꞌJudeei ꞌbaaninit ꞌcĩ ẽlẽmĩ Nyekuci, ꞌcĩ ũtũũny Lorii ꞌcĩ Ẽllẽẽmĩthĩ.

2 Korinthia 12:15

Haccamanoothihi hatĩ naa gẽrrẽẽt hatĩ hõthõl hẽlẽggĩ vẽlẽk ꞌcĩg haꞌnyahi naana hĩ ẽlẽ caannĩ, ꞌcĩg eelluung ngagiit ĩĩtõ lemmiook cĩg Nyekuci. Nẽ má hammĩnannuung naa ngagiit gẽrrẽẽt, ĩcca occa hatĩ ammĩnannaangu niig nganĩĩt hĩdĩĩc?

2 Korinthia 4:12

Aĩ thõõth ciee nẽẽ, adticanni daahĩthĩ eleetinii cĩggaang nẽ idticanõõ rũgẽtĩ hĩ ngagiita.

2 Korinthia 6:10

nẽ haccamanoothĩka ooo tananga korrioohĩĩ cĩg pĩĩrnattaak. Nẽ tananga hĩĩgĩnna naag hullaha, haanytĩha naag eet ꞌcĩg mẽẽlĩg gẽrrẽẽt baliinit, tananga hiꞌthihi ꞌgii ꞌcĩ haꞌnyaka naaga, ĩĩn hẽlẽggĩ vẽlẽk cĩggaang.

2 Korinthia 7:4

Haꞌnyahi naa lemiinit hĩ ngagiit ꞌthĩnĩtaa caannĩ dĩdĩ. Hirriannuung naa ngagiit gẽrrẽẽt buúk nẽ nga õkõmĩ ꞌthĩnĩt caannĩ gẽrrẽẽt. Tananga nga haꞌnyahi pĩĩrnanĩt, aalla haccamanoothihi naa gẽrrẽẽt noho.

Pilippi 1:20

Hammuhuneehi naa haini, hõllõngaa hatĩ haꞌngaoni ũdũt, nẽẽthĩ, aalla hatĩ õkõmĩ nganĩĩt ꞌthĩnĩt, hĩnĩngĩtĩ Krĩstõ, haau hĩ gõõng hõdõõkõthĩ. Nẽ haga naa haini, aꞌnyahaak hatĩ rũgẽtĩ caannĩ Krĩstõ bulẽẽnĩt, tananga harugi hode hadaahi.

Pilippi 2:18

Nẽ ꞌgõõlaa ꞌcĩ aduhõõ thõng, occa haccamanoothĩk hĩ nganĩĩt hõdẽĩ.

Pilippi 2:30

hĩnĩngĩtĩ baa õbõhĩ Epavorodito adaak thõõthaa cĩ dtiic cĩ Krĩstõ, ikia ẽlẽmana nẽẽ rũgẽt cĩnnĩ hidticaneeha nganĩĩt thõõth ꞌcĩ occa baa hõllõngaa adĩmaneekaangu niig nganĩĩt, hĩnĩngĩtĩ iiginnu ꞌrẽẽttĩg.

Pilippi 4:18

Nẽ ꞌyioko, haꞌnyaha naa ꞌgii vẽlẽk ꞌcĩ hadiimi hĩllõõan. Aanytaangu niig nganĩĩt ꞌbaaninit ꞌcĩ maka baa ĩꞌthõõakaangu haꞌnyahaaha Epavorodito. Aaĩ ꞌbaaniniti ciee hĩ ꞌgaarrieeniti ꞌcĩ õꞌngõlĩ ẽmmẽdĩ ꞌcĩ accamana Nyekuci.

Kolooꞌthe 1:24

Haccamanoothihi naa hatĩ haccanannii hĩnĩngĩtĩ ngagiit ẽllaa caannĩ, hĩnĩngĩtĩ hõthõlla naag hĩ Krĩstõ ꞌcannan cĩnnĩ ꞌcĩ aalla, hĩnĩngĩtĩ ẽlẽ cĩnnĩ ꞌcĩ ĩĩn lothippit cĩ lemmioohu.

1 Tẽꞌthaloonika 2:8

Baa hammĩnannuung naag ngagiit gẽrrẽẽt nẽ haccamattoothĩha ngaatĩ haattiyyia jurrung, hõllõngaa hĩnĩngĩtĩ hõthõl nyeemuut ꞌcĩ abũnnaa cĩ Nyekuci hĩ ngagiit diooni, haccamanoothĩka hĩnĩngĩtĩ hõthõl rũgẽt cĩnaang buúk.

2 Timotteeo 4:6

Nẽẽthĩ ꞌyioko, aau nganĩĩt rũgẽtĩ caannĩ hĩ mẽrta ꞌcĩ aanytĩhoothĩk Nyekuc ẽlẽk nẽ hoti buúk, õbõhĩ kõrra ꞌcĩ hadaaknĩ naana.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.

1 Yõaannẽ 3:16

ꞌGõõl ꞌcĩ hagaĩ naag mĩnnan cieeni. Baa ẽlẽmana Yeesu Krĩstõ ẽlẽ cĩnnĩ, hĩnĩngĩtĩ ngagĩĩta. Nẽ adiim occa hẽlẽmana naag buúk eleeti cĩggaac, hĩnĩngĩtĩ ꞌgotoonogeet hĩ ngoonogeet.