Pilippi 2:16 - ꞌBuuk cĩ Thõõth cĩ Nyekuci

¹⁶ Uꞌthuutti thõõth ꞌcĩ aꞌnyaha rũgẽt jurrung, hátĩ ma õbõda Krĩstõ, hirriani hatĩ naa gẽrrẽẽt haini, ĩko baa hõllõngaa hadticannii haaga, ĩko baa abũnnaa dtiici caannẽẽnĩ.

Pilippi 2:16 ပူးပေါင်းရင်းမြစ်များ

Maatteeo 10:27

Thõõth ꞌcĩ haduhaakuung naa muguratõõ, õõt othoothit waath nẽ thõõth ꞌcĩ ĩgõrꞌthaaki ẽẽtĩ hĩdĩĩc ĩtaata, othoothit thõõth tĩho õlĩla cĩ ꞌcieethu.

ꞌLuuka 12:8

“Huduhaahuunga, ẽẽtĩ ꞌcĩ ẽtẽrꞌtha ẽlẽ cĩnnĩ hõrggẽẽnaa cĩ eetu aĩ hĩĩnĩ caannĩ, ẽtẽrꞌtha hatĩ Ngeertĩ Eeto ĩnõõnnõ buúk hõrggẽẽnaa cĩ aajĩlẽẽt cĩg Nyekuci.

Yõaannẽ 6:63

Lori ꞌcĩ aaꞌnyĩk eet rũgẽt, ĩĩn ẽlẽ iding haaga. Nẽ thooꞌthioha ꞌcĩg haduhaakuung naa ho, ĩĩn lori nẽ ĩĩn rũgẽt.

Yõaannẽ 6:68

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Makayyioohit! Nganĩ umwaa tarĩ ꞌcĩ occa hooyyia naag ko? Thõõth cunni dioo ꞌcĩ aaꞌnyeet rũgẽt ꞌcĩ aalla ooo!

Dtiicanĩ cĩg ꞌThooyyiahu 13:26

“ꞌGotoonoga hĩ ngoonoga, lõhõlẽẽtĩg Abũrahamĩ hĩ ngagiit eet ꞌcĩg hõllõngaa iiginnu eet cĩg ꞌJudeei nẽ iꞌngolinnu Nyekuc ko, ngagĩĩt vẽlẽk ꞌcĩg baag iꞌthooyyiakeet nyeemuut ciee elliitto ho.

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

1 Korinthia 9:26

Nẽẽthĩ, hõllõngaa hairi naa hĩ ẽẽtĩ ꞌcĩ avvir tahatak, hõllõngaa hajanĩ naa jore hĩ ẽẽtĩ ꞌcĩ uuk ngõõt haaga.

2 Korinthia 1:14

tananga hõllõngaa athĩkneetu ngagĩĩt ꞌyioko. Ma hatĩ kõr ꞌcĩ õbõdaaĩ Makayyioohiti Yeesu, au hatĩ irrianneetu niig ngagĩĩt haau hĩcĩ hirriannuung naag ngagiit ko.

ꞌGalaaꞌthia 2:2

Baa hõkõ naa ĩĩca, hĩnĩngĩtĩ baa uppulanaaha Nyekuci heeroni niccia hũũhõ. Ma baa hõdõlana ꞌJeruꞌthalẽm, hõõt hutuhatta thõõth hĩ makayyiook ꞌcĩg obbitig ꞌcĩg baag ĩĩn ꞌJudeei nĩngaata, nyeemuut ꞌcĩ abũnnaa cĩ Yeesu, tuhan umwa ꞌcĩ baa haꞌnyaka ngadiiha. Nĩngĩtĩ hẽdtẽbanaanĩ thõõth cĩ Yeesu ꞌcĩ hallimaneehi eet ꞌcĩg hõllõngaa ĩĩn ꞌJudeei ho. Baa hõkõ haduhaahi ĩhõõggõ, hĩnĩngĩtĩ baa hõllõngaa hadiimi naa ꞌlimman icci hõꞌthõdanoothĩk haaga.

ꞌGalaaꞌthia 4:11

Hiteelinnuung naa ngagiit, hĩnĩngĩtĩ haini, aaĩ hĩcĩ hatĩ hĩppĩĩraĩĩ dtiic caannĩ baa tiiri ho hĩ ngagiit haaga inni?

Pilippi 1:10

Hĩnĩngĩtĩ hadiimmuung naa ngagiit agaac ꞌgõõl ꞌcĩ ẽbẽraannu thooꞌthiok ꞌcĩg aũlanĩ, hátĩ nuun aꞌnyahit rũgẽt ꞌcĩ tẽllĩ nẽ iittu eet ꞌcĩg ammĩrru, ĩꞌthõng kõr ꞌcĩ hatĩ õbõdaanĩ Krĩstõ.

Pilippi 1:6

Nẽ haga naa Nyekuc baa iꞌthianaanĩ dtiic icci abũnnaa hõrggẽẽnaa cunuung ko, aalla hatĩ adticanoothi dtiic cĩnnĩ ho, ĩꞌthõng hũttũbanoothĩk kõrra ꞌcĩ hatĩ õbõdaanĩ Yeesu Krĩstõ.

1 Tẽꞌthaloonika 2:19

Ma uppwaanna Makayyioohiti Yeesu, ngagiit hatĩ dioo ꞌcĩg aaꞌnyeetu ngagĩĩt muhẽẽnĩt ꞌcĩ abũnnaa hĩ taliinit nẽ aauttu hĩ bulẽẽnĩtĩ cĩnaang.

1 Tẽꞌthaloonika 3:5

Ĩnõõ ꞌcĩ hõllõngaa hẽmmẽẽꞌthĩ naa thõõth cĩ heeroni icci ho nẽ hĩꞌthõõa Timotteeo, haĩ hikia hũmmũda hatĩ nga aꞌthuunnu lemiinit cunuung hĩ Nyekuc. Baa hiꞌngolli haini, ikia mõnõ lũllũũmannioohiti ꞌThĩttaanĩ ũlũllũũmanuung ꞌgõõlaa umwaanĩ nẽ hatĩ ikia dtiici baa naang ko, ĩĩ olongit haaga.

Ebereei 4:12

Hĩnĩngĩtĩ arũgĩ thõõth cĩ Nyekuci nẽ attiranĩ. ꞌLẽhẽd hĩllõõan nyetuboot ꞌcĩ ꞌlẽhẽdĩ gẽrrẽẽt, ẽttẽẽd thõõth cĩ Nyekuci loriẽẽt hõdõlan lobulẽẽt hĩ õnyõ, ĩꞌthõng hũmmũda mũyan hĩ muhẽẽnĩt cĩ ꞌthinneeti cĩggaac.

1 Pẽẽtũrũ 1:23

Baa aaꞌnyuung Nyekuci ngagiit rũgẽt ꞌcĩ ĩĩn ngeju ꞌcĩ hõllõngaa aku ꞌgiiaa ꞌcĩ occa adaahĩ, nẽẽthĩ, aku ꞌgiiaa ꞌcĩ hõllõngaa occa adaahĩ. Baa ittirriaau niig tarĩ, nyeemuutaa cĩ Nyekuci ĩcĩ arũgĩ ũdũt.

1 Yõaannẽ 1:1

Haduhaakuung naa ngagiit eet ꞌcĩ baa aaĩ baa ꞌthianaattaa cĩ lootu, baa hathĩkna nẽ hĩcĩtta ĩnõõnnõ hẽbẽrẽẽnnĩĩ cĩggaang nẽ huhumta athĩnĩĩ cĩggaang dẽẽdẽ. Ĩĩn nẽẽ Thõõth cĩ rũgẽt ꞌcĩ hirrioonna naag ko.

Terethiinit 22:17

Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.