Pilippi 2:15 - ꞌBuuk cĩ Thõõth cĩ Nyekuci

¹⁵ hátĩ ĩmmĩrĩt nẽ iittu lõhõlĩ cĩg Nyekuci ꞌcĩg tẽllĩg ꞌcĩg aitiõõ ꞌthẽccanĩ tõõ. Aattiyyu niig looccaa cĩ eet ꞌcĩg ĩĩn ꞌloorriak ꞌcĩg abathĩ, nẽẽthĩ, aanytĩk thooꞌthiok ꞌcĩg abũnnaa ꞌcĩg adĩmannu niig ko, hatalanyit haauto hĩ mũnyũnya.

Pilippi 2:15 ပူးပေါင်းရင်းမြစ်များ

Maatteeo 10:16

“Hĩꞌthooyyuung naa ngagiit aaut hĩ aꞌtha ꞌcĩg hĩꞌthooikuung hõrggẽẽnaa cĩ huduumwanu. Nẽẽthĩ, õõt eggeenyit aaut hĩ hũkaaꞌnya nẽ iittu tarbalĩg hĩ ngabuuthiꞌnya.

Maatteeo 17:17

Ma ho, uduhaak Yeesu ĩhõõggõ ĩĩnnĩk, “Ĩĩgĩnnu niig eet ꞌcĩg okommuung ooti nẽ aitiõõ lemiiniti tõõ! Harũmĩ hatĩ naag hĩ ngagiit ĩꞌthõng ningina? Hemeeꞌthuung hatĩ naa ngagiit ĩꞌthõng ningina? Aꞌnyaktahaangu da buulenit nicci ngaati.”

Maatteeo 5:45

ꞌGõõlaa nĩĩca, adticaniinnu hatĩ hĩ lohollia cĩg Maaꞌnyu cunuung ꞌcĩ aaĩ hẽẽtahujjieen. Hĩnĩngĩtĩ aaꞌnyĩk nẽẽ kõr haara eetinii ꞌcĩg abũnnaa hĩ ĩcĩg abathĩ nẽ ĩꞌthõõak tammu eet ꞌcĩg adĩman thooꞌthiok ꞌcĩg aũlanĩ hĩ ꞌcĩg adĩman thooꞌthiok ꞌcĩg hõllõngaa aũlanĩ.

Maatteeo 5:48

Aanytĩk bũnnai cunuung hĩĩ maka, haau hĩcĩ Baangeet cunuung ꞌcĩ aaĩ hẽẽtahujjieen.”

ꞌLuuka 1:6

Nẽ baa ĩĩn ꞌThakaria hĩ Eliꞌthẽbẽta eet ꞌcĩg abũnnaa gẽrrẽẽt muumaa cĩ Nyekuci, baa aꞌthũũnnĩ nẽẽg tilooinit hĩ nyattalliook cĩg Makayyiooktak jurrung.

ꞌLuuka 6:35

Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

Yõaannẽ 5:35

Baa ĩĩn Yõaannẽ ꞌloomo ꞌcĩ aaꞌnyuung lanyit nẽ iita eberriaau niig ngaatĩ accamanoothiku hĩdĩhĩdĩĩc, hĩnĩngĩtĩ lanyit cĩnnĩ ho.

Dtiicanĩ cĩg ꞌThooyyiahu 2:40

Ma nĩngaata, uduhaak Pẽẽtũrũ ĩhõõggõ thooꞌthiok ũgĩ ꞌcĩg mẽẽlĩg gẽrrẽẽt. Nĩngĩtĩ ĩlalẽẽkĩ nẽ irrioonĩk ĩĩnnĩk, “Eellia eleeti cugguung, hĩnĩngĩtĩ ĩĩn eeta cĩg irkiꞌnyia iccig ꞌthẽccanniook.”

Dtiicanĩ cĩg ꞌThooyyiahu 20:30

Au hatĩ eeta ũgẽẽgĩ cugguung ẽmmẽn, atalmaanyan nuyyiook cĩg Makayyiooktak, aduhaak nuyyiook õlõng, hátĩ hũnnẽẽcõ ĩhõõggõ.

ꞌRooma 16:19

Baa ĩthĩhĩt eeta vẽlẽk lemiinit cunuung nẽ haccamanoothihi naa gẽrrẽẽt, hĩnĩngĩtĩ ngagiita, nẽẽthĩ, hadiimmuung naa ngagiit eggeenyit thõõthaa ꞌcĩ abũnnaa nẽ ĩmmĩrru thõõthaa ꞌcĩ abathĩ.

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

2 Korinthia 6:17

Nẽẽthĩ hoti ho, “Aĩ Makayyioohiti nẽẽ, “Ũtũngteek niig eet ꞌcĩg hõllõngaa ĩĩn lemmiook eꞌngerrio hĩ ĩhõõggõ, ma hahummu hẽlẽggĩ ꞌcĩg ĩĩn ꞌriiring nẽ hatĩ helemuung naa ngagiita.”

Eevvetho 5:27

Baa adĩman Krĩstõ hoti, hátĩ haaꞌnyĩk lothippit cĩ lemmioohu ꞌcĩ ĩĩn ẽlẽ cĩnnĩ, hĩĩ lothippit ꞌcĩ abuli ꞌcĩ ẽllẽẽmĩthĩ, ꞌcĩ aitiõõ thooꞌthioha ꞌcĩg ĩĩn ꞌriiring ꞌcĩg abathĩ tõõ. Nẽẽthĩ hinnia, ẽllẽẽmĩth hatĩ nẽẽ nẽ iittiõõ bathi tõõ.

Pilippi 1:10

Hĩnĩngĩtĩ hadiimmuung naa ngagiit agaac ꞌgõõl ꞌcĩ ẽbẽraannu thooꞌthiok ꞌcĩg aũlanĩ, hátĩ nuun aꞌnyahit rũgẽt ꞌcĩ tẽllĩ nẽ iittu eet ꞌcĩg ammĩrru, ĩꞌthõng kõr ꞌcĩ hatĩ õbõdaanĩ Krĩstõ.

Pilippi 3:6

Nẽ baa hẽmmẽdaanĩ naa ngaatĩ hẽhẽcĩ lothippit cĩ lemmiook cĩg Krĩstõ ũgĩ nẽ huruha ũgĩ. Baa hadĩmani naa thooꞌthiok vẽlẽk ꞌcĩg adiim nyattalĩ jurrung hammuhi hinnia haini, hátĩ haccamanoothĩk Nyekuci.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

1 Timotteeo 3:10

Abũnnaa attĩmanni nõõ nẽẽg õõa ꞌcĩ nga hidticattõõĩ nẽ má aitiõõ thõõth ꞌcĩ abathĩ ꞌcĩ ammuddiaa hĩ ĩhõõggõ tõõ, nẽẽthĩ hatĩ aaꞌnyĩhoothĩk dtiici hidticattõõ.

1 Timotteeo 3:2

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aꞌnyak ngaa hõdẽẽthõng, eet ꞌcĩ aꞌthũũnnĩ ẽlẽ cĩnnĩ nẽ ĩĩ eet ꞌcĩ iꞌngolli eet, abũnnaa ĩĩn eet ꞌcĩ iꞌngolli hẽẽrõn nẽ aga ngaatĩ allimanĩ eet.

1 Timotteeo 5:14

Ĩnõõ ꞌcĩ haduhaakĩ naa ngaatĩbõyyĩꞌnya ꞌcĩg nga hidicig hũꞌthũwattĩ tarĩ, hátĩ hittirria lõhõlĩ nẽ uꞌthuutti olooyyiok cĩggĩĩng jurrung, hiittiõõ hõllõngaa ongomĩtteet mĩrõha cĩggaac ngagĩĩta.

1 Timotteeo 5:20

ꞌGerenyeek makayyioohit cĩ lothippit cĩ lemmioohu, hatĩ ẽꞌthẽcan thooꞌthiok, hátĩ hitingolli ꞌgoonoggia ũgẽẽgĩ vẽlẽk.

1 Timotteeo 5:7

Duhaak eet vẽlẽk thooꞌthiok iccig, hátĩ hĩdĩmanit eeta vẽlẽk thooꞌthiok ꞌcĩg abũnnaa.

Tiito 1:6

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aitiõõ thooꞌthioha ꞌcĩg abathĩ tõõ nẽ aꞌnyak ngaa hõdẽẽthõng nẽ abũnnaa ĩĩn lohollia cĩgĩnnĩg buúk lemmiook ꞌcĩg abũnnaa, ꞌcĩg hõllõngaa aꞌnyaha ngaaoni hĩ ꞌriiring nẽ ĩthĩhĩt thõõth cĩ maacõnĩ hĩ aatĩnĩĩng.

Tiito 2:10

hode ĩgõrĩth hẽlẽggĩ cĩggĩĩng. Abũnnaa ĩĩn nẽẽg eet ꞌcĩg iꞌngolli thooꞌthiok cĩg makayyiook cĩggĩĩng, hátĩ haanytĩk ꞌlimman cĩ Nyekuc ꞌcĩ ĩĩn Ellioohit cĩnaac hubuluthi.

Tiito 2:15

Nẽẽthĩ, hẽlẽggĩ ꞌcĩg occa allimani nii cieegi, tilo ĩhõõggõ thooꞌthiohĩĩ ꞌcĩg abathĩ makaaꞌthĩta vẽlẽk nẽ eteretheehu ĩhõõggõ thooꞌthiok ꞌcĩg abũnnaa. Nẽẽthĩ, ma haaꞌnyihi eet umwa hatamaaciina.

Ebereei 7:26

Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

Terethiinit 2:5

Ĩcĩnĩt nõõ, ĩĩ ꞌrẽẽn nĩngĩtĩ adhukiaannu niig gẽrrẽẽt! Oboddia hĩ nganĩĩta nẽ ĩdĩmattu thooꞌthiok baag adĩmannu baa ĩĩcĩ oou. Má hõllõngaa õbõdaannu, hakuu hatĩ hõkõõĩ ꞌthiihit cunuung ꞌcĩ aꞌnyak ꞌloomo ngaatĩ aayyi hataa nẽ hõbõdĩ.

Terethiinit 3:9

Ĩcĩnĩt nõõ, hattĩnganeehi hatĩ naa eet cĩg ꞌcieeth cĩ ꞌThĩttaanõ, hiita hakattieehuung ngagiit huruꞌnyia, ĩĩn nẽẽg oloꞌngiaak ꞌcĩg õthõõth aĩ, hĩĩgĩnna eet cĩg ꞌJudeei nẽ ĩko hõllõngaa ĩĩn eet cĩg ꞌJudeei dĩdĩ. Au hatĩ aga nẽẽg ngaatĩ iiginnu niig eet ꞌcĩg hammĩnannuung naana.