Pilippi 2:14 - ꞌBuuk cĩ Thõõth cĩ Nyekuci

¹⁴ Ĩdticanit thooꞌthiok vẽlẽk ꞌgõõlaa ꞌcĩ hõllõngaa ongoongoyyu hode ẽppẽhanoonnu thõng,

Pilippi 2:14 ပူးပေါင်းရင်းမြစ်များ

Maatteeo 20:11

Ma baa aggamit nẽẽg ꞌrabbẽẽt ẽlẽk, iita ongoongoyyieek nẽẽg baattĩ manu.

Maarko 14:5

ꞌYioko aa hũtũũĩ ngõõrra ciee thõng, occa ꞌyioko aa aꞌnyaha ꞌdinaarꞌnya ꞌmiiaꞌnya iyyio ꞌcĩg occa aggam ẽẽtĩ ꞌcĩ adticanni irkita hõdẽĩ nẽ haanytĩk ꞌrabbẽẽt nicciag hullaha.” Ma nĩngaata, iita eggerenyteek eeta tĩko ngaa nicci gẽrrẽẽt.

Maarko 9:14

Ma baa oboddia Yeesu hĩ nuyyiook cĩgĩnnĩg ĩĩn iyyio ho, ummuddieek lothippit cĩ eetu arũmĩ hõdẽĩ hĩ nuyyiook cĩgĩnnĩg ũgĩ. Baa ẽppẽhanõõ ꞌlimmanniooha cĩg nyattaalak ko hĩ ĩhõõggõ.

ꞌLuuka 5:30

Ongoongoeek hinnia Variꞌtheei hĩ ꞌlimmanniook cĩg nyattaalak nuyyiook cĩg Yeesu nẽ ijinit ĩĩttĩk, “Aduheennu gõõng hĩ eet ꞌcĩg alũt occoro hĩ ꞌthẽccanniook hõdẽĩ inni?”

Dtiicanĩ cĩg ꞌThooyyiahu 15:2

Nẽ baa aaꞌnyĩk thõõth ciee Paaulo hĩ Baarnaba hẽppẽhattõõ hĩ ĩhõõggõ gẽrrẽẽt, hĩnĩngĩtĩ ꞌlimman icci. Ma ho, iita eberria lemmiooha Paaulo hĩ Baarnaba hĩ eet ũgĩ ꞌcĩg abadtẽc nẽ ĩꞌthõõcõ hõõt ꞌJeruꞌthalẽma, hõõt hothoothito thõõth icci hĩ ꞌthooyyiak hĩ makayyiook cĩg lemmioohu.

Dtiicanĩ cĩg ꞌThooyyiahu 15:39

Nĩngĩtĩ ẽppẽhanõõnĩ nẽẽg ĩꞌthõng heꞌngerrio. Baa nẽẽ ũũhĩ Baarnaba Maarko nẽ otodit haahũl õõt ĩĩcĩ dtuung cĩ Ciporo.

Dtiicanĩ cĩg ꞌThooyyiahu 15:7

Ma baa othooꞌthio hĩ ĩhõõggõ ĩꞌthõng, ikia ĩtĩnga Pẽẽtũrũ nẽ õthõõth ĩĩ, “ꞌGotoonoga hĩ ngoonoga, agayyu niig hũnũũk ngaatĩ ẽbẽraanna nganĩĩt Nyekuci hõrggẽẽnaa cunuung, hillimaneek eet ꞌcĩg hõllõngaa ĩĩn ꞌJudeei nyeemuut ꞌcĩ abũnnaa. Baa adĩman Nyekuci hoti, hátĩ hĩthĩktõ nẽẽg nẽ elemit ĩnõõnnõ.

Dtiicanĩ cĩg ꞌThooyyiahu 6:1

Ma baa waathinniook nicciag, iita ittoorri nuyyiooha hĩĩtõ mẽẽlĩg, nĩngĩtĩ au alĩlalõõnĩ eeta cĩg ꞌJudeei ꞌcĩg õthõõth ꞌGiriheeyyi hĩ cĩg õthõõth Ebereeiyyi. Baa alĩlanõõ nẽẽg, hĩnĩngĩtĩ hõllõngaa aaꞌnyĩhoothĩk ngaatĩbõyyĩꞌnya ꞌcĩg õthõõth ꞌGiriheeyyi ꞌgẽẽn kõr ꞌcĩ eꞌngeriini ꞌgẽẽn waathinnioohĩ vẽlẽk.

ꞌRooma 12:18

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk.

ꞌRooma 14:1

Elemit eet ꞌcĩ aꞌnyak lemiinit ꞌcĩ hõllõngaa attiranĩ nẽ ma hetteediku ĩnõõnnõ thooꞌthiok ꞌcĩg ẽppẽhanoonnu.

ꞌRooma 16:17

Halayyuung naa ngagiit ꞌgotoonoga hĩ ngoonoga, uꞌthuutti eleeti eetinii ꞌcĩg ĩkõõtha ngẽrõõnĩt hõrggẽẽnaa cunuung nẽ õhõrrattuung ngagiit ꞌgõõlaa ꞌcĩ hõllõngaa õõkõrõõ hĩ ꞌlimman baa allimannu niiga. Ĩĩtõ ꞌrẽẽttĩg hĩ ĩhõõggõ.

1 Korinthia 10:10

Nẽ ma hongoongoyyu hĩ baa õngõõngõ eeta ũgẽẽgĩ hõrggẽẽnaa cĩnĩĩng nẽ ikia uruk aajĩlõ cĩ daahĩthõõ ĩhõõggõ.

2 Korinthia 12:20

Homoꞌthi naa haini ma hikia naana, hõllõngaa hatali ngaatĩ hammũdaakuung ngagiit aattiyyu ꞌgõõlaa ꞌcĩ hõllõngaa hadiimi naana nẽ aitiõõ hatĩ niig buúk hõllõngaa atallu ꞌgõõl ꞌcĩ haayyi naana. Nẽ hiꞌngolli naa ngaatĩ occa aꞌnyaku ꞌgerenyi, hĩ inan hĩ lĩĩlĩẽẽnĩt hĩ voggongi hĩ tongomi hĩ ꞌrianĩĩth hĩ tahahaaꞌthĩt.

ꞌGalaaꞌthia 5:15

Nẽ má õyõyyõõhanoonnu nyaagwaana nẽ adaktu eleeti ẽmmẽn hĩ idiꞌngwaana cĩg moru, aaut jurrung! Acũdaannu hatĩ ho eleeti ĩĩtõ ꞌthĩĩ.

ꞌGalaaꞌthia 5:26

Nẽẽthĩ ꞌyioko, occa hõllõngaa hathĩngõõnyan, nẽ hongoongoyyiõõ ngaatĩ haĩnnĩ hĩllõõan ꞌgoonogeet.

Pilippi 2:3

Ma hĩĩgĩnnu muruꞌthiook nẽ ma hathĩngõõnyaneeku ꞌgoonogu. Irritatta eleeti cugguung hĩĩtõ hĩdĩcĩg nẽ icittu ꞌgoonogu haauto hĩcĩ ĩllõõannuung ngagiita.

1 Tẽꞌthaloonika 5:13

Itingolli nẽ ĩmmĩnattu ĩhõõggõ gẽrrẽẽt, hĩnĩngĩtĩ dtiic ꞌcĩ adtican nẽẽg ko. Nẽ niig buúk hõrggẽẽnaa cunuung, aaut hĩ ꞌgoonogu lõꞌngõõc.

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

Ebereei 12:14

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk! Aaut rũgẽtaa ꞌcĩ tẽllĩ. Ma hõllõngaa adĩmannu noho, aitiõõ hatĩ hõllõngaa acinnu Makayyioohit.

ꞌJeemith 1:20

Hĩnĩngĩtĩ hõllõngaa aꞌnyaha liilii cĩ eeto rũgẽt ꞌcĩ aũlan ꞌcĩ accamana Nyekuci.

ꞌJeemith 3:14

Nẽ má abbĩꞌthĩĩ iniaani ꞌcĩ abathĩ hĩ thĩngõõnyani ꞌthĩnĩtaa cunni, ma hatali hode ma hammuti thõõth ꞌcĩ ĩĩn dĩdĩ.

ꞌJeemith 5:9

ꞌGotoonoga hĩ ngoonoga, ma hongoongoeeku ꞌgoonogu, hode etteedoothĩkuung hinnia hatĩ ngagiit thõõtha. Hĩnĩngĩtĩ ĩbĩl ꞌgaadĩ ꞌcĩ ẽttẽẽd thõõth hattũũga.

1 Pẽẽtũrũ 3:11

Adiim uunniku thooꞌthiok ꞌcĩg ĩĩn ꞌriiring nẽ ĩdĩmattu thooꞌthiok ꞌcĩg abũnnaa; hĩcĩ adiimmu nẽ unuyyu ꞌgõõl ꞌcĩ ammũdaannu ganõn.

1 Pẽẽtũrũ 4:9

Aanytĩk hẽẽrõn ꞌcĩg au olooyyiohĩĩ cugguung, nĩngĩtĩ ũꞌnyaahu hĩ ꞌgẽẽn ꞌcĩ adahĩ nẽ ma hongoongoeeku ĩhõõggõ.

ꞌJuud 1:16

Õngõõngõ eeta cieeg nẽ aauto thooꞌthiohĩĩ ꞌcĩg abũraneek nẽẽg diooni. Athĩngõõnyan nẽẽg nẽ iggoolito eet ũgĩ, hátĩ hummuddia thooꞌthiok ꞌcĩg adiim nẽẽgĩ.