Pilippi 2:12 - ꞌBuuk cĩ Thõõth cĩ Nyekuci

¹² ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Pilippi 2:12 ပူးပေါင်းရင်းမြစ်များ

Maatteeo 11:12

Nganĩngĩtĩ waathinniook baag Yõaannẽ Batitta ĩꞌthõng hĩĩ noho, ĩtĩlĩth habuccieet cĩ hẽẽtkujjieen ꞌtirriaanaa ꞌcĩ maka gẽrrẽẽt nẽ aattĩg eeta ꞌcĩg adiim õõĩ habuccieet nicci ꞌtirriaana.

Maatteeo 11:29

Elemit dtiic ꞌcĩ haaꞌnyuung naana nẽ aanytaangu hillimanuung ngagiita, hĩnĩngĩtĩ tarbal nganĩĩt ꞌthĩnĩt nẽ hatĩ ummuddiaau ꞌyiomman cĩ loriẽẽt cugguung.

Dtiicanĩ cĩg ꞌThooyyiahu 16:29

Ma ho, ũtũvva ꞌgaalacĩ eet huttuhulliaak ĩnõõnnõ ꞌgwoo huduhuni baabuuthatõõ. Baa abarrit nẽẽ gẽrrẽẽt, nĩngĩtĩ akannĩ huruꞌnyia muumaa cĩ Paaulo hĩ ꞌThĩĩla.

Dtiicanĩ cĩg ꞌThooyyiahu 9:6

Nẽẽthĩ ꞌyioko, tĩnga bĩĩt ꞌtaaũnatõõ hũũk heterethoothihii thõõth ꞌcĩ hatĩ õkõ adĩmani.”

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

1 Korinthia 2:3

Baa hakuu naa hĩ ngagiit hĩ ẽẽtĩ ꞌcĩ hõllõngaa hattirani nẽ hiꞌngolli nẽ habarrita gẽrrẽẽt.

1 Korinthia 4:14

Hõllõngaa heheedi naa thooꞌthiok iccig, hátĩ haanytuung ngagiit ngaaoni, nẽẽthĩ, haĩ hitiloouung naa hĩ lohollia cĩgannĩg ꞌcĩg hammĩnani ꞌthĩnĩta.

2 Korinthia 7:15

Ammĩnannuung ngagiit Tiito gẽrrẽẽt hatĩ ammuhoothi ꞌgõõl baa iꞌngoliinnu niig ĩnõõnnõ nẽ abarritu tẽẽlꞌthĩta, ngaatĩ ẽlẽmaaku niig ĩnõõnnõ hikia hĩ ngagiita.

Eevvetho 6:5

Niig appahacaaꞌnya, ĩthĩhĩt makayyiook cugguung cĩg looc nicci. Itingolli nẽ ĩthĩktu ĩhõõggõ, haau hĩcĩ occa athiknu Krĩstõ.

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Pilippi 1:29

nẽ aggatanuunga. Hõllõngaa aggatannuung, hĩnĩngĩtĩ aꞌnyaku niig lemiinit hĩ Krĩstõ diooni, nẽẽthĩ, aggatannuung, hĩnĩngĩtĩ accananiinnu niig buúk, hĩnĩngĩtĩ ĩnõõnnõ.

Pilippi 1:5

hĩnĩngĩtĩ gõõng otholeekaangu niig nganĩĩt ngaatĩ hallimanẽẽkĩ eet nyeemuut ꞌcĩ abũnnaa cĩ Krĩstõ, nganĩngĩ baa athiknu ĩĩcĩ oou ĩꞌthõng hĩĩ noho.

Pilippi 1:6

Nẽ haga naa Nyekuc baa iꞌthianaanĩ dtiic icci abũnnaa hõrggẽẽnaa cunuung ko, aalla hatĩ adticanoothi dtiic cĩnnĩ ho, ĩꞌthõng hũttũbanoothĩk kõrra ꞌcĩ hatĩ õbõdaanĩ Yeesu Krĩstõ.

Pilippi 2:19

Má adiim Makayyioohiti Yeesu, hammuhi hĩꞌthõõa hatĩ naa Timotteeo hĩdĩĩkoothong, hikia hẽhẽẽrõnaahuung ngagiita. Nẽ hatĩ aaꞌnya nẽẽ nganĩĩt haccamanoothĩk ngaatĩ aku aduhaaka authet ꞌcĩ aattiyyu niiga.

Pilippi 4:1

Nẽẽthĩ hoti ho, ꞌgotoonoga hĩ ngoonoga ꞌcĩg hammĩnani, aallattia uꞌthuutti thõõth cĩ Makayyiookto jurrung. Hammĩnannuung naa ngagiit nẽ hadiimi hakuu hacinnuunga. Hirriani naa hõdõõkõthĩ nẽ hatala, hĩnĩngĩtĩ ngagiita.

Pilippi 4:15

ꞌGotoonoga hĩ ngoonoga cĩg Pilippi, ammuhooꞌthu niig aaĩ baa hutuno baa hiꞌthianaanĩ naa ngaatĩ hirrioonĩ nyeemuut ꞌcĩ abũnnaa looccaa cĩ Maccedoonia. Ma baa hĩtĩngaawa nĩngaata, baa lothippit cunuung cĩ lemmioohu dioo baa ẽẽllaangu nganĩĩta.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

2 Timotteeo 2:10

Ĩnõõ cĩ hẽmmẽẽꞌthĩ naa thooꞌthiok vẽlẽk, hĩnĩngĩtĩ eet baag ẽbẽra Nyekuci, hátĩ hummuddia nẽẽg buúk elliaanĩt ꞌcĩ aaĩ hĩ Yeesu Krĩstõ bulẽẽttaa ꞌcĩ aalla ooo.

Ebereei 12:1

Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu.

Ebereei 4:1

Nga abũnnaa thõõth baa aduha Nyekuci aĩ ꞌcĩ hadukni nĩngĩtĩ ꞌyiommaanõ nẽ adiim harrĩcana naag, hátĩ hiittiõõ hõllõngaa abacĩ eet umwaa ngaatĩ adukni nĩngĩtĩ ꞌyiommaanõ ho hõrggẽẽnaa cunuung.

Ebereei 4:11

Nẽẽthĩ ꞌyioko, hidticatõ gẽrrẽẽt, hátĩ huduhunit nĩngĩtĩ ꞌyiomman tĩho, hiittiõõ ẽẽtĩ ꞌcĩ abacĩ tõõ. Nẽẽthĩ, má habũrĩ Nyekuc hĩ baa abũrĩ eeta cĩg Ĩꞌthĩraẽlĩ, hadhukiaa hatĩnĩ.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

1 Pẽẽtũrũ 2:11

ꞌGotoonoga hĩ ngoonoga, haduhaakuung naa ngagiit hanneekuung, iiginnu niig eet cĩg looc ꞌcĩ ꞌrĩĩng hĩ tahana loota nĩnga. Nẽẽthĩ hoti ho, halayyuung naa ngagiit ũtũngteek hẽlẽggĩ ꞌcĩg abũraneek eleeti cugguung ꞌcĩg aruhoonnu hĩ ngagiit ko.

2 Pẽẽtũrũ 3:18

Aꞌnyĩĩk bũnnai hĩ gaiinit ꞌcĩ aku hĩ Makayyioohit hĩ Ellioohit cĩnaac Yeesu Krĩstõ, heelluung ngagiit ĩtĩlĩthĩt. Ĩdĩhĩthĩt Yeesu ꞌyioko hĩ ooo! Aamẽn.