Pilippi 2:11 - ꞌBuuk cĩ Thõõth cĩ Nyekuci

¹¹ nẽẽthĩ, aduha hatĩ eeta vẽlẽk aĩ ĩĩn Yeesu Krĩstõ Makayyioohit bulẽẽttaa cĩ Nyekuc Bangeet.

Pilippi 2:11 ပူးပေါင်းရင်းမြစ်များ

Maatteeo 10:32

“Ẽẽtĩ ꞌcĩ aduhaak eet ũgĩ aĩ hĩĩnĩ eet caannĩ, haduhaahi hatĩ naa buúk Baaba ꞌcĩ hẽẽtkujjieen hanneehi, ĩĩnĩ nii nuyyioohit caannĩ.

ꞌLuuka 2:11

Ittirria Ellioohiti cunuung iyyieni ꞌtaaũnaa cĩ Daavide, ĩnõõnnõ Krĩstõ Makayyioohiti.

Yõaannẽ 12:42

Nẽẽthĩ, kõr niccia noho, baa mẽẽlĩg makayyiooha cĩg ꞌJudeei ꞌcĩg ẽlẽmĩ Yeesu. Nẽẽthĩ hinnia, baa hõllõngaa ẽdẽẽnya nẽẽg lemiinit cĩnĩĩng, hĩnĩngĩtĩ iꞌngolli Variꞌtheei ꞌcĩg occa iiggiawaak ĩhõõggõ battaala ꞌCieethaa cĩ Laiitto.

Yõaannẽ 13:13

Aũũyyaangu niig nganĩĩt anneekaangu ꞌLimmannioohit hĩ Makayyioohit cunuung nẽ ẽbẽaneeku, hĩnĩngĩtĩ hĩĩnĩ eet tĩho dĩdĩ.

Yõaannẽ 13:14

Hĩcĩ ꞌyioko hutuunyuung naa Makayyioohiti ꞌLimmannioohiti cunuung ꞌthoo cugguung ko, occa hatĩ utuunytu niig buúk ꞌgoonogu ꞌthoo.

Yõaannẽ 14:13

Ijittaangu nganĩĩta nẽ hatĩ hĩdĩmaneehuung naa thõõth ꞌcĩ adiimmu ho, hátĩ haaꞌnyĩk Ngeerĩnĩ Maaꞌnyĩ bulẽẽnĩt.

Yõaannẽ 14:23

Ẽdẽcĩ Yeesu ꞌJuuda anneek, “Má ammĩnannaa eet umwaa nganĩĩta, aꞌthũũnnĩ hatĩ nẽẽ ꞌlimman caannĩ. Ammĩnan hatĩ Baaba ĩnõõnnõ buúk nẽ hatĩ hiitaawa naag hĩ Baaba hẽtẽhẽnytaawa õlõ cĩnaang hĩ ĩnõõnnõ.

Yõaannẽ 17:1

Ma baa ẽdẽcaak Yeesu thõõth ꞌcĩ aduhaak nuyyiook cĩgĩnnĩg ko, ikia ĩcĩnõõthĩ hẽẽtkujjieen nẽ alaõ ĩĩ, “Baaba, õdõlan kõrra ꞌcĩ abulꞌthĩ nii Ngeeruni, hátĩ hubuluthii Ngeeruni nganiit buúk.

Yõaannẽ 20:28

Ma ho, ĩĩnnĩk Tomaaꞌthio ĩnõõnnõ, “Makayyioohit caannĩ hĩ Nyekuc caannĩ!”

Yõaannẽ 5:23

hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

Yõaannẽ 9:22

Baa õthõõth maaꞌnyia hĩ aattĩnnĩ hoti, hĩnĩngĩtĩ baa iꞌngolli nẽẽg eet cĩg ꞌJudeei, hĩnĩngĩtĩ baa aarrik nẽẽg thõõth ꞌcĩ iiggiaẽẽkĩ eet ꞌcĩ ẽlẽmĩ aĩ ĩĩn Yeesu Krĩstõ ho, ꞌCieethaa cĩ Laiitto battaala.

Dtiicanĩ cĩg ꞌThooyyiahu 10:36

Ĩĩn ciee nyeemuut ꞌcĩ abũnnaa cĩ eet cĩg Ĩꞌthĩraẽlĩ ꞌcĩ aĩ, aaĩ ganõnĩ hĩ Nyekuc, hĩnĩngĩtĩ Yeesu Krĩstõ ꞌcĩ ĩĩn Makayyioohit cĩ eet vẽlẽk.

Dtiicanĩ cĩg ꞌThooyyiahu 2:36

“Nẽẽthĩ, aanytĩk hagaacõ eeta cĩg Ĩꞌthĩraẽlĩ vẽlẽk ngaatĩ aaꞌnyĩkĩ Nyekuci Yeesu baa odooddiku niig hurucceea, hĩĩ Makayyioohit nẽ ĩĩ Krĩstõ.”

ꞌRooma 14:11

Eheeddi ꞌBuuhaa cĩ Nyekuci aĩ, “Aduha Makayyioohiti aĩ, ‘Habũtani rũgẽtaa caannĩ haini, akatĩ hatĩ eeta vẽlẽk huruꞌnyia muumaa caannĩ, nẽ ĩdĩhĩthĩt ꞌthaar cĩgannĩg!’ ”

ꞌRooma 14:9

Hĩnĩngĩtĩ thõõth icci, baa adaahĩ Krĩstõ nẽ ũrũga daahĩtha, hátĩ hĩĩ nẽẽ Makayyioohit cĩ daakiahu hĩ cĩ eet ꞌcĩg arũgĩ.

ꞌRooma 15:9

Nẽ baa aku Krĩstõ buúk, hátĩ hĩdĩhĩthĩt eeta ꞌcĩg hõllõngaa ĩĩn ꞌJudeei Nyekuc, hĩnĩngĩtĩ amaannĩk nẽẽ ĩhõõggõ. Aaĩ hĩcĩ eheeddi ꞌBuuhaa cĩ Nyekuci aĩ, “Nẽẽthĩ hoti ho, hadihiꞌthii hatĩ naa nganiit hõrggẽẽnaa cĩ eet ꞌcĩg hõllõngaa ĩĩn ꞌJudeei; hebeneehi hatĩ naa ꞌthaar cugunnig tegellwa.”

1 Korinthia 12:3

Nẽẽthĩ ꞌyioko, hadiimmuung naa ngagiit agaac ĩĩtõ, aitiõõ ẽẽtĩ ꞌcĩ occa õthõõth loriia cĩ Nyekuci hõllõngaa occa accĩĩn Yeesu nẽ aitiõõ ẽẽtĩ ꞌcĩ occa õthõõth aĩ, ĩĩn Yeesu Makayyioohit, hatĩ aitiõõ Lorii ꞌcĩ Ẽllẽẽmĩth hĩ ĩnõõnnõ tõõ.

1 Korinthia 15:47

Baa ẽhẽnytaa ẽẽtĩ ꞌcĩ oou dooba, nẽẽthĩ, baa aku ẽẽtĩ ꞌcĩ uruto ho hẽẽtahujjieen.

1 Korinthia 8:6

Haꞌnyak naag Nyekuc hõdẽẽthõng diooni nẽ ĩĩn Baangeet. Baa ẽhẽnyta nẽẽ hẽlẽggĩ vẽlẽk nẽ harũgĩ naag, hĩnĩngĩtĩ ĩnõõnnõ. Yeesu Krĩstõ diooni ꞌcĩ ĩĩn Makayyioohit cĩnaac. Baa ẽhẽnytaa hẽlẽggĩ vẽlẽk ꞌthaarĩĩ cĩgĩnnĩg nẽ aaꞌnyeet Yeesu ngagĩĩt rũgẽt.

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.

1 Yõaannẽ 4:15

Arũmĩ Nyekuci hõdẽĩ hĩ eet vẽlẽk ꞌcĩg aduha lothippita aĩ, ĩĩn Yeesu Ngeertĩ Nyekuci. ꞌGõõl ꞌcĩ harũmẽẽnĩ hõdẽĩ hĩ Nyekuc ko niccia,

1 Yõaannẽ 4:2

ꞌGõõl ꞌcĩ occa agayyu niig Lori cĩ Nyekuci ho cieeni. Má aduha ẽẽtĩ ꞌcĩ ẽlẽmĩ aĩ, aku Yeesu Krĩstõ loota nĩnga hĩ ẽẽtĩ ꞌcĩ holli õõ, aꞌnyak ẽẽtĩ tĩho Lori ꞌcĩ aku hĩ Nyekuc.

2 Yõaannẽ 1:7

Haduhaakuung naa ngagiit thõõth icci, hĩnĩngĩtĩ ĩĩ mẽẽlĩg oloꞌngiaaha ꞌcĩg aauto looccaa nĩĩcĩ gẽrrẽẽt. Ẽppẽhan nẽẽg aĩ, baa hõllõngaa aꞌnyak Yeesu Krĩstõ ẽlẽ cĩ eet ꞌcĩ holli õõ. Ĩĩn eeta ꞌcĩg aattĩg noho, oloꞌngiaak nẽ ĩĩn mĩrõk cĩg Krĩstõ.

Terethiinit 3:5

Nẽ eeta ꞌcĩg ĩllõõan thõõth cĩ ꞌThĩttaanõ, ahimit hatĩ nẽẽg ceremwa ꞌcĩg õõrĩg, nẽ iitiõõ hatĩ ꞌthaara cĩggĩĩng hõllõngaa amummunyanniaa ꞌbuuhaa cĩ rũgẽtõõ. Haduhaahi hatĩ naa Baaba hĩ aajĩlẽẽt cĩgĩnnĩg hanneehi, ‘Nuyyiook cĩgannĩg cieegi.’