Pilippi 1:8 - ꞌBuuk cĩ Thõõth cĩ Nyekuci

⁸ Nyekuc ꞌcĩ aga dĩdĩ, ngaatĩ hadiim hakuu hacinnuung naa ngagiita. Aga nẽẽ ngaatĩ haꞌthuunnuung naa ngagiit, hĩcĩ aꞌthuunnuung Yeesu Krĩstõ ngagiita.

Pilippi 1:8 ပူးပေါင်းရင်းမြစ်များ

ꞌLuuka 1:78

hĩnĩngĩtĩ tamaati cobbi cĩ Nyekuc cĩnaac ꞌcĩ abũnnaa, ꞌcĩ hatĩ aku uppwannakeet kõrra ngagĩĩt hẽẽtahujjieen,

ꞌRooma 1:9

Ĩĩn Nyekuci ꞌcĩ hadticanoothihi naa ꞌthĩnĩtaa caannĩ vẽlẽk, hirrioonĩk eet nyeemuut ꞌcĩ abũnnaa cĩ Ngeerĩnĩ ho, hebereec caannĩ ꞌcĩ aga ꞌgõõl ꞌcĩ hammuhaannuung naa ngagiit hõdõõkõthĩ

ꞌRooma 9:1

Hothoothi naa thõõth dĩdĩ cĩ Krĩstõ, hõllõngaa hoolongi thõng, aduha ꞌthĩnĩt caannĩ thõõth icci Loriiaa ꞌcĩ Ẽllẽẽmĩthĩ,

2 Korinthia 13:9

Haccamanoothĩka naag hatĩ okommu niiga nẽ hippiirriawa naaga. Nẽ halaiinna naag gẽrrẽẽt haĩnna, aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga.

2 Korinthia 6:12

Hõllõngaa hĩcaaccuung naag ngagiit mĩnnan cĩnaang nẽ ngagiit dioo ꞌcĩg ĩcaacceetu ngagĩĩt mĩnnan cunuung.

2 Korinthia 7:15

Ammĩnannuung ngagiit Tiito gẽrrẽẽt hatĩ ammuhoothi ꞌgõõl baa iꞌngoliinnu niig ĩnõõnnõ nẽ abarritu tẽẽlꞌthĩta, ngaatĩ ẽlẽmaaku niig ĩnõõnnõ hikia hĩ ngagiita.

ꞌGalaaꞌthia 1:20

Habũtani Nyekuc dĩdĩ, thõõth ꞌcĩ heheedi naa ho, ĩĩn thõõth dĩdĩ ꞌcĩ hiꞌthihi õlõng.

ꞌGalaaꞌthia 3:26

Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

ꞌGalaaꞌthia 4:19

Lohollia cĩgannẽẽgĩ! Ahuccieeka nganĩĩt thõõth cunuung ꞌcĩ ũtũngteehu thõõth ꞌcĩ ĩĩn dĩdĩ, haau hĩ ngaa ꞌcĩ attur ꞌgoonnia nẽ aalla hatĩ huciithi ciee ĩꞌthõng iita elemit niig Yeesu Krĩstõ rũgẽtaa cunuung dĩdĩ.

Pilippi 2:1

Akũtannuung Krĩstõ ngagiita nẽ amammaayanuung mĩnnani cĩnnẽẽnĩ. Arummuung Lorii cĩ Nyekuci ngagiita nẽ uꞌthuuttu ꞌgoonogu.

Pilippi 2:26

Hĩꞌthõõakuung naa ngagiit ĩnõõnnõ, hĩnĩngĩtĩ baa abũraneek nẽẽ ngaatĩ aku acĩnnuung ngagiita, baa ommoꞌthi nẽẽ gẽrrẽẽt, hĩnĩngĩtĩ aga aĩ, udukiaahuung ngagiit nyeemuut cĩ mõõrĩth cĩnnĩ.

Pilippi 4:1

Nẽẽthĩ hoti ho, ꞌgotoonoga hĩ ngoonoga ꞌcĩg hammĩnani, aallattia uꞌthuutti thõõth cĩ Makayyiookto jurrung. Hammĩnannuung naa ngagiit nẽ hadiimi hakuu hacinnuunga. Hirriani naa hõdõõkõthĩ nẽ hatala, hĩnĩngĩtĩ ngagiita.

Kolooꞌthe 2:1

Hadiimmuung naa ngagiit agaac ngaatĩ hadticaniini naa gẽrrẽẽt, hĩnĩngĩtĩ ngagiit hĩ eet ꞌcĩg aattĩg ꞌtaaũnaa cĩ Laodicea hĩ ꞌcĩg nga homottiooa hĩ nganĩĩt vẽlẽk.

Kolooꞌthe 3:12

Nẽẽthĩ hoti ho, ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, atamaattik ꞌgoonogu nẽ iittu tarbalĩg, ma hathĩngõõnyannu, etemeethit thooꞌthiok.

1 Tẽꞌthaloonika 2:5

Agayyu niig buúk nga hĩttĩmatta naag ngaatĩ hĩggõõlla eet umwa. Aga Nyekuci buúk ngaatĩ aitiõõnnĩ thõõth baa hadĩmanna naag, hõllõngaa ĩĩn ꞌgii ꞌcĩ hammũtta lõbõlõbẽẽꞌthĩt cĩnaang.

1 Tẽꞌthaloonika 2:8

Baa hammĩnannuung naag ngagiit gẽrrẽẽt nẽ haccamattoothĩha ngaatĩ haattiyyia jurrung, hõllõngaa hĩnĩngĩtĩ hõthõl nyeemuut ꞌcĩ abũnnaa cĩ Nyekuci hĩ ngagiit diooni, haccamanoothĩka hĩnĩngĩtĩ hõthõl rũgẽt cĩnaang buúk.

2 Timotteeo 1:4

Hammuhoothi kõr baa adhukiaanĩ nganiit tilaalõ nẽ hadiimi gẽrrẽẽt ngaatĩ hakuu hacinni tarĩ. Haccamanoothihi hatĩ gẽrrẽẽt kõr ꞌcĩ hõmmõtõõnĩ.

Vilõmẽẽnõ 1:12

Hĩꞌthõõakii naa nganiit Onethimo ꞌgõõna cĩ ꞌthĩnĩtõ, hõbõda hikia hĩ nganiita.

Vilõmẽẽnõ 1:20

Ẽlẽ ꞌgõõna, dĩmaneehaa thõõth icci, hĩnĩngĩtĩ Makayyioohit. Aꞌnyaa nganĩĩt kũttan icci, hĩnĩngĩtĩ Krĩstõ.

1 Yõaannẽ 3:17

Má haꞌnyak naag hẽlẽggĩ vẽlẽk ꞌcĩg hadiim naaga nẽ hĩcĩnĩt eet cĩggaac ꞌcĩg appĩĩrna, adiim occa hammaannĩk naag eet tĩko, má aitiõõ, occa hõllõngaa haĩ naag aaĩ mĩnnanĩ cĩ Nyekuci hĩ ngagĩĩta.