Pilippi 1:7 - ꞌBuuk cĩ Thõõth cĩ Nyekuci

⁷ Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Pilippi 1:7 ပူးပေါင်းရင်းမြစ်များ

Dtiicanĩ cĩg ꞌThooyyiahu 20:23

Haga naa ꞌtaaũnnioohĩ vẽlẽk, aduhaaka Lorii ꞌcĩ Ẽllẽẽmĩth aĩ, ẽrẽẽyya nganĩĩt baabuuthi hĩ ꞌcannan.

Dtiicanĩ cĩg ꞌThooyyiahu 21:33

Ma ho, ikia ꞌgaalacĩ cobbi ho nẽ aggam Paaulo nẽ uduhaak athegereeꞌnya hecebit ĩnõõnnõ nyerikooꞌnyanĩĩ ꞌcĩg obbitig ꞌramma. Nĩngĩtĩ ajini ĩnõõnnõ nganĩ nẽẽ nẽ ꞌgii tĩhathini ꞌcĩ hatĩ ẽꞌthẽcan nẽẽ ho.

1 Korinthia 13:7

Eteiini mĩnnanĩ eet hõdõõkõthĩ nẽ aꞌnyak lemiinit hĩ eet hõdõõkõthĩ nẽ aꞌnyak muhẽẽnĩt ꞌcĩ abũnnaa nẽ aalla mĩnnanĩ hõdõõkõthĩ.

1 Korinthia 9:23

Hadĩmani naa thooꞌthiok iccig vẽlẽk, hĩnĩngĩtĩ nyeemuut ꞌcĩ abũnnaa, hátĩ hũmmũda naa buúk ꞌgattan cĩnnĩ.

2 Korinthia 3:2

Aattiyyu niig hĩ waraga ꞌcĩ eheeddi ꞌthinneetinii cĩggaang, ꞌcĩ aduhaak eet vẽlẽk thõõth cĩ Nyekuci ꞌcĩ hadticanna naaga.

2 Korinthia 7:3

Hõllõngaa haduha naa hoti, hátĩ hĩdĩmanuung ꞌbuth, nẽẽthĩ, baa huduhaahuung naa ngagiit baa ĩĩcĩ oou hĩĩnnĩhuung, hammĩnannuung naag ngagiit ꞌthinneetinii cĩggaang dĩdĩ, tananga harũmĩ hõdẽĩ, hode hadaahĩ hõdẽĩ hĩ ngagiita.

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

Eevvetho 3:1

Hikia hĩĩna naa Paaulo baabutheenit cĩ Krĩstõ, hátĩ heeluung ngagiit eet ꞌcĩg hõllõngaa iiginnu ꞌJudeei.

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Eevvetho 6:20

hĩnĩngĩtĩ hĩĩnĩ naa ꞌthooyyiahit ꞌcĩ hecebbi baabuutha. Alayyiooyyiaangu, hátĩ hillimanõ ꞌthĩnĩtaa ꞌcĩ õkõmĩ hĩcĩ occa hallimannii.

Pilippi 1:12

Nẽẽthĩ ꞌyioko, ꞌgotoonoga hĩ ngoonoga, hadiimmuung naa ngagiit agaac ngaatĩ ẽẽlĩ pĩĩrnanĩtĩ baa adhukiaaka nganĩĩt ngaati nyeemuut ꞌcĩ abũnnaa hĩꞌthanothoothĩk looc.

Pilippi 1:13

Hĩnĩngĩtĩ thõõth icci, iita agaacõ athegereeꞌnya ꞌcĩg ẽbẽk õlõ cĩ habu cĩ ꞌRooma hĩ eet ũgĩ vẽlẽk, ngaatĩ hecebiini naa, hĩnĩngĩtĩ hadticanoothihi Krĩstõ.

Pilippi 1:14

Nẽẽthĩ ꞌyioko, hĩnĩngĩtĩ hecebbi naa baabuutha, iita okomit nuyyiook cĩg Makayyiooktak ꞌthinneeti nẽ ĩꞌthĩlanit ngaatĩ irriõõnĩ nyeemuut cĩ Nyekuci.

Pilippi 1:5

hĩnĩngĩtĩ gõõng otholeekaangu niig nganĩĩt ngaatĩ hallimanẽẽkĩ eet nyeemuut ꞌcĩ abũnnaa cĩ Krĩstõ, nganĩngĩ baa athiknu ĩĩcĩ oou ĩꞌthõng hĩĩ noho.

Pilippi 2:22

Nẽẽthĩ, agayyu niig ĩĩn Timotteeo eet ꞌcĩ aaĩ hutuno. Hidticattooa naag hĩ ĩnõõnnõ hĩ loholeec caannẽẽnĩ, ngaatĩ hĩꞌthaanĩka nyeemuut ꞌcĩ abũnnaa eet.

Pilippi 4:14

Nẽ baa abũnnayyu niig ngaatĩ ẽẽllaangu nganĩĩt baa haaĩ pĩĩrnatta.

Pilippi 4:15

ꞌGotoonoga hĩ ngoonoga cĩg Pilippi, ammuhooꞌthu niig aaĩ baa hutuno baa hiꞌthianaanĩ naa ngaatĩ hirrioonĩ nyeemuut ꞌcĩ abũnnaa looccaa cĩ Maccedoonia. Ma baa hĩtĩngaawa nĩngaata, baa lothippit cunuung cĩ lemmioohu dioo baa ẽẽllaangu nganĩĩta.

Pilippi 4:3

Nẽ nii ꞌgõõna cĩ ꞌthĩnĩtõ ꞌcĩ hadticanni hõdẽĩ ho, halayyii ẽẽl ngaaĩ nicciaag ĩĩn ꞌramma hataa. Baa hadticaniinna hõdẽĩ hĩ ĩhõõggõ ngaatĩ hallimanna nyeemuut ꞌcĩ abũnnaa. Baa adticanni nẽẽg hõdẽĩ hĩ Kelementiino hĩ dticcianniook ũgĩ cĩgannĩg, ꞌcĩg eteheeddi ꞌthaarrioha cĩggĩĩng ꞌbuuhaa cĩ rũgẽtõ.

Kolooꞌthe 4:18

Hẽhẽẽdakuung naa Paaulo ꞌthaainit icci athĩnĩĩ cĩgannĩg. Ma hataarroꞌthu thõõth ꞌcĩ hecebiini naa baabuutha ho. Aꞌnyĩĩk bũnnai cĩ Nyekuci haau hĩ ngagiita.

Kolooꞌthe 4:3

Alayyiooyyieetu ngagĩĩt buúk, hátĩ hubbuuhiheet Nyekuci ngagĩĩt ꞌgõõl, hátĩ hõõt huduktaaha eet thõõth cĩ Krĩstõ ꞌcĩ ĩllõõan ꞌgẽẽnyĩth cĩ eetu, ꞌcĩ ꞌyioko hecebiini naa baabuutha ho.

1 Tẽꞌthaloonika 5:5

Iittu niig vẽlẽk lõhõlĩ cĩg lanyitaak nẽ iittu lõhõlĩ cĩg waathĩnaak nẽ hõllõngaa hĩĩgĩn naag cĩg baalinu hode cĩg muguurak.

2 Timotteeo 1:8

Ma haꞌngaaoni ngaatĩ aduhaakĩ eet thõõth cĩ Makayyioohit cĩnaac, hode ma haꞌngaaoni, hĩnĩngĩtĩ nganĩĩt buúk, tananga haaĩ baabuutha, hĩnĩngĩtĩ hadticanoothihi Krĩstõ. Dticcianõõĩ ꞌtirrian baa aaꞌnyi Nyekuci nẽ hotholit hĩ nganĩĩt pĩĩrnanĩt ꞌcĩ hammũda naag, hatĩ haduhaak eet nyeemuut ꞌcĩ abũnnaa.

2 Timotteeo 2:9

ꞌcĩ happĩĩrnanĩĩ ngaatĩ hecebiini baabuutha hĩ ꞌthẽccannioohiti. Nẽ occa hõllõngaa ecebbi thõõth cĩ Nyekuci baabuutha.

Vilõmẽẽnõ 1:13

Hadiimi occa hũrũmteea hĩ nganĩĩt ngaati, hirigith nĩngĩtĩ nunni hẽẽla nganĩĩt nga hababuuthannii, hĩnĩngĩtĩ hirriooni nyeemuut ꞌcĩ abũnnaa ho.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

1 Pẽẽtũrũ 4:13

Accamattoothĩk ngaatĩ accananiinnu hĩ baa Krĩstõ. Akũmaneekuung hatĩ ꞌcannani ciee ngagiit umuddia taliinit ꞌcĩ maka, hatĩ õbõda nẽẽ bulẽẽttaa cĩnnĩ.

1 Pẽẽtũrũ 5:1

Nẽ ꞌyioko, haꞌnyahi thõõth ꞌcĩ hadiim haduhaakuung ngagiit makayyiook cĩg lothippit cĩ lemmioohu. Hĩĩnĩ naa buúk makayyioohit nẽ hĩĩna hebereec cĩ ꞌcannan cĩ Krĩstõ nẽ hõthõlla hatĩ naag buúk hĩ ĩnõõnnõ bulẽẽnĩt cĩnnĩ, hatĩ ikia õbõda nẽẽ loota nĩnga. Halayyuung ngagiit hĩ makayyioohiti ꞌcĩ haduhõõ hĩ ngagiit thõng.

2 Pẽẽtũrũ 1:13

Nẽ dĩdĩ, hammuhi occa abũnnaa ngaatĩ hammuhaakuung ngagiit thõõth icci, nga harugi naa ho.

1 Yõaannẽ 3:14

Má hammĩnan naag ꞌgotoonogeet hĩ ngoonogeet, ẽtẽrꞌtha thõõth ciee aĩ, hũtũngteek naag daahĩth hiita rũgẽta. Nẽẽthĩ, ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ, nga aalla nẽẽ daahĩtha.