Pilippi 1:6 - ꞌBuuk cĩ Thõõth cĩ Nyekuci

⁶ Nẽ haga naa Nyekuc baa iꞌthianaanĩ dtiic icci abũnnaa hõrggẽẽnaa cunuung ko, aalla hatĩ adticanoothi dtiic cĩnnĩ ho, ĩꞌthõng hũttũbanoothĩk kõrra ꞌcĩ hatĩ õbõdaanĩ Yeesu Krĩstõ.

Pilippi 1:6 ပူးပေါင်းရင်းမြစ်များ

Yõaannẽ 6:29

Ẽdẽcĩ Yeesu ĩhõõggõ anneek, “Adiimmuung Nyekuci ngagiit aꞌnyahit lemiinit hĩ eet baa ĩꞌthõõa nẽẽnĩ.”

Dtiicanĩ cĩg ꞌThooyyiahu 11:18

Ma baa athĩhĩ eeta ꞌcĩg etteeddi eleeti thõõth icci õthõõth Pẽẽtũrũ ho, iittiõõ hõllõngaa ẽppẽhanõõ nẽ iꞌthiattaaĩ ubuluthit Nyekuc. Baa aĩ nẽẽg, “Ikia aaꞌnyĩk Nyekuci eet ꞌcĩg hõllõngaa ĩĩn ꞌJudeei, hũtũngteek ꞌthẽccanẽẽt cĩggĩĩng nẽ aaꞌnyĩk ĩhõõggõ rũgẽt ꞌcĩ aalla ooo!”

Dtiicanĩ cĩg ꞌThooyyiahu 16:14

Ngaaĩnĩĩ ꞌcĩg hothoothonna ho, baa aaĩ ngaa umwaa ꞌcĩ haĩ Liidia ꞌcĩ aku ꞌtaaũnaa cobbi ĩĩcĩ Thiatira, ꞌcĩ baa ũũtẽnĩ ceremwa ꞌcĩg õkõmĩ ꞌcĩg ꞌrẽggẽẽg. Baa ala nẽẽ Nyekuc gẽrrẽẽt, nĩngĩtĩ abbuuhi Makayyioohiti Yeesu ꞌthĩnĩt cĩnnĩ hĩthĩk nyeemuut cĩ Paaulo.

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

2 Korinthia 1:15

Baa hagaoothi naa ꞌrianĩĩth cunuung hĩnĩngĩtĩ ngagĩĩta nẽ hikia hummuha ngaatĩ hẽhẽẽrõnaakuung ngagiit ĩĩcĩ oou. ꞌGõõlaa cĩ, iita ummuddiaau niig ꞌgattan ꞌcĩ hẽhẽẽrõnaakuung naa tabattĩ ꞌramma.

2 Korinthia 2:3

Baa hẽhẽẽda waraga baalĩ, hátĩ ma hikia, hiittiõõ eeta ꞌcĩg aaꞌnya haccamanoothĩk, hõllõngaa aaꞌnya hõmõthĩ. Baa õkõmĩ nganĩĩt ꞌthĩnĩt, hĩnĩngĩtĩ ngagiit vẽlẽk ꞌcĩg hatĩ othollu taliinit caannĩ.

2 Korinthia 7:16

Haccamanoothihi naa ꞌyioko gẽrrẽẽt, hĩnĩngĩtĩ õkõm ꞌthĩnĩt caannĩ hẽlẽggẽẽnnĩĩ cĩg adticannu niiga.

2 Korinthia 9:4

Má hookorriawa naag hĩ lemmiook cĩg Maccedoonia nẽ hummuddiaahuung nga ũkũmattoothĩk, haꞌngaaoni hatĩ ngaatĩ baa haarikuung naa ngagiit ꞌthĩnĩt. Aꞌngaaonnu hatĩ niig buúk gẽrrẽẽt ngaatĩ hõllõngaa attihaannu ꞌbaaninit cunuung.

ꞌGalaaꞌthia 5:10

Nẽẽthĩ, iiginnu niig eet cĩg Makayyiooktak. Nẽ haini naa dĩdĩ, anuyyu hatĩ niig thõõth ꞌcĩ haduha naana nẽ utuburru nyeemuut ꞌcĩ aduha eet umwaanĩ. Nẽẽthĩ, uuk hatĩ Nyekuci eet ꞌcĩ ataddaannuung ngagiit ko.

Eevvetho 4:12

hillimanit eeta cĩg Nyekuci ꞌgõõl ꞌcĩ adticanõõthĩkĩ eet ũgĩ, hátĩ hĩtĩlĩth ẽlẽ cĩ Krĩstõ hittiran.

Pilippi 1:10

Hĩnĩngĩtĩ hadiimmuung naa ngagiit agaac ꞌgõõl ꞌcĩ ẽbẽraannu thooꞌthiok ꞌcĩg aũlanĩ, hátĩ nuun aꞌnyahit rũgẽt ꞌcĩ tẽllĩ nẽ iittu eet ꞌcĩg ammĩrru, ĩꞌthõng kõr ꞌcĩ hatĩ õbõdaanĩ Krĩstõ.

Pilippi 1:29

nẽ aggatanuunga. Hõllõngaa aggatannuung, hĩnĩngĩtĩ aꞌnyaku niig lemiinit hĩ Krĩstõ diooni, nẽẽthĩ, aggatannuung, hĩnĩngĩtĩ accananiinnu niig buúk, hĩnĩngĩtĩ ĩnõõnnõ.

Pilippi 2:12

ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Pilippi 2:13

Hĩnĩngĩtĩ adticanni Nyekuci hĩ ngagiit, haaꞌnyuung accamatta tabiinit nẽ aaꞌnyuung ꞌtirriani ꞌcĩ uuluyyu ngaatĩ adĩmannu thõõth ꞌcĩ accamana nẽẽnĩ.

Pilippi 2:16

Uꞌthuutti thõõth ꞌcĩ aꞌnyaha rũgẽt jurrung, hátĩ ma õbõda Krĩstõ, hirriani hatĩ naa gẽrrẽẽt haini, ĩko baa hõllõngaa hadticannii haaga, ĩko baa abũnnaa dtiici caannẽẽnĩ.

Kolooꞌthe 2:12

Baa adayyieeu niig hĩ Krĩstõ hõdẽĩ kõr baa aggammu baattithimo nẽ ũrũgtaau hõdẽĩ lemiittaa cunuung ĩcĩ aꞌnyaku niig ꞌtirriaanaa cĩ Nyekuci, ĩĩ baa arũgnaanĩ Krĩstõ daahĩtha.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

2 Tẽꞌthaloonika 1:11

Ĩnõõ ꞌcĩ halaiinnuung naag ngagiit hõdõõkõthĩ haĩnna, aꞌnyĩĩk Nyekuc haaꞌnyuung eet baag ẽbẽraauung nẽẽ ẽlẽk ko, uꞌthuutti thõõth cĩnnĩ authetaa ꞌcĩ aattiyyu. Aꞌnyĩĩk ĩnõõnnõ heeluung ngagiit ꞌtirriaanaa cĩnnĩ ũbũttaath nẽ elemtu thõõth cĩnnĩ.

2 Tẽꞌthaloonika 3:4

Haꞌnyakta naag lemiinit hĩ Makayyioohit ꞌcĩ aduhaakeet ngagĩĩt aĩ, aꞌthuunnu niig thooꞌthiok baag hallimaneekuung naag ngagiit nẽ hatĩ aalla aꞌthuunnu noho.

Vilõmẽẽnõ 1:21

Hĩcĩ heheedi naa waraga icci ho, haga naa ngaatĩ hatĩ adĩmanĩĩ thõõth ꞌcĩ hajinnii ho jurrung nẽ occa hatĩ adĩmani hĩllõõan.

Ebereei 10:35

Ĩnõõ ꞌcĩ haĩ, ma hadhuheeku kõmĩĩth cĩ lemiinit cunuung tuu, hĩnĩngĩtĩ õbõdaakuung hatĩ ngagiit ꞌbaaniniti cobbiẽẽnĩ.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.

2 Pẽẽtũrũ 3:10

Anĩhaakeet hatĩ kõrra cĩ Makayyiookto hĩ igorriaahiti. Aꞌnginoothi hatĩ hẽtkujjieen moloohaa cobbi nẽ hatĩ õbõ ꞌgwaa loonyin vẽlẽk. Nẽẽthĩ hatĩ ũtũũthĩ lõõcĩ hĩ hẽlẽggĩ vẽlẽk ꞌcĩg aattĩg loota.