Pilippi 1:5 - ꞌBuuk cĩ Thõõth cĩ Nyekuci

⁵ hĩnĩngĩtĩ gõõng otholeekaangu niig nganĩĩt ngaatĩ hallimanẽẽkĩ eet nyeemuut ꞌcĩ abũnnaa cĩ Krĩstõ, nganĩngĩ baa athiknu ĩĩcĩ oou ĩꞌthõng hĩĩ noho.

Pilippi 1:5 ပူးပေါင်းရင်းမြစ်များ

Dtiicanĩ cĩg ꞌThooyyiahu 2:42

Nẽ baa alliman ꞌthooyyiaha ĩhõõggõ nẽ ũrũmtĩ hõdẽĩ, hĩ eeta cĩg halang hõdẽẽthõng. Aggatan ũbũnĩ buúk nẽ alayyio hõdẽĩ.

ꞌRooma 11:17

Aattiyyu niig eeta ꞌcĩg hõllõngaa ĩĩgĩnnu ꞌJudeei hĩ tabana cĩg hẽẽt cĩ oliv cĩ moru, ꞌcĩg baag adũũppanoothĩk hõdẽĩ hĩ taba ꞌcĩg oliv ꞌcĩ atiboolanni thõng. Irigiꞌthu niig nĩngĩtĩ taba baag eꞌngeddoothĩk tuu. Nẽ hĩnĩngĩtĩ thõõth icci, iita othollu niig ꞌgẽẽn ꞌcĩ abũnnaa ꞌcĩ aku cõrrẽẽnĩĩ cĩg hẽẽt cĩ oliv cĩ Nyekuci.

ꞌRooma 12:13

Uꞌthuutti pĩĩrnattiaak cĩg Nyekuci nẽ aanytĩhu hẽẽrõn hiita olooyyiohĩĩ cugguung.

ꞌRooma 15:26

Hĩnĩngĩtĩ baa accamanoothĩk lemmiooha cĩg looc cĩ Maccedoonia hĩ cĩg looc cĩ Acaia, ngaatĩ õhõaanĩ ꞌrabbẽẽt ũgĩ, hatĩ heelli pĩĩrnattiaak lemmioohĩĩ cĩg ꞌJeruꞌthalẽmĩ.

1 Korinthia 1:9

Nyekuci ꞌcĩ aũyyuung ngagiit iita ũrũmtĩ hĩ Ngeerĩnĩ Yeesu Krĩstõ Makayyioohit cĩnaac ko, ĩĩn Nyekuc ꞌcĩ aꞌthũũnnĩ thooꞌthiok.

2 Korinthia 8:1

ꞌGotoonoga hĩ ngoonoga, hadiimmuung naag ngagiit agaac bũnnai ꞌcĩ baa aaꞌnyĩk Nyekuci lothippiꞌnya cĩg lemmiook cĩg looc ꞌcĩ Maccedoonia.

Eevvetho 3:6

Nẽ muhẽẽnĩt ꞌcĩ ĩllõõan ꞌgẽẽnyĩth cĩ eetu ho cieeni. Hĩnĩngĩtĩ Yeesu Krĩstõ, aaꞌnyĩk nyeemuut ꞌcĩ abũnnaa eet ꞌcĩg hõllõngaa ĩĩn ꞌJudeei, hotholit hĩ eet ꞌcĩg ĩĩn ꞌJudeei vẽlẽk, baliinit ꞌcĩ hatĩ arigith lohollia cĩg Nyekuci. Au hatĩ ĩĩn eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei vẽlẽk, ẽlẽ hõdẽẽthõng nẽ accamanoothĩk hatĩ nẽẽg vẽlẽk ꞌgattaana, hĩnĩngĩtĩ iita ĩĩtõ nẽẽg vẽlẽk eet cĩg Yeesu Krĩstõ.

Pilippi 1:12

Nẽẽthĩ ꞌyioko, ꞌgotoonoga hĩ ngoonoga, hadiimmuung naa ngagiit agaac ngaatĩ ẽẽlĩ pĩĩrnanĩtĩ baa adhukiaaka nganĩĩt ngaati nyeemuut ꞌcĩ abũnnaa hĩꞌthanothoothĩk looc.

Pilippi 1:16

Eeta ꞌcĩg alliman nyeemuut ꞌcĩ abũnnaa ꞌthinneetinii ꞌcĩg ĩĩn dĩdĩ, ammĩnan nẽẽg Krĩstõ nẽ agaacõ ĩĩtõ, haaĩ naa ngaati, hátĩ hẽtẽẽõĩ nyeemuut cĩnnĩ ꞌcĩ abũnnaa.

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Pilippi 2:12

ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Pilippi 2:22

Nẽẽthĩ, agayyu niig ĩĩn Timotteeo eet ꞌcĩ aaĩ hutuno. Hidticattooa naag hĩ ĩnõõnnõ hĩ loholeec caannẽẽnĩ, ngaatĩ hĩꞌthaanĩka nyeemuut ꞌcĩ abũnnaa eet.

Pilippi 4:3

Nẽ nii ꞌgõõna cĩ ꞌthĩnĩtõ ꞌcĩ hadticanni hõdẽĩ ho, halayyii ẽẽl ngaaĩ nicciaag ĩĩn ꞌramma hataa. Baa hadticaniinna hõdẽĩ hĩ ĩhõõggõ ngaatĩ hallimanna nyeemuut ꞌcĩ abũnnaa. Baa adticanni nẽẽg hõdẽĩ hĩ Kelementiino hĩ dticcianniook ũgĩ cĩgannĩg, ꞌcĩg eteheeddi ꞌthaarrioha cĩggĩĩng ꞌbuuhaa cĩ rũgẽtõ.

Vilõmẽẽnõ 1:17

Má acĩnnaa nii nganĩĩt hĩ ꞌgoonu, hĩnĩngĩtĩ Krĩstõ, aꞌnyĩĩk Onethimo hikia haau hĩ nganiit, hĩcĩ occa baa hau harũmĩ naag hĩ nganiita.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

1 Yõaannẽ 1:3

Haduhaakuung naag ngagiit thõõth ꞌcĩ hĩcĩtta nẽ hĩthĩkta, hátĩ iita hũrũmtĩ hĩ ngagĩĩt hõdẽĩ. Nẽ hũrũmtĩ hõdẽĩ hĩ Baangeet hĩ Ngeerĩnĩ Yeesu Krĩstõ.

1 Yõaannẽ 1:7

Má haattĩg naag lanyita hĩcĩ aaĩ Nyekuci, hõthõl naag rũgẽt hĩ ꞌgoonogeet thõng. Nẽ ũtũũnyĩtõ biyyieeta cĩg Yeesu ꞌthẽccanẽẽt cĩggaac vẽlẽk.