Pilippi 1:28 - ꞌBuuk cĩ Thõõth cĩ Nyekuci

²⁸ ꞌgõõlaa ꞌcĩ hõllõngaa iꞌngoliinnu mĩrõk cugguung ũdũt. Ĩĩn ciee terethiinit hĩ ĩhõõggõ ꞌcĩ aĩ, aitiõõ hatĩ hõllõngaa ẽẽla Nyekuci ĩhõõggõ, ẽẽlannuung hatĩ nẽẽ ngagiita,

Pilippi 1:28 ပူးပေါင်းရင်းမြစ်များ

ꞌThianaattõ 49:18

Hẽrẽ naa elliaanĩt cunni Makayyioohit.

Maatteeo 10:28

Ma hiꞌngolinnu eet ꞌcĩg aruk ẽlẽ diooni nẽ hõllõngaa occa aruk lori buúk. Itingolli Nyekuc diooni ꞌcĩ occa aruk ẽlẽ hĩ lori cunuung ꞌgwoyyiaa ꞌcĩ aalla ũdũt.

Maarko 3:3

Ma nĩngaata, ikia uduhaak Yeesu eet ꞌcĩ alalliaa aꞌthiiti ho ĩĩnnĩk, “Tĩnga ꞌjieena bĩĩl hõrggẽẽna ngaatĩ acĩnni eeta vẽlẽk.”

ꞌLuuka 3:6

Nẽẽthĩ, hatĩ ĩcĩnĩt eeta vẽlẽk elliaanĩt cĩ Nyekuci.’ ”

Yõaannẽ 16:8

“Aku hatĩ Lorii ꞌcĩ Ẽllẽẽmĩth hikia heteretheek eet cĩg looc nicci, bathi cĩ ꞌthẽccaanõ hĩ bũnnai cĩ Nyekuci, hĩ thõõth ꞌcĩ ẽttẽẽdĩ Nyekuci thooꞌthiok.

Dtiicanĩ cĩg ꞌThooyyiahu 28:28

“Nẽẽthĩ, hadiimi naa agaac niig, baa ikia nyeemuut ꞌcĩ aku ẽẽlanĩ Nyekuci eet ꞌcĩg hõllõngaa ĩĩn ꞌJudeei. Nẽ athĩknĩ ꞌthẽk hatĩ nẽẽgĩ.”

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

1 Tẽꞌthaloonika 2:2

Baa hippiirriawa naag nẽ hodoomtea ꞌtaaũnaa cĩ eet cĩg Pilippi, nẽẽthĩ, eliittaa cĩ Nyekuci, iita okomit ꞌthinneeti cĩggaang nẽ hillimattuung ngagiit nyeemuut cĩnnĩ ꞌcĩ abũnnaa, tananga baa abũrreet eeta ꞌcĩg mẽẽlĩg ngagĩĩta.

Ebereei 13:6

Occa aaꞌnyuung thõõth ciee othoothit ĩĩtõ, “Ĩĩn Makayyioohiti ellioohit caannĩ! Inni occa hatĩ hitingõlĩ naa thõõth ꞌcĩ adĩmaneeka eeta haaga ho?”

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.