Pilippi 1:27 - ꞌBuuk cĩ Thõõth cĩ Nyekuci

²⁷ Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Pilippi 1:27 ပူးပေါင်းရင်းမြစ်များ

Maatteeo 12:25

Baa aga Yeesu muhẽẽnĩt cĩnĩĩng nẽ ĩĩnnĩk ĩhõõggõ, “Habuccieet ꞌcĩ ẽꞌngẽr ẽlẽ cĩnnĩ ẽmmẽn, aduhoothĩk hatĩ hĩĩ ꞌthĩĩ. Nẽ ꞌtaaũnĩ cobbi hode halang ꞌcĩ ẽꞌngẽrõõ eeta ẽmmẽn, aitiõõ hatĩ hõllõngaa abĩlĩ ũdũt.

Dtiicanĩ cĩg ꞌThooyyiahu 2:46

Waathinniook vẽlẽk, õmmõtõõ nẽẽg halaangatõõ cĩ ꞌCieeth cĩ Nyekuci. Aggatan ũbũnĩ olooyyiohĩ nẽ udukto hõdẽĩ ꞌthinneetinii cĩg õõrĩg,

Dtiicanĩ cĩg ꞌThooyyiahu 24:24

Ma urutaa cĩ waathinniook ũgĩ, ookorria Pelicce hĩ ngaa cĩnnĩ Duruthilla ꞌcĩ baa ĩĩn ꞌJudeeinit. Ma ho, ũtũvva nẽẽ Paaulo nẽ ĩthĩk ĩnõõnnõ ngaatĩ õthõõthĩ thõõth cĩ lemiinit cĩ Yeesu Krĩstõ.

Dtiicanĩ cĩg ꞌThooyyiahu 4:32

Baa aꞌnyak lemmiooha vẽlẽk muhẽẽnĩt hĩ ꞌthĩnneeti, ꞌgõõla hõdẽẽthõng. Baa aitiõõ ẽẽtĩ ꞌcĩ aꞌnyak ijjio cĩgĩnnĩg ẽmmẽn tõõ, nẽẽthĩ, baa õthõl nẽẽg hẽlẽggĩ vẽlẽk ꞌcĩg aꞌnyahĩ.

ꞌRooma 1:16

Hõllõngaa haꞌngaaoni naa ngaatĩ hirriõõnĩ nyeemuut ꞌcĩ abũnnaa, hĩnĩngĩtĩ ĩĩn nẽẽ ꞌtirrian cĩ Nyekuci ꞌcĩ eellianĩ eeta vẽlẽk ꞌcĩg ĩĩn lemmiook, ꞌJudeei nõõ ĩcĩ oou, nẽẽthĩ hatĩ ĩĩ eet ꞌcĩg hõllõngaa ĩĩn ꞌJudeei uruta.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 1:9

Ĩĩn Nyekuci ꞌcĩ hadticanoothihi naa ꞌthĩnĩtaa caannĩ vẽlẽk, hirrioonĩk eet nyeemuut ꞌcĩ abũnnaa cĩ Ngeerĩnĩ ho, hebereec caannĩ ꞌcĩ aga ꞌgõõl ꞌcĩ hammuhaannuung naa ngagiit hõdõõkõthĩ

ꞌRooma 10:8

Nẽẽthĩ, aĩ thõõth ciee ne? Aĩ, “Õbõhĩ nyeemuut hĩ nganiit aau ojoonu, aau ũtũũga hĩ ꞌthĩnĩtaa cunni.” Nẽ aduhõõ nyeemuut ciee hĩ lemiinit ꞌcĩ hirrioonna naag ko thõng, thõõth cĩ lemiinit ꞌcĩ hirrioonna naag ko niccia.

ꞌRooma 15:16

hátĩ hĩĩ dticciannioohit cĩ Yeesu Krĩstõ ꞌcĩ hadticanoothihi eet ꞌcĩg hõllõngaa ĩĩn ꞌJudeei, ꞌcĩ haꞌnyahi dtiic ꞌcĩ hallimanĩĩ nyeemuut ꞌcĩ abũnnaa cĩ Nyekuci, hátĩ hĩĩtõ eeta ꞌcĩg hõllõngaa ĩĩn ꞌJudeei ꞌbaaninit ꞌcĩ ẽlẽmĩ Nyekuci, ꞌcĩ ũtũũny Lorii ꞌcĩ Ẽllẽẽmĩthĩ.

ꞌRooma 15:29

Haga naa haini, ma hikia hĩ ngagiita, haꞌnyaha hatĩ ꞌgattan cobbi gẽrrẽẽt cĩ Yeesu Krĩstõ.

1 Korinthia 1:10

Hammaannikuung naa ngagiit ꞌgotoonoga hĩ ngoonoga, ꞌthaarĩĩ cĩg Makayyioohit cĩnaac Yeesu Krĩstõ, ũrũmtĩ baaĩ nuun niig vẽlẽk, hátĩ hiittiõõ ngẽrõõnĩtĩ hõrggẽẽnaa cunuung tõõ, hátĩ horoong ũrũmtĩ jurrung muhẽẽtta hĩ ꞌthinneetinii cugguung.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

2 Korinthia 9:13

Nẽ hĩnĩngĩtĩ ꞌbaaninit ꞌcĩ aaꞌnyiku niig lemmiook ko, adĩhĩth hatĩ nẽẽg Nyekuc. Hĩnĩngĩtĩ ꞌbaaniniti cunuung ꞌcĩ aaꞌnyĩku niig ĩhõõggõ hĩ lemmiook vẽlẽk ko, ẽtẽrꞌtha thõõth ꞌcĩ athiknu niig nyeemuut ꞌcĩ abũnnaa cĩ Krĩstõ.

ꞌGalaaꞌthia 1:7

ꞌcĩ hõllõngaa ĩĩn dĩdĩ. Nẽẽthĩ, aattĩg eeta ũgẽẽgĩ ꞌcĩg aaꞌnyuung ngagiit pĩĩrnanĩt nẽ adiimmuung ngagiit ũtũbũrĩt nyeemuut ꞌcĩ abũnnaa cĩ Krĩstõ.

Eevvetho 1:13

Ikia aꞌnyahaahuung Krĩstõ buúk ngagiit thõõth ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa ꞌcĩ occa eelliannu niiga. Baa aarrihu niig lemiinit cunuung hĩ Krĩstõ nẽ aaꞌnyĩhoothĩhuung nyamacaar cĩ Lori ꞌcĩ Ẽllẽẽmĩth baa adukiaa, hátĩ hedeeꞌnyia ngaatĩ iiginnu niig eet cĩg Nyekuci.

Eevvetho 1:15

Ngaanĩngĩtĩ hathĩknĩ naa thõõth ꞌcĩ elemmu niig Makayyioohit Yeesu hĩ mĩnnan ꞌcĩ ammĩnannu eet vẽlẽk cĩg Nyekuci,

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Pilippi 1:5

hĩnĩngĩtĩ gõõng otholeekaangu niig nganĩĩt ngaatĩ hallimanẽẽkĩ eet nyeemuut ꞌcĩ abũnnaa cĩ Krĩstõ, nganĩngĩ baa athiknu ĩĩcĩ oou ĩꞌthõng hĩĩ noho.

Pilippi 2:12

ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Pilippi 2:24

Nẽ haga naa dĩdĩ haini, ẽlẽmaaka hatĩ Makayyioohiti nganĩĩt buúk hikia hĩdĩĩkoothong.

Pilippi 3:18

Baa gõõng hiloottuung naa ngagiit tabattĩ mẽẽlĩg nẽ hõbõdẽẽkĩ tarĩ, tilaalõnĩ hẽbẽrẽẽnnĩĩ cĩgannĩg hanneekuung, mẽẽlĩg eeta ꞌcĩg ĩĩn mĩrõk cĩg hurucce cĩ Krĩstõ.

Pilippi 3:20

Nẽẽthĩ, hĩĩgĩn naag eet cĩg hẽẽtkujjieen ngaatĩ aayyi Yeesu Krĩstõ. Nẽ habũraneek naag ngaatĩ hẽrẽĩ ĩnõõnnõ hõbõda hĩĩ Ellioohit cĩnaac.

Pilippi 4:1

Nẽẽthĩ hoti ho, ꞌgotoonoga hĩ ngoonoga ꞌcĩg hammĩnani, aallattia uꞌthuutti thõõth cĩ Makayyiookto jurrung. Hammĩnannuung naa ngagiit nẽ hadiimi hakuu hacinnuunga. Hirriani naa hõdõõkõthĩ nẽ hatala, hĩnĩngĩtĩ ngagiita.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 1:4

Baa hĩthĩkta naag ngaatĩ elemmu niig Yeesu Krĩstõ nẽ ĩmmĩnattu eet vẽlẽk cĩg Nyekuci,

1 Tẽꞌthaloonika 3:6

Ma baa õbõda Timotteeo õdõlaneet ngagĩĩt ngaati, ikia aꞌnyahaaheet nyeemuut ꞌcĩ abũnnaa ꞌcĩ aku hĩ ngagiit ꞌcĩ aĩ, nga aꞌthuunnu niig lemiinit hĩ mĩnnan cunuung cĩ Nyekuci gẽrrẽẽt noho. Nẽ tarĩ ĩĩ, accamanoothiku gẽrrẽẽt, hatĩ ammuhaanneetu ngagĩĩt ammuku ainnu, hommottio occa! Haau hĩcĩ hammuka naag buúk ngaatĩ haĩnna, hommottio occa!

1 Tẽꞌthaloonika 4:1

ꞌGotoonoga hĩ ngoonoga, baa haduhaakuung naag authet ꞌcĩ abũnnaa ꞌcĩ haaꞌnyĩkĩ Nyekuc hatal dĩdĩ, hĩcĩ aattiyyu niig ꞌyioko ho. Hanneekuung ngagiit ĩdĩmanit hoti hĩllõõan ꞌthaarĩĩ cĩg Makayyioohit cĩnaac Yeesu Krĩstõ.

1 Timotteeo 1:11

ammuddiaa ꞌlimmanĩ niccia nyeemuutaa ꞌcĩ abũnnaa, ĩcĩ aaꞌnya nganĩĩt Nyekuci ꞌcĩ abuli nẽ ẽllẽẽm gẽrrẽẽt.

1 Timotteeo 1:19

ꞌThũũtĩ thõõth cĩ lemiinit cunni nẽ aꞌnyahu ꞌthĩnĩt ꞌcĩ tẽllĩ, hĩnĩngĩtĩ aauto eeta ũgẽẽgĩ ꞌcĩg arahanit lemiittaa cĩnĩĩng, hĩnĩngĩtĩ hõllõngaa athĩhĩ nẽẽg molook cĩ Nyekuci ꞌcĩ othoothĩk ĩhõõggõ ꞌthinneetinitõõ cĩggĩĩng nẽ ẽꞌthẽcanit lemiinit cĩnĩĩng hĩ Nyekuc.

2 Timotteeo 4:7

Baa hidticana naa jore ꞌcĩ abũnnaa, hẽdẽcaaha iret buúk nẽ hũꞌthũũtĩ lemiinit dĩdĩ.

Tiito 2:10

hode ĩgõrĩth hẽlẽggĩ cĩggĩĩng. Abũnnaa ĩĩn nẽẽg eet ꞌcĩg iꞌngolli thooꞌthiok cĩg makayyiook cĩggĩĩng, hátĩ haanytĩk ꞌlimman cĩ Nyekuc ꞌcĩ ĩĩn Ellioohit cĩnaac hubuluthi.

Vilõmẽẽnõ 1:5

Hathihi naa thõõth cĩ lemiinit cunni ꞌcĩ aꞌnyahi nii hĩnĩngĩtĩ Makayyioohit cĩnaac Yeesu, hĩ mĩnnan ꞌcĩ ammĩnanĩĩ nii eet cĩg Nyekuci vẽlẽk.

ꞌJeemith 3:18

Ma irrioon eeta cĩg ganõõnaak ganõn, ammũda hatĩ nẽẽg bũnnai.

2 Pẽẽtũrũ 3:11

Má atũũthĩ hatĩ hẽlẽggĩ vẽlẽk hoti, adiim occa iiginnu niig eet ꞌcĩg aattiyyu hutuno? Adiim aꞌnyaku niig authet ꞌcĩ ẽllẽẽmĩthĩ ꞌcĩ athiknu Nyekuc,

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

ꞌJuud 1:3

ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng.