Pilippi 1:26 - ꞌBuuk cĩ Thõõth cĩ Nyekuci

²⁶ ĩnõõ cĩ hátĩ, ma hikia hẽhẽẽrõnaahuung tarĩ, au hatĩ irriannu niig Yeesu Krĩstõ gẽrrẽẽt nẽ accamattoothihu, hĩnĩngĩtĩ nganĩĩta.

Pilippi 1:26 ပူးပေါင်းရင်းမြစ်များ

Yõaannẽ 16:22

Nẽẽthĩ, aaĩ hatĩ noho buúk hĩ ngagiita. Ĩĩn ꞌyioko ciee ꞌthaa ꞌcĩ ommothiinnu niiga, nẽẽthĩ, nga hatĩ hau hõmmõtõõ tarĩ nẽ thĩ hatĩ accamattoothihu nẽ aitiõõ hatĩ ẽẽtĩ ꞌcĩ aggamaannuung taliinit cunuung ko tõõ.

Yõaannẽ 16:24

Nga ijinit niig ꞌgiimwa hĩĩ noho ꞌthaarĩĩ cĩgannĩg. Ijinit, hátĩ haaꞌnyĩhoothĩhuunga, nẽẽthĩ hatĩ accamattoothihu ũdũt.

2 Korinthia 1:14

tananga hõllõngaa athĩkneetu ngagĩĩt ꞌyioko. Ma hatĩ kõr ꞌcĩ õbõdaaĩ Makayyioohiti Yeesu, au hatĩ irrianneetu niig ngagĩĩt haau hĩcĩ hirriannuung naag ngagiit ko.

2 Korinthia 5:12

Hõllõngaa hattĩmanna naag ngaatĩ hirrianna eleeti cĩggaang. Hadiimmuung naag ngagiit irrianit, hĩnĩngĩtĩ ngagĩĩta, hatĩ arũmeennu hĩ eet ꞌcĩg hõllõngaa aduha thooꞌthiok ꞌcĩg ĩĩn dĩdĩ nẽ ĩthĩngõõnyanit, hĩnĩngĩtĩ thooꞌthiok ꞌcĩg ammuhuneek eeta ĩhõõggõ.

2 Korinthia 7:14

Baa hirriannuung naa ngagiit hĩ ĩnõõnnõ, tananga baa hõllõngaa aaꞌnyaangu niig nganĩĩt ngaaoni. Nẽẽthĩ, thooꞌthioha baag haduhaaka naag ĩnõõnnõ vẽlẽk hĩnĩngĩtĩ ngagiita, iita ẽdẽẽnyta ĩĩtõ dĩdĩ nẽ ikia edeeꞌnyia ꞌrianĩĩthĩ cĩnaang buúk hĩ Tiito ĩĩ dĩdĩ.

2 Korinthia 7:4

Haꞌnyahi naa lemiinit hĩ ngagiit ꞌthĩnĩtaa caannĩ dĩdĩ. Hirriannuung naa ngagiit gẽrrẽẽt buúk nẽ nga õkõmĩ ꞌthĩnĩt caannĩ gẽrrẽẽt. Tananga nga haꞌnyahi pĩĩrnanĩt, aalla haccamanoothihi naa gẽrrẽẽt noho.

2 Korinthia 7:6

Nẽẽthĩ, Nyekuc ꞌcĩ amammaayan eet ꞌcĩg ahayũngattĩ ꞌthinneeti, amammaayanneet ngagĩĩt ngaatĩ ĩꞌthõõakeet Tiito.

ꞌGalaaꞌthia 6:4

Dticcian dtiic cunni jurrung, nẽẽthĩ hatĩ irrianu. Nẽ ma hĩthakꞌtheehi ẽlẽ cunni hĩ cĩ ꞌgoonogu ũgĩ.

Pilippi 3:1

ꞌGotoonoga hĩ ngoonoga, thõõthaa ꞌcĩ adtuurna vẽlẽk, accamattoothĩk, hĩnĩngĩtĩ iittu niig eet cĩg Makayyiooktak. Hõllõngaa hahari naa ngaatĩ hẽhẽẽdakuung ngagiit thõõth baa ĩĩcĩ oou tarĩ nẽ dĩdĩ, hẽhẽẽdakuung hĩnĩngĩtĩ bũnnai cunuung.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Pilippi 4:10

Aaꞌnya nganĩĩt Makayyioohiti haccamanoothĩk gẽrrẽẽt, hĩnĩngĩtĩ eelliaangu aattĩ niig nganĩĩta. Nẽ dĩdĩ, baa gõõng ammukaangu niig nganĩĩt hõdõõkõthĩ, nẽẽthĩ, baa aitiõõ ꞌgõõl ꞌcĩ occa ẽtẽrꞌthaannu tõõ.

Pilippi 4:4

Accamattoothĩk hõdõõkõthĩ, hĩnĩngĩtĩ Makayyioohit! Hõbõdẽẽkĩ tarĩ haini, accamattoothĩk.