Pilippi 1:25 - ꞌBuuk cĩ Thõõth cĩ Nyekuci

²⁵ Hĩnĩngĩtĩ hagawa thõõth icci, haga naa haini haalla hatĩ harugi nẽ harũmĩ hatĩ hĩ ngagiit vẽlẽk, hátĩ heeluung ngagiit ĩtĩlĩthĩt nẽ accamattoothihu, hĩnĩngĩtĩ lemiinit cunuung,

Pilippi 1:25 ပူးပေါင်းရင်းမြစ်များ

ꞌLuuka 22:32

Nẽẽthĩ, halaooyyi naa nganiita ꞌThimõõnẽ, hátĩ hõkõm lemiiniti cunnẽẽnĩ. Nẽ ma õbõda hĩ nganĩĩta, ẽẽl ꞌgotoonogu buúk.”

Dtiicanĩ cĩg ꞌThooyyiahu 11:23

Ma baa õdõlan Baarnaba nẽ ikia udtuuha bũnnai ꞌcĩ adĩman Nyekuci ho, accamanoothĩk nẽ irrioonĩk ĩhõõggõ haallattia hĩĩtõ lemmiook dĩdĩ cĩg Makayyiooktak ꞌthinneetinii cĩggĩĩng vẽlẽk.

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

Dtiicanĩ cĩg ꞌThooyyiahu 20:25

“Nẽẽthĩ ꞌyioko, haga naa iittiõõ hatĩ hõrggẽẽnaa cunuung eeta baag hallimani naa habuccieet cĩ Nyekuci, hõllõngaa hatĩ acĩnna nganĩĩt tarĩ.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 15:18

Nẽ dĩdĩ thõõth ꞌcĩ hatĩ hothoothi naa vẽlẽk, hothoothi ꞌgõõlaa ꞌcĩ aaꞌnya Krĩstõ hõthõõth nẽ hidticanõõĩ, hátĩ hĩthĩhĩt eeta ꞌcĩg hõllõngaa ĩĩn ꞌJudeei Nyekuc.

ꞌRooma 15:29

Haga naa haini, ma hikia hĩ ngagiita, haꞌnyaha hatĩ ꞌgattan cobbi gẽrrẽẽt cĩ Yeesu Krĩstõ.

ꞌRooma 5:2

nẽ hĩnĩngĩtĩ leminit cĩnaac, ikia aaꞌnyeet Krĩstõ ngagĩĩt eliinit cĩ Nyekuci ꞌcĩ hõllõngaa occa hammũda, ngaatĩ haattiyyi naag ꞌyioko ho. Nẽ haccamattoothĩk ngaatĩ hatĩ hõthõlĩ bulẽẽnĩt cĩ Nyekuci.

2 Korinthia 1:24

Nẽ hõllõngaa hĩĩgĩnna makayyiook cĩg hattĩnganeekuung ngagiit ꞌgii ꞌcĩ occa elemmu. Hadticanni naag hĩ ngagiit hõdẽĩ, hĩnĩngĩtĩ taliinit cunuung, hátĩ iita okomit niig lemiittaa cunuung.

Pilippi 1:24

Nẽẽthĩ, mẽẽn ngaatĩ haalla harũgnĩ, hátĩ heeluung ngagiita.

Pilippi 2:24

Nẽ haga naa dĩdĩ haini, ẽlẽmaaka hatĩ Makayyioohiti nganĩĩt buúk hikia hĩdĩĩkoothong.

Vilõmẽẽnõ 1:22

Kũmaneeka ꞌcieeth umwa hikia haavvi. Haꞌnyahi muhẽẽnĩt ꞌcĩ abũnnaa haini, ẽdẽcĩ hatĩ Nyekuci laiinit cunni nẽ aaꞌnya hikia hicinii hĩdĩĩkoothong.

1 Pẽẽtũrũ 1:8

Ammĩnannu niig Yeesu tananga nga ĩcĩnĩt ĩnõõnnõ. Tananga hõllõngaa acinnu ĩnõõnnõ ꞌyioko, elemmu niig ĩnõõnnõ nẽ accamattoothihu taliittaa ꞌcĩ aꞌnyak bulẽẽnĩt ꞌcĩ hõllõngaa athithanni.