Pilippi 1:23 - ꞌBuuk cĩ Thõõth cĩ Nyekuci

²³ Ẽꞌngẽrra nganĩĩt thooꞌthioha ꞌcĩg ĩĩn ꞌramma ho hõrggẽẽna. Habũraneehi ngaatĩ hammũdõõthĩkĩĩ Krĩstõ, thõõth ꞌcĩ occa abũnnaa gẽrrẽẽt hĩ nganĩĩt niccia.

Pilippi 1:23 ပူးပေါင်းရင်းမြစ်များ

ꞌLuuka 12:50

Nẽẽthĩ, haꞌnyahi baattithimo cĩ ꞌtĩmmaanõ ꞌcĩ nga aayyiaa ĩĩcĩ oou, ꞌcĩ hatĩ haccananiini gẽrrẽẽt, ĩꞌthõng hikia hedeccia!

ꞌLuuka 23:43

Nẽ ẽdẽc Yeesu ĩnõõnnõ ĩĩnnĩk, “Haduhaakii dĩdĩ, harũmĩ hatĩ naag hĩ nganiit kõr nicci paradiiꞌthõ.”

ꞌLuuka 8:38

Baa ala ẽẽtĩ ꞌcĩ adukna loriẽẽta ꞌcĩg abathĩ ho Yeesu hookorit hõdẽĩ, nẽẽthĩ hinnia, baa aduhaak Yeesu ĩnõõnnõ anneek,

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Yõaannẽ 13:1

Ma õõa cĩ Karrama cĩ Kõr cĩ Haangittõõ, baa aga Yeesu ngaatĩ ũttũbanõõthĩhĩ kõrra ꞌcĩ occa ũũnnĩkĩ nẽẽ looc nicci nẽ õbõdõõthĩ hĩ Maaꞌnyĩ. Baa ammĩnan nẽẽ nuyyiook cĩgĩnnĩg ꞌcĩg aattĩg loota nĩnga gẽrrẽẽt, ĩꞌthõng hadaak nẽẽnĩ.

Yõaannẽ 14:3

Nẽ má hũũk hũkũmaneeha nĩngĩtĩ cunuung ko, hõbõda hatĩ nẽ hikia huukuung hõõt hũrũmtĩ hõdẽĩ nẽ aauttu niig buúk ngaatĩ haayyi naana.

Yõaannẽ 17:24

“Baaba, hadiimi naa eet vẽlẽk baag aaꞌnyaa nii hũrũmteea hĩ nganĩĩt ngaatĩ haayyi naana, hátĩ hĩcĩnĩt nẽẽg bulẽẽnĩt caannĩ, bulẽẽnĩt baa aaꞌnyaa nii nganĩĩta, hĩnĩngĩtĩ ammĩnannaa nii nganĩĩt baa nga heteheꞌnyiaa lõõcĩ.

Dtiicanĩ cĩg ꞌThooyyiahu 7:59

Ma baa nga õhõda nẽẽg Tẽẽvẽnõ, alayyi hinnia Tẽẽvẽnõ aĩ, “Makayyioohit Yeesu, bĩtĩ lori caannĩ.”

2 Korinthia 5:8

Haaut hokomit, hĩnĩngĩtĩ mẽẽn ngaatĩ hadaaknĩ loota nĩnga nẽ hõõt õlõ hẽẽtahujjieen hũrũmtĩ hĩ Makayyioohit.

2 Korinthia 6:12

Hõllõngaa hĩcaaccuung naag ngagiit mĩnnan cĩnaang nẽ ngagiit dioo ꞌcĩg ĩcaacceetu ngagĩĩt mĩnnan cunuung.

Pilippi 1:24

Nẽẽthĩ, mẽẽn ngaatĩ haalla harũgnĩ, hátĩ heeluung ngagiita.

1 Tẽꞌthaloonika 2:1

ꞌGotoonoga hĩ ngoonoga, baa agayyu niig aĩ, baa hõllõngaa hẽhẽẽrõnaakuung naag ngagiit haaga.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

1 Tẽꞌthaloonika 4:17

Nẽẽthĩ hatĩ naag eeta ꞌcĩg nga harũgĩ kõr niccia, hũrũmtoothĩk hĩ eet ꞌcĩg arũgna ho nẽ hõõt hommottio hĩ Makayyioohit diitha hẽẽtahujjieen. Nẽẽthĩ hatĩ kõr niccia, hõõt hũrũmtĩ naag hĩ Makayyioohit ooo.

2 Timotteeo 4:6

Nẽẽthĩ ꞌyioko, aau nganĩĩt rũgẽtĩ caannĩ hĩ mẽrta ꞌcĩ aanytĩhoothĩk Nyekuc ẽlẽk nẽ hoti buúk, õbõhĩ kõrra ꞌcĩ hadaaknĩ naana.

Terethiinit 14:13

Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”