Pilippi 1:22 - ꞌBuuk cĩ Thõõth cĩ Nyekuci

²² Nẽẽthĩ, má haalla harugi naa ẽllaa, occa hatĩ hadticani dtiicanĩ ꞌcĩg abũnnaa. Nẽẽthĩ, hõllõngaa haga iina ꞌcĩ occa hẽbẽra.

Pilippi 1:22 ပူးပေါင်းရင်းမြစ်များ

ꞌThianaattõ 21:26

Ẽdẽcĩ hinnia Abimẽlẽhĩ anneek, “Nga hĩthĩk thõõth nicciaa, nganĩ occa baa ꞌcĩ adĩman thõõth ꞌcĩ aaĩ hoti ho? Nẽ nga duhaahaanĩ, kõr ꞌyioko hinnia ꞌcĩ hathĩknĩ naa cieeni.”

ꞌThianaattõ 39:8

Abũrĩ hinnia Yothebo thõõth nicci nĩngĩtĩ ẽdẽcĩ ngaa nicci annẽẽkĩ, “Hattiha occa gõõng ꞌthĩnĩt ꞌcĩ occa hadĩmanĩĩ thõõth ꞌcĩ aaĩ noho ho ngaana?

Dtiicanĩ cĩg ꞌThooyyiahu 3:17

“ꞌGotoonoga hĩ ngoonoga, hammuhi occa erekuung ngagiit ꞌgii baa adticannu hĩ baa makayyiooha cugguung.

ꞌRooma 1:13

ꞌGotoonoga hĩ ngoonoga, hõllõngaa hadiimmuung naa ngagiit herehuung ngaatĩ hammuhi naa tabattĩ mẽẽlĩg hikia hicinuung ngagiita, nẽẽthĩ hinnia, hũlũhoothĩha hĩĩ noho, hátĩ hũlũllũũmana eet hõrggẽẽnaa cunuung helemit Nyekuc, hĩ baa hadĩmani eetinii ꞌcĩg hõllõngaa ĩĩn ꞌJudeei.

ꞌRooma 11:2

Baa hõllõngaa abũrĩ Nyekuci, eet cĩgĩnnĩg baag ẽbẽra nẽẽ ĩĩcĩ oou. Hõllõngaa nooyyia agayyu niig thõõth baa aduha ꞌBuuhi cĩ Nyekuci aĩ, baa ĩĩlaleek põrõvẽtaacĩ Eliijja Nyekuc hĩnĩngĩtĩ eet cĩg Ĩꞌthĩraẽlĩ baa anneek,

2 Korinthia 10:3

Tananga nga haattĩg naag loota nĩnga, hõllõngaa hadtican hẽlẽggĩ ꞌcĩg adtican eeta cĩg looc nicci,

ꞌGalaaꞌthia 2:20

Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.

Pilippi 1:23

Ẽꞌngẽrra nganĩĩt thooꞌthioha ꞌcĩg ĩĩn ꞌramma ho hõrggẽẽna. Habũraneehi ngaatĩ hammũdõõthĩkĩĩ Krĩstõ, thõõth ꞌcĩ occa abũnnaa gẽrrẽẽt hĩ nganĩĩt niccia.

Pilippi 1:24

Nẽẽthĩ, mẽẽn ngaatĩ haalla harũgnĩ, hátĩ heeluung ngagiita.

Kolooꞌthe 2:1

Hadiimmuung naa ngagiit agaac ngaatĩ hadticaniini naa gẽrrẽẽt, hĩnĩngĩtĩ ngagiit hĩ eet ꞌcĩg aattĩg ꞌtaaũnaa cĩ Laodicea hĩ ꞌcĩg nga homottiooa hĩ nganĩĩt vẽlẽk.

1 Pẽẽtũrũ 4:2

Ẽtẽrꞌtha thõõth ciee aĩ ũtũngteehu niig hẽlẽggĩ ꞌcĩg ĩĩdĩ ꞌthinneeti cugguung nẽ idiimtu ithiktu thõõth cĩ Nyekuci rũgẽtaa cunuung vẽlẽk.