Pilippi 1:20 - ꞌBuuk cĩ Thõõth cĩ Nyekuci

²⁰ Hammuhuneehi naa haini, hõllõngaa hatĩ haꞌngaoni ũdũt, nẽẽthĩ, aalla hatĩ õkõmĩ nganĩĩt ꞌthĩnĩt, hĩnĩngĩtĩ Krĩstõ, haau hĩ gõõng hõdõõkõthĩ. Nẽ haga naa haini, aꞌnyahaak hatĩ rũgẽtĩ caannĩ Krĩstõ bulẽẽnĩt, tananga harugi hode hadaahi.

Pilippi 1:20 ပူးပေါင်းရင်းမြစ်များ

Yõaannẽ 21:19

Baa aduha Yeesu thõõth icci, hátĩ hẽtẽrẽtha ꞌgõõl ꞌcĩ hatĩ adaaknĩ Pẽẽtũrũ haꞌnyahaak Nyekuc bulẽẽnĩt. Nĩngĩtĩ annẽẽkĩ ĩnõõnnõ, “Nũaanĩ!”

Dtiicanĩ cĩg ꞌThooyyiahu 20:24

Nẽẽthĩ, hõllõngaa haallahi naa rũgẽt caannĩ hatĩ nẽẽ hẽdẽcaaha dtiic baa aaꞌnya Makayyioohiti Yeesu ho. Nẽ dtiici niccia, ĩĩn dtiic ꞌcĩ haduhaanĩ nyeemuut ꞌcĩ abũnnaa cĩ bũnnai cĩ Nyekuci.

Dtiicanĩ cĩg ꞌThooyyiahu 21:13

Anneekeet hinnia Paaulo nẽẽ, “Inni urruuyyio ĩꞌthõng uduullaangu ꞌthĩnĩt caannĩ ho? Helemi naa ngaatĩ hecebiini baabuutha nẽ hadaaha, hĩnĩngĩtĩ ꞌthaar cĩg Makayyioohit Yeesu. Hẽlẽma naa ngaatĩ hadaaknĩ, hĩnĩngĩtĩ Yeesu ꞌJeruꞌthalẽma!”

Dtiicanĩ cĩg ꞌThooyyiahu 4:31

Ma baa alayyio lemmiooha ẽlẽk, ikia õtõmõ nĩngĩtĩ alaiini nẽẽg ko. Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ, nĩngĩtĩ arrĩcanaanĩ nẽẽg ngaatĩ irriõõnĩ nyeemuut cĩ Nyekuci ꞌtirriaana.

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 5:5

Nẽ hõllõngaa adĩmanneet muhẽẽnĩtĩ ꞌcĩ abũnnaa ho ngagĩĩt ꞌbuth, hĩnĩngĩtĩ aarĩk Nyekuci mĩnnan cĩnnĩ ꞌthinneetinitõõ cĩggaac Loriiaa ꞌcĩ Ẽllẽẽmĩthĩ, ĩĩ baa aaꞌnyeet nẽẽ ngagĩĩta.

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 6:19

Hothoothi naa hoti, hĩnĩngĩtĩ hõllõngaa attirannu niiga. Hĩ baa gõõng aalla aaꞌnyiku eleeti cugguung hĩĩtõ appahacaaꞌnya cĩg thooꞌthiok ꞌcĩg ĩĩn ꞌriiring hĩ ꞌcĩg abathĩ, nẽẽthĩ ꞌyioko, aanytĩk ĩhõõggõ hĩĩtõ appahacaaꞌnya cĩg thõõth ꞌcĩ abũnnaa ꞌcĩ okooyyuung thõõthaa ꞌcĩ ẽllẽẽmĩthĩ.

ꞌRooma 8:19

Abũraneek hẽlẽggĩ vẽlẽk baag ẽhẽnyta Nyekuci kõr ꞌcĩ hatĩ ẽbẽraanĩ Nyekuci eet cĩgĩnnĩg.

ꞌRooma 9:33

Hĩcĩ eheeddi ꞌBuuhaa cĩ Nyekuci aĩ, “Ĩcĩnĩt nõõ, haarĩha naa ꞌtaaũnaa cĩ ꞌThionĩ, bẽẽ ꞌcĩ adaaca eet hetteedito looc. Nẽ ẽẽtĩ ꞌcĩ aꞌnyak lemiinit hĩ ĩnõõnnõ, hõllõngaa hatĩ aggam ĩnõõnnõ ngaaoni ũdũt.”

1 Korinthia 15:31

Nẽ inni hommottiooa naa hĩ daahĩth hõdõõkõthĩ ho? ꞌRianĩĩth ꞌcĩ haꞌnyahi naa hĩ ngagiit, hĩnĩngĩtĩ Yeesu Krĩstõ Makayyioohit cĩnaac, ꞌcĩ aaꞌnya nganĩĩt huduha thõõth icci ho.

1 Korinthia 6:20

baa uuttiannu niig thõng. Nẽẽthĩ hoti ho, itingolli Nyekuc eleetinii cugguung.

1 Korinthia 7:34

nẽ eꞌngerri thooꞌthioha ꞌcĩg adiim nẽẽnĩ. Arrĩcana loholeec ꞌcĩ ngayyi ꞌcĩ nga hũꞌthũwanĩ, thooꞌthiok cĩg Makayyiooktak. Aaĩ muhẽẽnĩtĩ cĩnnĩ cĩ ello hĩ cĩ loriio vẽlẽk hĩ Makayyioohit. Nẽẽthĩ hinnianĩ, arrĩcana ngaa ꞌcĩ ũꞌthũwanĩ thooꞌthiok cĩg looc nicci, hĩ ꞌgõõl ꞌcĩ occa aaꞌnyĩkĩ nẽẽ maac cĩnnĩ haccamanoothĩk.

2 Korinthia 10:8

Hirriana mõnõ naa gẽrrẽẽt, hĩnĩngĩtĩ makaaꞌthĩt baa aaꞌnya nganĩĩt Makayyioohiti, hátĩ heelluung ngagiit lemiittaa cunuung ko thõng nẽ hõllõngaa haini, hátĩ hĩdĩmanuung ngagiit ꞌbuth. Occa hatĩ hõllõngaa haꞌngaaoni naa ngaatĩ hirrianĩ.

2 Korinthia 3:12

Hĩcĩ haꞌnyak naag muhẽẽnĩt icci dĩdĩ, occa hõllõngaa hiꞌngolli naag ngaatĩ hadticanĩ thõõth cĩ Nyekuci.

2 Korinthia 4:10

Haꞌnyak naag hõdõõkõthĩ daahĩth cĩ Yeesu eleetinii cĩggaac, hátĩ hedeeꞌnyia rũgẽtĩ cĩnnĩ eleetinii cĩggaac.

2 Korinthia 5:15

Nẽ baa adaahĩ Krĩstõ, hĩnĩngĩtĩ eet vẽlẽk, hátĩ hiittiõõ eeta ꞌcĩg arũgĩ hõllõngaa arũgĩ, hĩnĩngĩtĩ eleeti cĩggĩĩng diooni. Abũnnaa arũgĩ nẽẽg, hátĩ haccamattoothĩk hĩ Krĩstõ baa adaahĩ nẽ ũrũga tarĩ, hĩnĩngĩtĩ ĩhõõggõ.

2 Korinthia 7:14

Baa hirriannuung naa ngagiit hĩ ĩnõõnnõ, tananga baa hõllõngaa aaꞌnyaangu niig nganĩĩt ngaaoni. Nẽẽthĩ, thooꞌthioha baag haduhaaka naag ĩnõõnnõ vẽlẽk hĩnĩngĩtĩ ngagiita, iita ẽdẽẽnyta ĩĩtõ dĩdĩ nẽ ikia edeeꞌnyia ꞌrianĩĩthĩ cĩnaang buúk hĩ Tiito ĩĩ dĩdĩ.

2 Korinthia 7:4

Haꞌnyahi naa lemiinit hĩ ngagiit ꞌthĩnĩtaa caannĩ dĩdĩ. Hirriannuung naa ngagiit gẽrrẽẽt buúk nẽ nga õkõmĩ ꞌthĩnĩt caannĩ gẽrrẽẽt. Tananga nga haꞌnyahi pĩĩrnanĩt, aalla haccamanoothihi naa gẽrrẽẽt noho.

Pilippi 1:14

Nẽẽthĩ ꞌyioko, hĩnĩngĩtĩ hecebbi naa baabuutha, iita okomit nuyyiook cĩg Makayyiooktak ꞌthinneeti nẽ ĩꞌthĩlanit ngaatĩ irriõõnĩ nyeemuut cĩ Nyekuci.

Pilippi 2:17

Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita.

Kolooꞌthe 1:24

Haccamanoothihi naa hatĩ haccanannii hĩnĩngĩtĩ ngagiit ẽllaa caannĩ, hĩnĩngĩtĩ hõthõlla naag hĩ Krĩstõ ꞌcannan cĩnnĩ ꞌcĩ aalla, hĩnĩngĩtĩ ẽlẽ cĩnnĩ ꞌcĩ ĩĩn lothippit cĩ lemmioohu.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

1 Pẽẽtũrũ 4:16

Nẽẽthĩ, aitiõõ hõllõngaa ĩĩn ngaaoni hatĩ accananiinnu niig, hĩnĩngĩtĩ iiginnu Kristiaanĩta. Ĩdĩhĩthĩt Nyekuc, hĩnĩngĩtĩ iiginnu eet cĩgĩnnĩg.

1 Yõaannẽ 2:28

Niig lohollia, aallattia ũrũmtĩ hĩ Krĩstõ ꞌthinneetinitõõ cugguung. Nẽ ma õbõda nẽẽnĩ, õkõmĩ hatĩ ꞌthinneeti cugguung nẽ iittiõõ thõõth ꞌcĩ aguꞌtheennu ngaaoniitta tõõ.