Pilippi 1:19 - ꞌBuuk cĩ Thõõth cĩ Nyekuci

¹⁹ hĩnĩngĩtĩ haga naa laiittaa cunuung hĩ eliinit ꞌcĩ aku hĩ Lori cĩ Yeesu Krĩstõ, ꞌgii baa adĩmanoothĩkaa nganĩĩta, aku hatĩ ũũkcĩ hĩĩ thõõth ꞌcĩ heellianĩĩ naana.

Pilippi 1:19 ပူးပေါင်းရင်းမြစ်များ

Dtiicanĩ cĩg ꞌThooyyiahu 16:7

Ma baa ma õdõlan nẽẽg lõkõõrĩ cĩ looc cĩ Miꞌthia ho, iita idiimito nẽẽg edeccieek ĩcĩ looc cĩ Bithinia. Baa hinnia hõllõngaa ẽlẽmaakĩ Lorii cĩ Yeesu ĩhõõggõ hõõt.

ꞌRooma 8:28

Nẽ haga naag buúk haĩ hẽlẽggẽẽnnĩ vẽlẽk, adtican Nyekuci ꞌgii ꞌcĩ abũnnaa, hĩnĩngĩtĩ eet ꞌcĩg ammĩnan ĩnõõnnõ, baag avvaa tabiittaa cĩnnĩ.

ꞌRooma 8:9

Nẽẽthĩ, ꞌgõõlaa umwaanĩ, iittiõõ niig hõllõngaa aggammuung ꞌthẽccanẽẽta cugguung, nẽẽthĩ hinnia, aggammuung ngagiit Lorii, hatĩ aaĩ Lorii cĩ Nyekuci hĩ ngagiita. Nẽ má hõllõngaa aꞌnyak ẽẽtĩ umwaa Lori cĩ Krĩstõ, aitiõõ nẽẽ hõllõngaa ĩĩn eet cĩ Krĩstõ.

1 Korinthia 4:17

Hĩnĩngĩtĩ thõõth icci, hĩꞌthõõakuung naa ngagiit Timotteeo, loholeec caannĩ ꞌcĩ hammĩna nẽ aꞌthũũnnĩ thõõth cĩ Makayyiookto. Ammuhaakuung hatĩ nẽẽ ngagiit authet caannĩ ꞌcĩ hanũĩ Yeesu Krĩstõ ꞌcĩ aduhõõ hĩ thõõth ꞌcĩ hallimanĩĩ naa lothippit cĩ lemmioohu ꞌtaaũnnioohĩ vẽlẽk ĩĩcĩg hõkõõĩ naana.

2 Korinthia 1:11

Nẽ hĩcĩ eellieetu niig ngagĩĩt laiittaa cunuung ko, mẽẽlĩg hatĩ eeta buúk ꞌcĩg anneek Nyekuc ĩlaallẽ, hĩnĩngĩtĩ ẽdẽcĩ Nyekuci laiinit cunuung hĩnĩngĩtĩ ngagĩĩta.

ꞌGalaaꞌthia 3:5

Aaꞌnyuung ngagiit Nyekuci Lori ꞌcĩ Ẽllẽẽmĩth nẽ idtican thooꞌthiok ꞌcĩg ĩnaattu niiga. Adtican nẽẽ thooꞌthiok iccig, hĩnĩngĩtĩ anuyyu niig nyattal cĩ ꞌJudeei hode, hĩnĩngĩtĩ ĩthĩktu niig nẽ elemtu Yeesu Krĩstõ?

ꞌGalaaꞌthia 4:6

Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”

Pilippi 1:18

Nẽẽthĩ, ne ꞌcĩ abathĩ hatĩ irrioon eeta nyeemuut cĩ Krĩstõ? Thõõth ꞌcĩ aaddi dioo, ꞌcĩ illimanõõĩ thõõth cĩ Krĩstõ ꞌgoolliohĩ vẽlẽk, tananga muhẽẽttaa ꞌcĩ abũnnaa hode ĩcĩ abathĩ. Nẽ hĩnĩngĩtĩ thõõth cĩ ꞌlimman icci, haccamanoothĩha naana. Eei, haalla hatĩ naa haccamanoothihi,

1 Pẽẽtũrũ 1:11

Baa aaĩ Lorii cĩ Krĩstõ eleetinii cĩggĩĩng, ꞌcĩ baa aduhaak ĩhõõggõ ꞌgõõl ꞌcĩ hatĩ accananiini Krĩstõ nẽ aaꞌnyĩhoothĩk bulẽẽnĩtĩ cobbiẽẽnĩ. Nẽ baa adiim nẽẽg aga eet occa hatĩ iina ꞌcĩ aku ĩĩn Krĩstõ ho nẽ aku occa hatĩ nẽẽ hatĩngaan.