Pilippi 1:12 - ꞌBuuk cĩ Thõõth cĩ Nyekuci

¹² Nẽẽthĩ ꞌyioko, ꞌgotoonoga hĩ ngoonoga, hadiimmuung naa ngagiit agaac ngaatĩ ẽẽlĩ pĩĩrnanĩtĩ baa adhukiaaka nganĩĩt ngaati nyeemuut ꞌcĩ abũnnaa hĩꞌthanothoothĩk looc.

Pilippi 1:12 ပူးပေါင်းရင်းမြစ်များ

Luugithõõ 18:11

Nẽẽthĩ ꞌyioko, hagawa aattĩ naa ngaatĩ ĩllõõanĩ Makayyioohiti nyekuꞌnya ũgĩ, hĩnĩngĩtĩ baa adĩmaneek nẽẽ thooꞌthiok iccig eet ꞌcĩg arratan eet cĩg Ĩꞌthĩraẽlĩ.”

ꞌLuuka 21:13

Aku hatĩ ĩĩn thõõth ciee terethiinit ꞌcĩ eterꞌtheeku niig ĩhõõggõ lemiinit cunuung.

Dtiicanĩ cĩg ꞌThooyyiahu 8:4

Õõt illimanit nuyyiooha cĩg Makayyioohit Yeesu, ꞌcĩg baag ĩꞌthaattĩ tahatak, nyeemuut ꞌcĩ abũnnaa ꞌgoolliohĩĩ ꞌcĩg baag õõĩ nẽẽgĩ.

ꞌRooma 8:28

Nẽ haga naag buúk haĩ hẽlẽggẽẽnnĩ vẽlẽk, adtican Nyekuci ꞌgii ꞌcĩ abũnnaa, hĩnĩngĩtĩ eet ꞌcĩg ammĩnan ĩnõõnnõ, baag avvaa tabiittaa cĩnnĩ.

ꞌRooma 8:37

Hẽlẽggẽẽnnĩĩ cĩg vẽlẽk, hĩllõõanito naag, hĩnĩngĩtĩ Krĩstõ ꞌcĩ ammĩnanneet ngagĩĩta.

Pilippi 1:5

hĩnĩngĩtĩ gõõng otholeekaangu niig nganĩĩt ngaatĩ hallimanẽẽkĩ eet nyeemuut ꞌcĩ abũnnaa cĩ Krĩstõ, nganĩngĩ baa athiknu ĩĩcĩ oou ĩꞌthõng hĩĩ noho.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Pilippi 2:22

Nẽẽthĩ, agayyu niig ĩĩn Timotteeo eet ꞌcĩ aaĩ hutuno. Hidticattooa naag hĩ ĩnõõnnõ hĩ loholeec caannẽẽnĩ, ngaatĩ hĩꞌthaanĩka nyeemuut ꞌcĩ abũnnaa eet.

Pilippi 4:15

ꞌGotoonoga hĩ ngoonoga cĩg Pilippi, ammuhooꞌthu niig aaĩ baa hutuno baa hiꞌthianaanĩ naa ngaatĩ hirrioonĩ nyeemuut ꞌcĩ abũnnaa looccaa cĩ Maccedoonia. Ma baa hĩtĩngaawa nĩngaata, baa lothippit cunuung cĩ lemmioohu dioo baa ẽẽllaangu nganĩĩta.

Pilippi 4:3

Nẽ nii ꞌgõõna cĩ ꞌthĩnĩtõ ꞌcĩ hadticanni hõdẽĩ ho, halayyii ẽẽl ngaaĩ nicciaag ĩĩn ꞌramma hataa. Baa hadticaniinna hõdẽĩ hĩ ĩhõõggõ ngaatĩ hallimanna nyeemuut ꞌcĩ abũnnaa. Baa adticanni nẽẽg hõdẽĩ hĩ Kelementiino hĩ dticcianniook ũgĩ cĩgannĩg, ꞌcĩg eteheeddi ꞌthaarrioha cĩggĩĩng ꞌbuuhaa cĩ rũgẽtõ.

1 Timotteeo 2:8

Hadiimi naa eet ꞌcĩg maacĩg loonyini vẽlẽk, halayyio hodongit athĩn cĩggĩĩng ꞌcĩg ẽllẽẽmĩth ꞌjieena, hiittiõõ liilii hode pẽkanĩ tõõ.

2 Timotteeo 2:9

ꞌcĩ happĩĩrnanĩĩ ngaatĩ hecebiini baabuutha hĩ ꞌthẽccannioohiti. Nẽ occa hõllõngaa ecebbi thõõth cĩ Nyekuci baabuutha.

2 Timotteeo 4:17

Nẽẽthĩ, baa Makayyioohit dioo ꞌcĩ abĩlĩ dhoortaa caannĩ nẽ aaꞌnya ꞌtirrian, hátĩ hillimaneek eet nyeemuut cĩ Nyekuci nẽ ĩthĩhĩt eeta ꞌcĩg hõllõngaa ĩĩn ꞌJudeei vẽlẽk, hĩnĩngĩtĩ nganĩĩta nẽ heellia ũtũũgaa cĩ ꞌmaaõ.