Pilippi 1:11 - ꞌBuuk cĩ Thõõth cĩ Nyekuci

¹¹ Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Pilippi 1:11 ပူးပေါင်းရင်းမြစ်များ

Maatteeo 5:16

Nẽ ꞌgõõla hõdẽẽthõng, aꞌnyĩĩk thooꞌthiok ꞌcĩg abũnnaa ꞌcĩg adĩmani nii hatalanyit hudtuukta eeta vẽlẽk, hatĩ hĩdĩhĩthĩt eeta Maaꞌnyu cĩ hẽẽtkujjieen.”

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 15:2

Eꞌngeddeek nẽẽ taba ꞌcĩg uwwatan ẽllaa caannĩ tuu nẽ ũkũman taba ꞌcĩg õddõngõt, hátĩ hoddongotit jurrung.

Yõaannẽ 15:8

Ĩĩn thõõth ciee bulẽẽnĩt hĩ Baaba ngaatĩ hatĩ oddongottu jurrung nẽ etereꞌthiaau eleeti cugguung, ngaatĩ iiginnu nuyyiook cĩgannĩg.

ꞌRooma 15:28

Nẽ ma hẽdẽcaaha dtiic icci nẽ hagawa ngaatĩ ummuddiaaĩ nẽẽg eliinit icci dĩdĩ, heheeroni hatĩ hõkõ looccaa cĩ Thĩppania nẽ hikia hothohoteehuung hicinuung ngagiit ꞌgõõla.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

1 Korinthia 10:31

Nẽẽthĩ hoti ho, má aduheennu nẽ uhuddieeu hode adĩmannu hẽlẽggĩ ꞌcĩg adiimmu niiga, ĩdĩmanit ĩhõõggõ vẽlẽk hĩĩtõ bulẽẽnĩt cĩ Nyekuci.

2 Korinthia 9:10

Nyekuc ꞌcĩ aaꞌnyĩk kattiook hinyomo hathacit nẽ aaꞌnyĩk ꞌgẽẽn buúk. Ĩttõõr hatĩ nẽẽ ꞌgii vẽlẽk ꞌcĩ aꞌnyaku niiga, hatĩ ĩttoorru niig buúk ꞌbaaninit ꞌcĩ aaꞌnyiku ꞌgoonogu ꞌcĩg appĩĩrna.

Eevvetho 1:12

Baa adĩman nẽẽ hoti, hátĩ hidihiꞌthia naag ꞌJudeei ĩnõõnnõ, hitimatta ngaatĩ haꞌnyaka muhẽẽnĩt ꞌcĩ abũnnaa hĩ Krĩstõ.

Eevvetho 1:14

Aaꞌnyeet Lorii ꞌcĩ Ẽllẽẽmĩth ngagĩĩt buúk hagaac hĩĩtõ, hammũda hatĩ naag thooꞌthiok vẽlẽk ꞌcĩg itiangꞌtheek Nyekuci eet cĩgĩnnĩg. Nẽẽthĩ hatĩ heellia naaga, hátĩ hĩdĩhĩthĩ Nyekuci, hĩnĩngĩtĩ bulẽẽnĩt cĩnnĩ.

Eevvetho 2:10

Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Eevvetho 5:9

hĩnĩngĩtĩ aꞌnyaha lanyit ciee aaĩ hĩ ngagiit ko, thõõth ꞌcĩ abũnnaa hĩ ꞌcĩ aũlanĩ hĩ ꞌcĩ ĩĩn dĩdĩ diooni.

Pilippi 4:17

Hothoothi naa hoti hõllõngaa, hĩnĩngĩtĩ hadiimi ꞌbaaninit umwa hĩ ngagiita, nẽẽthĩ, hadiimmuung naa ngagiit ummuddia dũman cĩ tarbalꞌthẽẽt cunuung.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 1:6

ĩꞌthanothoothĩk nyeemuut ciee loonyin vẽlẽk ꞌgõõlaa ꞌcĩ abũnnaa gẽrrẽẽt. Nẽ ikia ĩtĩlĩth ꞌgõõla hõdẽẽthõng hõrggẽẽnaa cunuung, nganĩngĩtĩ kõr baa athiknu niig thõõth ꞌcĩ ĩĩn dĩdĩ cĩ tarbalꞌthẽẽt cĩ Nyekuci, thooꞌthiohĩ vẽlẽk ĩcĩg ĩĩn dĩdĩ.

2 Tẽꞌthaloonika 1:12

Halaiinna naag haĩnna aꞌnyĩĩk ꞌthaar cĩg Makayyioohit Yeesu hubuluꞌthi hĩ ngagiita nẽ aꞌnyaktaau niig buúk bulẽẽnĩt cunuung hĩ ĩnõõnnõ, hĩnĩngĩtĩ tarbalꞌthẽẽt cĩ Nyekuci, hĩ cĩ Makayyioohit cĩnaac Yeesu Krĩstõ.

Tiito 3:14

Abũnnaa adticanni eeta cĩggaac jurrung, hátĩ haꞌnyahit hẽlẽggĩ vẽlẽk ꞌcĩg adiim nẽẽgĩ, hĩnĩngĩtĩ abathĩ ngaatĩ ĩĩnĩ nẽẽg nyamuttiook.

Ebereei 12:11

Ahuci hõdõõkõthĩ hatĩ nga ilootteet eeta thõng. Má hillimanit ngaatĩ hathĩknĩ thõõth hatĩ nga ilootteet eeta, hadĩman hatĩ thõõth ꞌcĩ aũlanĩ nẽ haauto lõꞌngõõc.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

1 Pẽẽtũrũ 4:14

Nẽẽthĩ hoti ho, accamattoothĩk hatĩ odoommuung eeta, hĩnĩngĩtĩ ĩĩgĩnnu Lemmiook, hĩnĩngĩtĩ aaĩ bulẽẽnĩtĩ cĩ Lori cĩ Nyekuci hĩ ngagiita.