Pilippi 1:1 - ꞌBuuk cĩ Thõõth cĩ Nyekuci

¹ Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Pilippi 1:1 ပူးပေါင်းရင်းမြစ်များ

Maarko 13:34

Aaĩ hatĩ kõrra niccia hĩ ẽẽtĩ ꞌcĩ õkõ hẽẽrõna, ꞌcĩ ũũnnĩk dticcianniook cĩgĩnnĩg hebehit õlõ nẽ eꞌngereek ĩhõõggõ vẽlẽk dtiicanĩ hõdẽĩ hõdẽĩ nẽ uduhaak eet ꞌcĩ ẽbẽk hattũũg haau dĩkĩĩm.

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Dtiicanĩ cĩg ꞌThooyyiahu 1:20

Nĩngĩtĩ aduhaanĩ Pẽẽtũrũ thõõth baa eheeddi ꞌBuuhaa cĩ Tegellwaanu aĩ, “Aꞌnyĩĩk ꞌcieeth cĩnnĩ haau haaga, hiittiõõ ẽẽtĩ ꞌcĩ aayyi tõõ.” Nẽ tarĩ ĩĩ, “Arigith occa hatĩ eet umwaa dtaaba cĩnnĩ nuun?”

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Dtiicanĩ cĩg ꞌThooyyiahu 9:13

Ẽdẽcĩ hinnia Anania Yeesu anneek, “Makayyioohit, ẽddẽẽbtahaa eeta ꞌcĩg mẽẽlĩg gẽrrẽẽt thooꞌthiok ꞌcĩg abathĩ ꞌcĩg aruhi ẽẽtĩ ciee nuyyiook cugunnig ꞌJeruꞌthalẽma.

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌRooma 1:7

Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

1 Korinthia 16:10

Má õdõlan Timotteeo, iita ũrũmtĩ hĩ ĩnõõnnõ jurrung. Adtican nẽẽ dtiic cĩ Makayyiookto hĩ naana.

2 Korinthia 1:1

Nganĩĩt Paaulo ꞌcĩ hĩĩnĩ ꞌthooyyiahit cĩ Yeesu Krĩstõ, ꞌcĩ hẽhẽẽdakuung waraga icci, hĩnĩngĩtĩ baa ẽbẽraawa nganĩĩt Nyekuci thõõthaa cĩ. Harũmeenna hĩ Timotteeo ꞌcĩ ĩĩn lemmioohit hĩ naa buúk. Hĩꞌthõõakuung naa ngagiit waraga icci, lemmiook cĩg ꞌtaaũn cĩ Korinthia hĩ lothippit cĩ lemmiook vẽlẽk ꞌcĩg aattĩg looccaa cĩ Acaia.

ꞌGalaaꞌthia 1:10

Hõllõngaa haini naa, hátĩ hatalit eeta, hadiimi naa hatal Nyekuci. Ammuku niig ainnu hadiimi naa hatalit eeta? Má baa hĩdĩman naa noho, occa ꞌyioko hõllõngaa hĩĩnĩ appahaca cĩ Krĩstõ.

ꞌGalaaꞌthia 3:26

Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

ꞌGalaaꞌthia 3:28

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

Eevvetho 1:1

Waraga ciee ꞌcĩ aku hĩ nganĩĩt Paaulo, eet ꞌcĩ ẽbẽraanna Nyekuci tabiittaa cĩnnĩ, hĩĩ ꞌthooyyiahit cĩ Yeesu Krĩstõ. Heheedihi naa waraga icci eet ꞌcĩg ẽllẽẽmĩth cĩg Nyekuci ꞌtaaũnaa cĩ Eevvetho. Eet ꞌcĩg aꞌthũũnnĩ thõõth cĩ Yeesu Krĩstõ nẽ ĩĩtõ nuyyiook cĩgĩnnĩg.

Eevvetho 1:15

Ngaanĩngĩtĩ hathĩknĩ naa thõõth ꞌcĩ elemmu niig Makayyioohit Yeesu hĩ mĩnnan ꞌcĩ ammĩnannu eet vẽlẽk cĩg Nyekuci,

Eevvetho 6:24

Aꞌnyĩĩk Nyekuc hĩĩ tarbal hĩ eet vẽlẽk ꞌcĩg aalla ammĩnan Makayyioohit cĩnaac Yeesu Krĩstõ.

Pilippi 2:19

Má adiim Makayyioohiti Yeesu, hammuhi hĩꞌthõõa hatĩ naa Timotteeo hĩdĩĩkoothong, hikia hẽhẽẽrõnaahuung ngagiita. Nẽ hatĩ aaꞌnya nẽẽ nganĩĩt haccamanoothĩk ngaatĩ aku aduhaaka authet ꞌcĩ aattiyyu niiga.

Pilippi 2:5

Aanytĩk muhẽẽnĩt cunuung hudukto hĩcĩ Yeesu Krĩstõ thõng.

Pilippi 3:12

Aitiõõ naa hõllõngaa haini, hũmmũda hẽlẽggĩ iccig vẽlẽk hode haini hẽdẽcaaha dtiic cĩ Nyekuci. Nẽẽthĩ, nga ꞌthẽk harriiꞌnyi ĩꞌthõng haau ꞌgõõlaa ꞌcĩ adiimma Yeesu Krĩstõ kõr baa aũyyaanĩ.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Pilippi 3:8

Nẽ dĩdĩ, ĩllõõan thõõth ꞌcĩ hagaĩ Makayyioohit Yeesu Krĩstõ ꞌgii vẽlẽk. Ĩnõõ baa hacĩnĩ naa hẽlẽggĩ vẽlẽk hĩ tahaha haaga, hátĩ hũnũ Krĩstõ,

1 Tẽꞌthaloonika 1:1

Nganĩĩt Paaulo, hĩ ꞌThĩĩla hĩ Timotteeo ꞌcĩg hẽhẽẽdakuung ngagiit lothippit cĩ lemmiook cĩg ꞌtaaũn cĩ Tẽꞌthaloonika waraga icci ho. Hẽhẽẽdakuung ngagiit eet ꞌcĩg iiginnu eet cĩg Nyekuc Baangeet cĩnaac hĩ Makayyioohit Yeesu Krĩstõ. Aꞌnyĩĩk bũnnai cĩ Nyekuci hĩ authet ꞌcĩ aattiyyu lõꞌngõõc, haau hĩ ngagiit vẽlẽk.

1 Tẽꞌthaloonika 2:2

Baa hippiirriawa naag nẽ hodoomtea ꞌtaaũnaa cĩ eet cĩg Pilippi, nẽẽthĩ, eliittaa cĩ Nyekuci, iita okomit ꞌthinneeti cĩggaang nẽ hillimattuung ngagiit nyeemuut cĩnnĩ ꞌcĩ abũnnaa, tananga baa abũrreet eeta ꞌcĩg mẽẽlĩg ngagĩĩta.

2 Tẽꞌthaloonika 1:1

Nganĩĩt Paaulo ꞌcĩ hẽhẽẽdakuung waraga icci ho, hẽhẽẽdakuung ngagiit lothippit cĩ lemmiook cĩg ꞌtaaũn cĩ Tẽꞌthaloonika, ꞌcĩg iiginnu eet cĩg Nyekuc Baangeet cĩnaac hĩ Makayyioohit Yeesu Krĩstõ. Ĩꞌthaayyuung ꞌThĩĩla hĩ Timotteeo buúk ngagiita.

2 Tẽꞌthaloonika 1:10

Ma õbõda Yeesu kõr niccia, abuluth hatĩ nẽ ĩdĩhĩthĩt ĩnõõnnõ eeta cĩgĩnnĩg ꞌcĩg ẽllẽẽmĩthĩ. Aattiyyu hatĩ niig buúk tõõ kõr tĩho, hĩnĩngĩtĩ elemtu niig thõõth cĩnnĩ baa hallimaneekuung naaga.

1 Timotteeo 1:2

Heheedihi naa waraga Timotteeo, loholeec caannĩ dẽẽdẽ lemiitta. Aꞌnyĩĩk Nyekuc Baangeet cĩnaac hĩ Makayyioohit cĩnaac Yeesu Krĩstõ hatamaattihii nẽ aanyti bũnnai hĩ ganõn.

1 Timotteeo 3:8

Abũnnaa dticcianniooha cĩg lothippit cĩ lemmioohu buúk, ĩĩn eet dĩdĩ ꞌcĩg itieelli eet nẽ hõllõngaa aꞌnyak utugeeti ꞌramma, hõllõngaa aangal mẽrta gẽrrẽẽt nẽ iittiõõ hõllõngaa ammĩnan ꞌrabbẽẽta.

Tiito 1:1

Waraga ꞌcĩ hẽhẽẽdakii naa Paaulo nganiit cieeni. Nganĩĩt appahaca cĩ Nyekuci nẽ hĩĩnĩ ꞌthooyyiahit cĩ Yeesu Krĩstõ. Baa hĩꞌthooyyia naa hikia hẽẽl eet baag ẽbẽra Nyekuci lemiitta hĩ ꞌgẽẽnyĩthaa cĩ thõõth ꞌcĩ ĩĩn dĩdĩ, hátĩ hiita haauto nẽẽg hĩ Nyekuci,

Tiito 1:7

Hĩnĩngĩtĩ aaꞌnyĩk Nyekuci makayyioohit cobbi cĩ lothippit cĩ lemmioohu, hidticanoothĩk ĩnõõnnõ. Abũnnaa ĩĩn eet ꞌcĩ aitiõõ thõõth ꞌcĩ abathĩ tõõ. Abũnnaa hõllõngaa ĩĩn eet ꞌcĩ athĩngõõnyanĩ, abũnnaa ĩĩn eet ꞌcĩ hõllõngaa aaburii ꞌthĩnĩt. Abũnnaa ĩĩn eet ꞌcĩ hõllõngaa ĩĩn duuttiahit, hode aangal jora, hode adiim ꞌrabbẽẽt ꞌcĩg mẽẽlĩg ꞌgõõlaa ꞌcĩ abathĩ.

Vilõmẽẽnõ 1:1

Waraga ꞌcĩ aku hĩ nganĩĩt Paaulo hĩ ꞌgotooneet Timotteeo cieeni, haaĩ naa baabuutha hĩnĩngĩtĩ hirriooni nyeemuut cĩ Yeesu Krĩstõ. Hẽhẽẽdakii naa nganiit Vilõmẽẽnõ, ꞌcĩ hammĩnannii nẽ hidticattõõ hõdẽĩ waraga icci,

Ebereei 13:23

Hadiimmuung naa ngagiit ꞌyioko agaac ĩĩtõ, ooggia ꞌgõtõõnẽẽtĩ cĩnaac Timotteeo baabuutha. Má ikia nẽẽ ngaati hĩdĩĩkoothong, hõthõkta hatĩ ĩnõõnnõ hikia hicinuung ngagiita.

ꞌJeemith 1:1

Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.

1 Pẽẽtũrũ 2:25

Baa arahattu niig aauttu hĩ aꞌtha ꞌcĩg iꞌngittõõthĩ thõng, nẽ ꞌyioko, oboddiaau hĩ tũhayyioohit cunuung ꞌcĩ aꞌthuunnuung ngagiita.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

ꞌJuud 1:1

Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.

Terethiinit 1:20

Haduhaakii ꞌyioko thõõth cĩ mũnyũny ꞌcĩg ĩĩn tũkĩramma, ꞌcĩg acini nii aattĩg ĩĩcĩ aꞌthiit caannĩ cobbi ho, hĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt ko buúk. Abĩllĩ mũnyũnya ꞌcĩg ĩĩn tũkĩramma ho nĩngĩtĩ aajĩlẽẽt cĩg lothippiꞌnya cĩg lemmioohu, ꞌcĩg ĩĩn tũkĩramma ho nẽ ibilli ꞌthĩĩha ꞌcĩg ĩĩn tũkĩramma ꞌcĩg aꞌnyak ꞌlõõmẽẽt ko, nĩngĩtĩ lothippiꞌnya cĩg lemmioohu.”

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”

Terethiinit 2:12

Ma ho ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Pẽrgamo. “Duhaak anneek, nyeemuut ꞌcĩ aku hĩ eet ꞌcĩ aꞌnyak nyetuboot ꞌcĩ ꞌlẽhẽdĩ gẽrrẽẽt nicciaani.

Terethiinit 2:8

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thĩmĩrna. “Duhaak anneek, nyeemuut nicciaa ꞌcĩ aku hĩ eet ꞌcĩ baa iꞌthianaanĩ hẽlẽggĩ vẽlẽk nẽ udtuura. Baa adaaha nẽ ꞌyioko kõr icci ũrũga.

Terethiinit 22:9

Anneeka hinnia nẽẽ, “Ma halayyaa nganĩĩta, laa Nyekuc, hĩĩnĩ naa dticciannioohit cĩ Nyekuci haaga hĩ nii buúk nẽ hĩĩnĩ dticciannioohit hĩ ꞌgotoonogu põrõvẽtaaꞌnya cĩgĩnnẽẽgĩ, hĩ eet vẽlẽk ꞌcĩg athĩhĩ nẽ elemit thõõth ꞌcĩ eheeddi ꞌbuuhaa cĩ ho.”