Maatteeo 9:4 - ꞌBuuk cĩ Thõõth cĩ Nyekuci

⁴ Baa aga Yeesu muhẽẽnĩt cĩnĩĩng ko, nĩngĩtĩ annẽẽkĩ, “Inni ummuhit thooꞌthiok ꞌcĩg ĩĩn ꞌriiring ꞌthinneetinii cugguung ko?

Maatteeo 9:4 ပူးပေါင်းရင်းမြစ်များ

Maatteeo 12:25

Baa aga Yeesu muhẽẽnĩt cĩnĩĩng nẽ ĩĩnnĩk ĩhõõggõ, “Habuccieet ꞌcĩ ẽꞌngẽr ẽlẽ cĩnnĩ ẽmmẽn, aduhoothĩk hatĩ hĩĩ ꞌthĩĩ. Nẽ ꞌtaaũnĩ cobbi hode halang ꞌcĩ ẽꞌngẽrõõ eeta ẽmmẽn, aitiõõ hatĩ hõllõngaa abĩlĩ ũdũt.

Maarko 12:15

Hũdũmatta occoro hode hiittiõõ hõllõngaa hadũmanna?” Nẽẽthĩ, baa aga Yeesu ngaatĩ aꞌnyahĩ nẽẽg muhẽẽnĩt ꞌcĩ abathĩ nẽ ẽdẽc ĩhõõggõ ĩĩnnĩk, “Inni idiimit niig otogollieehaangu nganĩĩt ko? Aꞌnyakta da ꞌdinaar hõdẽẽthõng hĩcĩn naana.”

Maarko 2:8

Baa aga Yeesu muhẽẽnĩt cĩnĩĩng ko hĩdĩĩkoothong nẽ ijin ĩhõõggõ ĩĩnnĩk, “Inni ummuhit niig thooꞌthiok ꞌcĩg aattĩg noho ho?

ꞌLuuka 11:17

Baa aga Yeesu muhẽẽnĩt cĩnĩĩng ko, nĩngĩtĩ aduhaakĩ ĩhõõggõ annẽẽkĩ, “Habuccieet ꞌcĩ aruhõõ eeta cĩgĩnnĩg ẽmmẽn, aduhoothĩk hatĩ hĩĩ dtĩng. Nẽ õlõ ꞌcĩ aruhõõ eeta cĩgĩnnĩg nyaagwaana, ĩꞌthaanni hatĩnĩ.

ꞌLuuka 5:22

Baa aga Yeesu muhẽẽnĩt cĩnĩĩng ko, nĩngĩtĩ ẽdẽcõõthĩkĩ ĩhõõggõ annẽẽkĩ, “Inni aꞌnyahit niig muhẽẽnĩt ꞌcĩ abathĩ ꞌthinneetinitõõ cugguung ko?

ꞌLuuka 6:8

Nẽẽthĩ, baa ammũdeek aga Yeesu muhẽẽnĩt cĩnĩĩng ko, nĩngĩtĩ annẽẽkĩ eet ꞌcĩ alalliaa ĩba cĩ aꞌthiit cobbi ho, “Ẽlẽ, tĩnga daho bĩĩl ꞌjieena hicitti eeta vẽlẽk.” Nĩngĩtĩ ĩꞌngaannĩ ẽẽtĩ noho warac nẽ ĩbĩl ꞌjieena nĩngaata.

ꞌLuuka 7:40

Nĩngĩtĩ annẽẽkĩ Yeesu ĩnõõnnõ, “ꞌThimõõnẽ, hadiimi haduhaakii thõõth umwa.” Nẽ ẽdẽc ꞌThimõõnẽ ĩĩ, “Duhaahaanĩ ꞌlimmannioohit.”

Yõaannẽ 16:19

Ammũdeek baa aga Yeesu ngaatĩ adiim ajini nuyyiooha ĩnõõnnõ thooꞌthiok iccig, nĩngĩtĩ annẽẽkĩ ĩhõõggõ, “Ajinoonnu niig, hĩnĩngĩtĩ thõõth aa haduha naa haini, ‘Hõllõngaa nõõ hatĩ acĩnnaangu hĩdĩhĩdĩĩc nẽ urutaa cĩnnĩ, hiita hĩcĩttõõ tarĩ’?

Yõaannẽ 16:30

Nẽẽthĩ ꞌyioko, hĩcĩtta ngaatĩ agaĩ thõõth vẽlẽk nẽ iittiõõ eet umwaa ꞌcĩ occa nga ajinni thõõth umwa tarĩ tõõ. Aaꞌnyeet thooꞌthioha cieeg vẽlẽk hẽlẽmta naag hĩĩtta, akuu nii hĩ Nyekuc.”

Yõaannẽ 21:17

Ma ĩcĩ ĩĩn iyyio cĩnnĩ, õbõdẽẽhĩ Yeesu ijin ꞌThimõõnẽ Pẽẽtũrũ ĩĩnnĩk, “ꞌThimõõnẽ ngeertĩ Yõaannẽ, ammĩnannaa nii nganĩĩta?” Ma nĩngaata, ikia õmmõthĩ Pẽẽtũrũ gẽrrẽẽt ngaatĩ ajini Yeesu ĩnõõnnõ tabattĩ iyyio. Nĩngĩtĩ ẽdẽcĩ annẽẽkĩ, “Makayyioohit, aga nii thooꞌthiok vẽlẽk, aga ngaatĩ hammĩnanni naa nganiita.” Ẽdẽcĩ Yeesu anneek, “Tirok aꞌtha cĩgannĩg.

Yõaannẽ 6:61

Ma baa aga Yeesu ngaatĩ õngõõngõĩ nuyyiooha cĩgĩnnĩg ko, ikia ĩĩnnĩk ĩhõõggõ, “Ĩtĩkĩanuung ngagiit thõõth ciee thõng?

Yõaannẽ 6:64

Nẽẽthĩ, aattiyyu niig ũgẽẽgĩ ꞌcĩg hõllõngaa elemmu thõõth caannĩ.” Baa õthõõth Yeesu hoti, hĩnĩngĩtĩ baa aga nẽẽ ĩĩcĩ oou, ngaatĩ aattiyyi nuyyiooha ꞌcĩg hõllõngaa ẽlẽmĩ ĩnõõnnõ nẽ aga eet ꞌcĩ hatĩ õhõppõõcan ĩnõõnnõ ho.

Dtiicanĩ cĩg ꞌThooyyiahu 5:9

Ma ho, ĩĩnnĩk Pẽẽtũrũ ĩnõõnnõ, “Atuhannu hatĩ niig vẽlẽk ꞌrammaattĩg hutuno ẽlẽmtõ ngaatĩ attĩmannu Lori ꞌcĩ Ẽllẽẽmĩth ko? Cĩĩn nõõ! ꞌCakaꞌthiook cĩg eet aag ada maac cunni hattũũga nẽ irrionganeeki hatĩ nganiit buúk battaala.”

Terethiinit 2:23

Haruhi hatĩ naa nuyyiook cĩgĩnnĩg hadaahito nẽ hatĩ iita agaacõ lothippiꞌnya cĩg lemmioohu vẽlẽk, ngaatĩ ĩĩnnĩ nganĩĩt ꞌcĩ hatarraabani muhẽẽnĩt hĩ thooꞌthiok vẽlẽk ꞌcĩg aꞌnyak eeta ꞌthinneetinii cĩggĩĩng. Nẽ hatĩ hũdũmana naa eet hõdẽĩ hõdẽĩ ꞌgõõlaa ꞌcĩ adticaniini nẽẽgĩ.