Maatteeo 9:2 - ꞌBuuk cĩ Thõõth cĩ Nyekuci

² Ma hĩdĩĩkoothong, irriongatta eeta ũgẽẽgĩ eet ꞌcĩ alalliaa ẽlẽ oongi lotoonwa. Ma baa acĩn Yeesu lemiinit cĩnĩĩng ko, ikia ĩĩnnĩk eet ꞌcĩ alalliaa ẽlẽ ho, “Ngeertĩ, aꞌnyĩĩk ꞌthĩnĩt hõkõm. Ũtũngtoothĩk nganiit ꞌthẽccanẽẽta cugunnẽẽgĩ.”

Maatteeo 9:2 ပူးပေါင်းရင်းမြစ်များ

Maatteeo 14:27

Ma hĩdĩĩkoothong, ikia othoothĩk Yeesu ĩhõõggõ ĩĩnnĩk, “Aanytĩk ꞌthinneeti hokomit! Nganĩĩt Yeesu. Ma hiteelinnu.”

Maatteeo 4:24

Nĩngĩtĩ aku allũnganĩ nyeemuut cĩnnĩ looc cĩ Thiiria vẽlẽk nẽ aꞌnyaktaak eeta ĩnõõnnõ moorriak ꞌcĩg õmmõõrĩ mooriꞌthiook cũũmõ cũũmõ. Baa aꞌnyakiaa eeta ꞌcĩg aꞌnyak mooriꞌthiook ꞌcĩg mẽẽlĩg, hĩ ꞌcĩg aꞌnyak loriẽẽt ꞌcĩg abathĩ hĩ ꞌcĩg õhõda namakarĩ hĩ ꞌcĩg alalliaa ꞌthoona, nĩngĩtĩ ẽẽlanĩ Yeesu ĩhõõggõ vẽlẽk hũbũttaathõ.

Maatteeo 6:12

Tamaatĩheet ngagĩĩt, hĩnĩngĩtĩ ꞌthẽccanẽẽt cĩggaang, hĩcĩ hammaannĩka naag eet ꞌcĩg adĩmanneet ngagĩĩt ꞌbuth.

Maatteeo 8:10

Ma baa athĩhĩ Yeesu thõõth icci ho, ukuleek ꞌjieen gẽrrẽẽt, nĩngĩtĩ annẽẽkĩ eet ꞌcĩg baag anũ ĩnõõnnõ, “Haduhaakuung dĩdĩ, nga hũmmũda eet ꞌcĩ aꞌnyak lemiinit ꞌcĩ aaĩ hoti eetinii cĩg Ĩꞌthĩraẽlĩ.

Maatteeo 8:16

Ma ꞌjiaatĩn niccia, aꞌnyaktaak eeta Yeesu eet ꞌcĩg aꞌnyak loriẽẽt ꞌcĩg abathĩ. Baa iiggia nẽẽ loriẽẽt ꞌcĩg abathĩ ꞌtirriaanaa cĩ thõõth ꞌcĩ aduha nẽẽnĩ nẽ aaꞌnyĩk eet ꞌcĩg baag õmmõõrĩ vẽlẽk hũbũttaathõ.

Maatteeo 9:22

Ma ho, ubbuudi Yeesu nẽ udtuuha ĩnõõnnõ nĩngĩtĩ annẽẽkĩ, “Aꞌnyĩĩk ꞌthĩnĩt hõkõm tĩnaatĩ. Aaꞌnyi lemiiniti cunni bũna.” Ma ꞌthẽk nĩngaata noho, ũbũna ngaa niccieeni.

Maatteeo 9:5

Thõõth iina ꞌcĩ ammũjĩ, ꞌcĩ hannẽẽkĩ eet icci alalliaa ẽlẽ ho, ‘Ũtũngtoothĩk ꞌthẽccanẽẽta cugunnẽẽgĩ,’ hode ꞌcĩ hannẽẽkĩ, ‘Tĩnga tõõ’?

Maatteeo 9:6

Nẽẽthĩ, heterꞌtheekuung naa ngaatĩ aꞌnyahĩ Ngeertĩ Eeto makaaꞌthĩt ꞌcĩ ammaannĩkĩ eet ꞌthẽccanẽẽt, loota nĩnga.” Nĩngĩtĩ annẽẽkĩ Yeesu eet ꞌcĩ alalliaa ẽlẽ ho, “Tĩnga! Dũhan lotoonu bĩĩt ĩĩcĩ olu.”

Maarko 1:32

Ma ꞌjiaatĩn niccia baa okoloothĩk kõrra, iita aꞌnyaktaak eeta Yeesu eet ꞌcĩg õmmõõrĩ vẽlẽk hĩ ꞌcĩg aꞌnyak loriẽẽt ꞌcĩg abathĩ.

Maarko 10:49

Ma ho, ĩbĩl Yeesu nẽ uduhaak eet ĩĩnnĩk, “Utuvuyyia da ho ĩnõõnnõ hikia ngaati.” Ma ho, utuvvuyyia eeta rubenniaahit ĩĩttĩk, “Talõ, tĩnga ꞌjieena, avvĩyyĩ Yeesu nganiita.”

Maarko 5:34

Ma nĩngaata, ĩĩnnĩk Yeesu ngaa nicci, “Aaꞌnyi lemiiniti cunni nganiit bũna, bĩĩt taliitta nẽ aau lõꞌngõõc pĩĩrnattaa baa nunni.”

Maarko 6:50

hĩnĩngĩtĩ baa ikia aggam ĩhõõggõ tẽẽlꞌthĩtĩ cobbiẽẽnĩ. Ma hĩdĩĩkoothong, uduhaak Yeesu ĩhõõggõ ĩĩnnĩk, “Aanytĩk ꞌthinneeti cugguung hokomit, nganĩĩt Yeesu, ma hiteelinnaangu.”

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

Yõaannẽ 2:25

Baa hõllõngaa adiim Yeesu eet umwa huduhaak ĩnõõnnõ thõõth cĩ eetu, hĩnĩngĩtĩ baa aga nẽẽ muhẽẽnĩt cĩnĩĩng vẽlẽk.

Yõaannẽ 21:5

Nĩngĩtĩ aũyyĩ Yeesu ĩhõõggõ annẽẽkĩ, “Lõggõõ niccieegi! Nga aggamit ulugo ũgĩ buúk?” Ẽdẽcĩ nẽẽg aĩ, “Aitiõõ tõõ!”

Dtiicanĩ cĩg ꞌThooyyiahu 14:9

Baa athĩhĩ ẽẽtĩ ciee ꞌrioon cĩ Paaulo. Ma baa akannĩ Paaulo ĩnõõnnõ hẽbẽrĩ ho, adtuuha hinnia aꞌnyak lemiinit hĩ Yeesu ꞌcĩ occa aaꞌnyĩk ĩnõõnnõ hũbũna,

Dtiicanĩ cĩg ꞌThooyyiahu 19:12

hátĩ haꞌnyaktoothĩk eeta ceremwa ꞌcĩg baag ahimit Paaulo, eet ꞌcĩg õmmõõrĩ hiita hũbũttaathõ nẽ ũtũngteek loriẽẽta ꞌcĩg abathĩ ĩhõõggõ.

Dtiicanĩ cĩg ꞌThooyyiahu 23:11

Ma baalin niccia, uppwaanna Makayyioohiti Yeesu hikia hĩbĩl ngaatĩ aayyi Paaulo nẽ ĩĩ, “Aꞌnyĩĩk ꞌthĩnĩt hõkõm! Hĩcĩ eteretheehu nii eet thõõth caannĩ ꞌJeruꞌthalẽma ho, õkõ ꞌthẽk hatĩ eterꞌtheehi ꞌRoomattĩ buúk.”

ꞌRooma 5:11

Nẽẽthĩ, hõllõngaa hoti diooni, haccamanoothĩk naag buúk hĩ Nyekuc, hĩnĩngĩtĩ Makayyioohit cĩnaac Yeesu Krĩstõ, ꞌcĩ ꞌyioko aganĩꞌtheet ngagĩĩt ko.

ꞌJeemith 2:18

Nẽẽthĩ, occa õthõõth eet umwaa aĩ, “Aꞌnyahi nii lemiinit nẽ haꞌnyahi naa dtiicanĩ ꞌcĩg abũnnaa.” Teretheehaa daho lemiinit cunni ꞌcĩ aitiõõ dtiicanĩ ꞌcĩg abũnnaa tõõ ho, nẽ heteretheehii naa lemiinit caannĩ dtiicanẽẽnnĩĩ ꞌcĩg abũnnaa ĩcĩg hadĩmani naa ho.