Maatteeo 8:9 - ꞌBuuk cĩ Thõõth cĩ Nyekuci

⁹ Hĩĩnĩ naa buúk ꞌgaalac ꞌcĩ haꞌnyahi makayyiook cĩgannĩg nẽ hĩĩnĩ eet ꞌcĩ haggami ũũrũta. Má hanneehi ũũrũtaac umwa, ‘Bĩtõ,’ õkõ ꞌthẽk hĩcĩ haduhaahi naana nẽ má hanneehi umwa, ‘Ijjia,’ aku ꞌthẽk hĩcĩ hanneehi naa ho. Má hanneehi dticciannioohit caannĩ, ‘Dĩman ꞌgiimwa,’ adtican ꞌthẽk ꞌgõõlaa tĩho.”

Maatteeo 8:9 ပူးပေါင်းရင်းမြစ်များ

Maatteeo 8:10

Ma baa athĩhĩ Yeesu thõõth icci ho, ukuleek ꞌjieen gẽrrẽẽt, nĩngĩtĩ annẽẽkĩ eet ꞌcĩg baag anũ ĩnõõnnõ, “Haduhaakuung dĩdĩ, nga hũmmũda eet ꞌcĩ aꞌnyak lemiinit ꞌcĩ aaĩ hoti eetinii cĩg Ĩꞌthĩraẽlĩ.

Maatteeo 8:8

Anneek hinnia ꞌgaalacĩ Yeesu, “Makayyioohit, hõllõngaa hũũppani naa ngaatĩ occa haꞌnyahaanni nganiit õlõõ caannĩ. Duha nẽẽ nii thõõth haaga, hátĩ hũbũna dticciannioohiti caannẽẽnĩ.

Maarko 1:27

Baa abulan thõõth ciee eet vẽlẽk gẽrrẽẽt nẽ ijitto nyaagwaana ĩĩtõ, “Ne occa gõõng ciee? Occa ĩĩn ciee ꞌlimman ꞌcĩ nga ĩĩn ngeju ꞌcĩ attiran gẽrrẽẽt! Athĩhĩ aattĩ loriẽẽta ꞌcĩg abathĩ buúk ĩnõõnnõ.”

ꞌLuuka 4:39

Ma ho, ũũk iggiingi Yeesu ngaatĩ oongiyyi morwahit nicciee ho nẽ eggerenyeek abuurꞌthet tĩho hũtũngeek ĩnõõnnõ. Nĩngĩtĩ abũnnayyĩ morwahit nĩĩcĩ noho herehoothĩk ĩhõõggõ.

ꞌLuuka 7:8

Hĩnĩngĩtĩ hĩĩnĩ naa buúk eet ꞌcĩ haꞌnyahi makayyiook cĩgannĩg nẽ tarĩ hĩĩna eet ꞌcĩ haggami ũũrũta. Ma haduhaahi icci hanneehi, ‘Bĩtõ,’ adĩman ꞌthẽk hĩcĩ haduhaahi naa ho. Nẽ ma haduhaahi iccia hanneehi, ‘Ijjia,’ aku ꞌthẽk hĩcĩ haduhaahi naana. Ma haduhaahi dticciannioohit caannĩ hidtican dtiic icci, adtican ꞌthẽk ꞌgõõla tĩho.”

ꞌLuuka 9:1

Ma baa ũtũvva Yeesu ꞌthooyyiak ꞌcĩg ĩĩn õmmõtõ hĩ ꞌramma ho hiita ngaatĩ hõdẽẽthõng, ikia aaꞌnyĩk ĩhõõggõ ꞌtirrian hĩ makaaꞌthĩt ꞌcĩ iiggiaĩ loriẽẽt ꞌcĩg abathĩ vẽlẽk heelliaĩĩ eet mooriꞌthioohĩ,

Kolooꞌthe 3:22

Niig appahacaaꞌnya, ĩthĩhĩt thooꞌthiok vẽlẽk ꞌcĩg aduhaakuung makayyiooha cugguung cĩg looc nicci, hõllõngaa hĩnĩngĩtĩ ebekuung nẽẽg ngagiit thõng, hode hatĩ accamanaannuung ngagiit thõng diooni, ĩthĩhĩt ĩhõõggõ ꞌthinneetini dĩdĩ hĩ tẽẽlꞌthĩtaa cĩ Makayyiookto.

Tiito 2:9

ꞌLimman appahacaaꞌnya buúk hĩthĩhĩt thooꞌthiok cĩg makayyiook cĩggĩĩng nẽ idticattoothĩk ĩhõõggõ jurrung, abathĩ ngaatĩ ẽdẽcõõnĩ hĩ ĩhõõggõ thõng,