Maatteeo 8:4 - ꞌBuuk cĩ Thõõth cĩ Nyekuci

⁴ Ma ho, ĩĩnnĩk Yeesu ĩnõõnnõ, “Ma haduhaahi eet umwa thõõth icci. Deceek bĩĩt teretheek paadĩr ẽlẽ cunni nẽ aaꞌnyĩhuu ĩnõõnnõ ꞌbaaninit baa aduha Mũũꞌtha, hátĩ hagaacõ eeta ngaatĩ ũbũnaĩĩ nii dĩdĩ.”

Maatteeo 8:4 ပူးပေါင်းရင်းမြစ်များ

Maatteeo 10:18

Aꞌnyakiaannu hatĩ lokihooa hĩ ꞌgaala ꞌcĩg obbitig hĩ habuẽẽta, hĩnĩngĩtĩ iiginnu nuyyiook cĩgannĩg. Ĩĩn hatĩ ciee kõr ꞌcĩ aduhaaku makayyiook hĩ eet ꞌcĩg hõllõngaa ĩĩn ꞌJudeei nyeemuut caannĩ.

Maatteeo 16:20

Nĩngĩtĩ ilootĩ nẽẽ nuyyiook cĩgĩnnĩg hiittiõõ hõllõngaa aduhaak eet umwa ngaatĩ ĩĩnnĩ nẽẽ Krĩstõ.

Maatteeo 17:9

Ma baa ulluuccia nẽẽg muura hujjieen, ikia itilo Yeesu ĩhõõggõ ĩĩnnĩk, “Ma hõõ haduhaaku eet umwa ꞌgiiaa acinnu niig ũdũt, ĩꞌthõng hatĩ hũrũga Ngeertĩ Eeto daahĩtha.”

Maatteeo 3:15

Ẽdẽcĩ hinnia Yeesu ĩnõõnnõ anneek, “Aꞌnyĩĩk nõõ haau hĩ ꞌyioko ho, hátĩ hĩdĩmanit thooꞌthiok vẽlẽk ꞌcĩg adiimmeet Nyekuci ngagĩĩt hidticanit.” Nĩngĩtĩ ẽlẽmmĩ Yõaannẽ ngaatĩ aggamẽẽkĩ ĩnõõnnõ baattithimo.

Maatteeo 5:17

“Ma hammuku hainnu hakuu naa hikia hĩbĩlĩ nyattal cĩ Mũũꞌtha, hode thooꞌthiok ꞌcĩg baag ẽhẽẽd põrõvẽtaaꞌnya. Baa hakuu naa hikia haaꞌnyĩk nyattal hĩ thooꞌthiok iccig, hiita hẽdẽẽnyta hĩĩtõ dĩdĩ.

Maatteeo 6:1

“Ĩcĩnĩt jurrung, ma hadticannu ‘thooꞌthiok ꞌcĩg abũnnaa’ hĩcĩnĩt eeta. Má ĩdĩmattu hoti, aitiõõ hatĩ Maaꞌnyu hẽẽtahujjieen hõllõngaa adũmannuunga.

Maatteeo 9:30

Ma nĩngaata, iita ĩcĩttĩ hẽbẽrĩ cĩggĩĩng. Ma ho, itilo Yeesu ĩhõõggõ gẽrrẽẽt ĩĩnnĩk, “Ma hooyyu haduhaaku eet umwa thõõth icci ũdũt.”

Maarko 13:9

“Ma iꞌthiattaaĩ ẽdẽẽnyta thooꞌthioha cieegi, uꞌthuutti eleeti cugguung, hĩnĩngĩtĩ aggamiinnu hatĩ niig nẽ oottu lokihooa, nẽ ommokteeu ꞌCieethinii cĩg Laiittak. Aꞌngĩdeennu hatĩ õõt ĩbĩlĩt muumtinii cĩg makayyioohu hĩ ĩĩcĩg habueetu, hátĩ udukta lemiinit ꞌcĩ ẽlẽmmaangu niig nganĩĩt ko.

Maarko 3:12

Nĩngĩtĩ aduhaakĩ Yeesu ĩhõõggõ komiitta annẽẽkĩ, “Ma hõõ haduhaaku eet umwa hanneeku nganĩĩt nganĩ naa.”

Maarko 5:43

Ma ho, uduhaak Yeesu eet komiitta ĩĩnnĩk, “Ma hõõ haduhaaku eet umwa thõõth icci ũdũt,” nẽ uduhaak ĩhõõggõ tarĩ ĩĩnnĩk, “Aanytĩk loholeec ꞌgiimwa hadak.”

Maarko 6:11

Nẽ má hõllõngaa elemmuung eeta õlõõ ꞌcĩ uppwannothoothiku ho nẽ hõllõngaa athiknuunga, ũtũngteek eet nicciag nẽ utuddungteehu tuduhaac cĩ ꞌthoo cugguung nĩngaata, hátĩ hĩĩ terethiinit cĩ bathi cĩnĩĩng.”

Maarko 7:36

Ma nĩngaata, uduhaak Yeesu eet niccig ĩĩnnĩk, “Ma hooyyu haduhaaku eet umwa thõõth icci ũdũt. Ma baa uduhaak nẽẽ ĩhõõggõ thõõth icci ẽlẽk, aalla hinnia õõ athithan nẽẽg thõõth icci gẽrrẽẽt hĩllõõan.”

Maarko 8:30

Nĩngĩtĩ aduhaakĩ Yeesu ĩhõõggõ komiitta annẽẽkĩ, “Ma happulanaannangu.”

Maarko 9:9

Ma baa ulluuccia nẽẽg muuraa hujjieen iita loota, ikia itilo Yeesu ĩhõõggõ ĩĩnnĩk, “Ma hooyyu haduhaaku eet umwa ꞌgiiaa acinnu niig ko, ĩꞌthõng hũrũga Ngeertĩ Eeto daahĩtha.”

ꞌLuuka 17:14

Ma acĩn Yeesu ĩhõõggõ ho, ĩĩnnĩk, “Õõt etereꞌthieek paadĩrꞌnya eleeti cugguung.” Ma baa õõta, iꞌnginõõthĩ helleggeri eleetini noho matadaꞌnyak hũbũttaathõ nẽẽg vẽlẽk lõꞌngõõc.

ꞌLuuka 21:13

Aku hatĩ ĩĩn thõõth ciee terethiinit ꞌcĩ eterꞌtheeku niig ĩhõõggõ lemiinit cunuung.

ꞌLuuka 4:41

Baa mẽẽlĩg eeta ꞌcĩg aꞌnyak loriẽẽt ꞌcĩg abathĩ, nĩngĩtĩ aduhaakĩ Yeesu ĩhõõggõ huduhutta eleetinii cĩg eetuk battaala nẽ urruuyyiõthĩ ĩĩtõ, “Ĩĩnĩ nii Ngeertĩ Nyekuci!” Nẽẽthĩ, hĩnĩngĩtĩ baa aga nẽẽg ngaatĩ ĩĩnnĩ Yeesu Krĩstõ, ikia eggerenyeek nẽẽ ĩhõõggõ hiittiõõ hõllõngaa õthõõthĩ.

ꞌLuuka 5:14

Nĩngĩtĩ ilootĩ Yeesu ĩnõõnnõ annẽẽkĩ, “Ma hõkõ haduhaahi eet umwa thõõth icci ũdũt. Bĩĩt teretheek paadĩr ẽlẽ cunni nẽ aaꞌnyĩhuu Nyekuc ꞌbaaninit hĩ baa aduha Mũũꞌtha, hátĩ hĩĩ terethiinit hĩ ĩhõõggõ ꞌcĩ aĩ, ũbũnauu niina.”

ꞌLuuka 8:56

Baa anyamũũtana thõõth ciee ꞌthĩnĩt cĩ maaꞌnyĩ loholeeco hĩ cĩ aattĩnnĩ gẽrrẽẽt. Nĩngĩtĩ irrioonĩkĩ Yeesu ĩhõõggõ hiittiõõ hõllõngaa appulanaak eet umwa thõõth icci ũdũt.

ꞌLuuka 9:21

Ma ho, itilo Yeesu ĩhõõggõ hiittiõõ hõllõngaa õõ aduhaak eet umwa thõõth icci ũdũt.

Yõaannẽ 5:41

“Hõllõngaa haallahi naa dĩhĩthẽẽnĩt cĩ eetu,

Yõaannẽ 7:18

Ẽẽtĩ ꞌcĩ õthõõthĩ ẽlẽ cĩnnĩ ẽmmẽn, abuluth nẽẽ ẽlẽ cĩnnĩ. Nẽẽthĩ, ẽẽtĩ ꞌcĩ adticanoothĩk eet baa ĩꞌthõõa ĩnõõnnõ, ĩĩn eet ꞌcĩ aduha thõõth ꞌcĩ ĩĩn dĩdĩ. Aitiõõ thõõth ꞌcĩ ĩĩn õlõng ꞌcĩ aduha nẽẽ tõõ.

Yõaannẽ 8:50

Hõllõngaa hadiimi naa bulẽẽnĩt cĩ ẽlẽ caannĩ. Nyekuc ꞌcĩ hatĩ abuluꞌthaa nganĩĩta nẽ ĩnõõnnõ ꞌcĩ ẽttẽẽd thooꞌthiok vẽlẽk.