Maatteeo 8:2 - ꞌBuuk cĩ Thõõth cĩ Nyekuci

² Ma nĩngaata, uppwaannak ĩnõõnnõ eet umwaa ꞌcĩ adak helleggeri nẽ ikia akat huruꞌnyia muumaa cĩnnĩ nẽ ĩĩnnĩk, “Makayyioohit, má adiimi, aꞌnyaa hũbũna.”

Maatteeo 8:2 ပူးပေါင်းရင်းမြစ်များ

Maatteeo 10:8

Aanytĩk eet ꞌcĩg õmmõõrĩ hũbũttaathõ, uruguꞌthia eet ꞌcĩg adaahĩ, ũtũũnyĩt eet ꞌcĩg adak helleggeri nẽ itiggiayyu loriẽẽt ꞌcĩg abathĩ. Baa ammũdaannu niig ꞌbaaninit ꞌcĩ hõllõngaa adũmannu thõng, nẽẽthĩ ꞌyioko, eelit niig buúk eet haaga.

Maatteeo 13:58

Nẽ hĩnĩngĩtĩ baa hõllõngaa aꞌnyak eeta lemiinit, iittiõõ hõllõngaa adĩman Yeesu thooꞌthiok ꞌcĩg mẽẽlĩg ꞌcĩg ĩnaat eeta nĩngaata.

Maatteeo 14:33

nĩngĩtĩ au alaĩ nuyyiooha ꞌcĩg baag aattĩg haahũlatõõ Yeesu annẽẽkĩ, “Ĩĩnĩ nii Ngeertĩ Nyekuci dĩdĩ!”

Maatteeo 15:25

Nĩngĩtĩ aku akannĩ ngaa nicciee huruꞌnyia muumaa cĩnnĩ nẽ ĩĩnnĩk, “Makayyioohit ẽlaanĩ!”

Maatteeo 18:26

“Nĩngĩtĩ akannẽẽkĩ dticciannioohiti habu huruꞌnyia nẽ atamaatĩk ĩnõõnnõ ĩĩnnĩk, ‘ꞌRẽẽõ baaĩ nuun nõõ hĩdĩhĩdĩĩc, hadũmannii ꞌthẽk hatĩ naa nganiit ꞌrabbẽẽt cugunnig.’

Maatteeo 2:11

Ma baa õdõlanit nẽẽg ꞌcieeth tĩho, iita ummuddiaak nẽẽg ĩdõlĩ tĩho hĩ aattĩnnĩ Maria nĩngaata, nĩngĩtĩ akannẽẽkĩ huruꞌnyia nẽ alaacõ ĩnõõnnõ. Ma ho, itikta ꞌbaaninit ꞌcĩ ĩĩn ꞌdaab hĩ mõhõõkac hĩ ngõrrõ umwa ꞌcĩ õꞌngõlĩ ẽmmẽdĩ ꞌcĩ haĩ ꞌmiira.

Maatteeo 20:20

Ma nĩngaata, ikia ũmmũdaak aattĩ lõhõlẽẽtĩg ꞌThebedeeo Yeesu nẽ akateek ĩnõõnnõ huruꞌnyia nẽ ala ĩnõõnnõ ꞌgii ꞌcĩ adiim nẽẽnĩ.

Maatteeo 26:6

Ma baa nga aaĩ Yeesu ꞌtaaũnaa cĩ Bẽthani, õlõõ cĩ eet umwa ꞌcĩ baa adak helleggeri hũnũũk ꞌcĩ haĩ ꞌThimõõnẽ,

Maatteeo 28:17

Ma baa ĩcĩnĩt nẽẽg Yeesu, iita alaacõ nẽẽg ĩnõõnnõ, nẽẽthĩ hinnia, baa nga aalla ĩccaad ũgẽẽgĩ ĩnõõnnõ noho.

Maatteeo 28:9

Ma hĩdĩĩkoothong, ikia uppwaannak Yeesu ĩhõõggõ nẽ ĩĩnnĩk, “Hĩꞌthaayyuunga!” Nĩngĩtĩ au ĩĩthahaanĩ nẽẽg hiita hõbõktõ hĩ ĩnõõnnõ nẽ arabũtĩtõ ꞌthoo cĩgĩnnĩg, nĩngĩtĩ alaĩ ĩnõõnnõ.

Maatteeo 4:9

Nẽ uduhaak ĩĩnnĩk, “Occa haaꞌnyii naa nganiit loonyin iccig vẽlẽk, hatĩ akanneekaa huruꞌnyia nẽ ubuluthaanĩ.”

Maatteeo 8:1

Ma baa ulluuccia Yeesu muura hujjieen, ikia ũnũ lothippiti cobbi gẽrrẽẽt ĩnõõnnõ.

Maatteeo 8:25

Nĩngĩtĩ õõ attirani nuyyiooha ĩnõõnnõ annẽẽkĩ, “Makayyioohit, eleeta! Hõõt hutududdi naaga!”

Maatteeo 9:18

Ma baa nga õthõõth Yeesu, uppwaanna ꞌgaalacĩ umwaa hikia hakat huruꞌnyia nẽ ĩĩ, “Nga adaakna loholeec aa iyyohoothong. Ijjia taadĩk aꞌthiit cunni ẽllaa cĩnnĩ, hátĩ hũrũga.”

ꞌLuuka 4:27

Nẽ baa mẽẽlĩg eeta ꞌcĩg adak helleggeri looccaa cĩ Ĩꞌthĩraẽlĩ korrioohĩĩ baag põrõvẽtaac Eliiꞌtha buúk, nẽẽthĩ, baa hiꞌthihi ꞌcĩ eelliaa. Baa eet ꞌcĩ looc ꞌcĩ ꞌrĩĩng ꞌcĩ haĩ Naaman cĩ looc cĩ Thiiria dioo ꞌcĩ baa eelliaa.”

Yõaannẽ 9:38

Ma ho, ĩĩnnĩk rubenniaahiti Yeesu, “Makayyioohit, helemmii naa nganiita!” Nĩngĩtĩ alaĩ nẽẽ Yeesu nĩngaata.

Dtiicanĩ cĩg ꞌThooyyiahu 10:14

Ẽdẽcĩ Pẽẽtũrũ aĩ, “Aitiõõ Makayyioohit! Gõõng nga hadak idiꞌngwa ꞌcĩg ĩĩn ꞌriiring ꞌcĩg hõllõngaa adak eeta.”

Dtiicanĩ cĩg ꞌThooyyiahu 10:25

Ma baa õdõlan Pẽẽtũrũ õlõ, iiraak Korneellio ĩnõõnnõ nĩĩcĩ noho nẽ akat huruꞌnyia tẽẽlꞌthĩta ꞌcĩ alaĩ ĩnõõnnõ.

1 Korinthia 14:25

Appulana hatĩ nẽẽg thooꞌthiok ꞌcĩg ammiꞌthi ꞌthinneetinii cĩggĩĩng. Nẽẽthĩ hatĩ akatit huruꞌnyia nẽ ĩĩttĩg Nyekuc, “Hagayyia dĩdĩ ngaatĩ aayyi nii hĩ eet iccig.”

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”