Maatteeo 7:7 - ꞌBuuk cĩ Thõõth cĩ Nyekuci

⁷ “Ijinit, hátĩ haaꞌnyĩhoothĩhuunga. Idiimit, hátĩ ummuddia. Uruhit hattũũg nẽ hatĩ ubbuuhothoothĩhuunga.

Maatteeo 7:7 ပူးပေါင်းရင်းမြစ်များ

ꞌThianaattõ 26:32

Ma kõr tĩho, iita uduktaak Iꞌthaako dticcianniooha cĩgĩnnĩg ĩĩttĩk, “Hibboorriawa maam wĩĩtaneecaa ĩbaa hadayya.”

Maatteeo 18:19

“Nẽ tarĩ haduhaakuung hanneekuung, má elemmu iiginnu ꞌramma thõõth umwa ꞌcĩ ajinnu loota nĩnga, attacan hatĩ Baaba hẽẽtahujjieen thõõth tĩho.

Maatteeo 21:22

Má aꞌnyaku niig lemiinit hatĩ alaiinnu, aga Nyekuci ngaatĩ aaꞌnyuung ꞌgii ꞌcĩ ajinnu niig ko.”

Maatteeo 6:33

Nẽẽthĩ, hẽlẽggẽẽnnĩĩ cĩg vẽlẽk, idiimit nõõ habuccieet cĩ Nyekuci hĩ thõõth cĩnnĩ ꞌcĩ aũlan ĩĩcĩ oou. Nẽẽthĩ hatĩ aaꞌnyuung hẽlẽggĩ vẽlẽk ꞌcĩg adiimmu niiga.

Maatteeo 7:11

Má agayyu niig tananga abaꞌthu, ngaatĩ aaꞌnyiku lõhõlĩ cugguung ꞌbaaninit ꞌcĩ abũnnaa, ĩĩn occa hatĩ ꞌbaaniniti ꞌcĩ aaꞌnyĩk Maaꞌnyu cĩ aaĩ hẽẽtahujjieen eet ꞌcĩg ajin ĩnõõnnõ hutuno?

Maatteeo 7:8

Hĩnĩngĩtĩ ẽẽtĩ ꞌcĩ ajin ꞌgiimwa, aanytĩhoothĩk hatĩnĩ nẽ ẽẽtĩ ꞌcĩ adiim ꞌgiimwa, ammũda hatĩnĩ nẽ abbuuhothoothĩk hatĩ hattũũg eet ꞌcĩ aruhi.

Maarko 11:24

Nẽ haduhaakuung naa ngagiita, ꞌgii ꞌcĩ ajinnu niig laiitta, elemit ĩĩtõ ammũdaannu ꞌthẽk hatĩnĩ nẽ hatĩ ĩĩ ꞌgii tĩho cunuung.

ꞌLuuka 13:25

Ma ꞌthẽk ĩtĩnga baattĩ ꞌcieethu nẽ ũꞌnyũũg hattũũg, abillu hatĩ ꞌrõta battaala, ara aruku hattũũg nẽ ĩĩlallu iittu, ‘Makayyioohit, ꞌbuuhiheet baaĩ nuun hattũũg.’ “Ẽdẽcĩ hatĩ Makayyioohiti aĩ, ‘Aitiõõ naa hõllõngaa hagayyuunga.’

ꞌLuuka 18:1

Nĩngĩtĩ aduhaakĩ Yeesu nuyyiook cĩgĩnnĩg thõõth ꞌcĩ awantoothĩk ko, hẽtẽrẽth ĩhõõggõ hatĩ gõõng halayyio ooo nẽ iittiõõ hõllõngaa ũũnnĩk laiinit.

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 15:7

Má aallannu niig hĩ nganĩĩta nẽ aallattia thooꞌthioha cĩgannĩg hĩ ngagiita, ijinit ꞌgii vẽlẽk ꞌcĩ adiimmu nẽ hatĩ aaꞌnyĩhoothĩhuung ngagiita.

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

ꞌRooma 3:11

Aitiõõ ẽẽtĩ ꞌcĩ aga Nyekuc jurrung tõõ, aitiõõ ẽẽtĩ ꞌcĩ adiim ĩnõõnnõ tõõ.

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.

ꞌJeemith 5:15

Aaꞌnyĩk hatĩ laiiniti cĩ lemiinit cunuung eet ꞌcĩ õmmõõrĩ ho hũbũna. Aaꞌnyĩk hatĩ Makayyioohiti ĩnõõnnõ hĩtĩnga haau ꞌjieena. Ma baa ĩĩn eet ꞌcĩ ẽꞌthẽcanõõ, ũũnnĩk hatĩ Makayyioohiti ꞌthẽccanẽẽt cĩgĩnnĩg.

1 Yõaannẽ 3:22

Aaꞌnyeet hatĩ nẽẽ ngagĩĩt ꞌgii vẽlẽk ꞌcĩ hajin naag ĩnõõnnõ, hĩnĩngĩtĩ hathĩhĩ naag thõõth cĩnnĩ nẽ hĩdĩmanit thooꞌthiok ꞌcĩg accamana nẽẽnĩ.