Maatteeo 7:3 - ꞌBuuk cĩ Thõõth cĩ Nyekuci

³ “Inni cĩĩn nii tahahaac ꞌcĩ mĩllĩꞌnyĩ hebereecaa cĩ ꞌgotonoonu nẽ iittiõõ hõllõngaa acini iggooli ꞌcĩ aaĩ hebereecaa cunni ho?

Maatteeo 7:3 ပူးပေါင်းရင်းမြစ်များ

Maatteeo 7:4

Occa gõõng anneehi nii ꞌgotonu, ‘Ĩꞌnya hittihaaii tahahaac ꞌcĩ mĩllĩꞌnyĩ hebereeca,’ nẽ nẽẽ aꞌnyahi nii iggooli hebereecaa cunni hutuno?

Maatteeo 7:5

Nii oloꞌngiaahiti, ꞌtiha nõõ iggooli ꞌcĩ aꞌnyahi hebereecaa cunni ho hátĩ cĩnĩ jurrung, nẽẽthĩ hátĩ ittiha tahahaac ꞌcĩ mĩllĩꞌnyĩ hebereecaa cĩ ꞌgotonoonu.

ꞌLuuka 18:11

Õkõ alayyi Variꞌtheeniti ꞌjieena aĩ, ‘Nyekuc, hanneekii ĩlaallẽ, hĩnĩngĩtĩ aitiõõ naa hõllõngaa haaĩ hĩ eeta ũgẽẽgĩ. Aitiõõ naa hõllõngaa hĩgõrꞌthĩ nẽ hõllõngaa hĩĩnĩ lobolobbiaahit nẽ hõllõngaa hattihi ngaaĩ cĩg eetuk nẽ tarĩ hõllõngaa ꞌthẽk haaĩ hĩ luttioohiti cĩ occoro ho.

ꞌRooma 2:1

Õhõppõõcannu niig eet ũgĩ ainnu ẽꞌthẽcan thooꞌthiok. Nẽẽthĩ, aitiõõ ꞌgõõl ꞌcĩ occa ẽppẽhannu niig thooꞌthiok ꞌcĩg adĩmannu niig ko tõõ. Má etteediku niig ꞌgoonogu thõõth, etteediku eleeti cugguung buúk, hĩnĩngĩtĩ adĩmannu niig buúk thooꞌthiok tĩko dẽẽdẽ.

ꞌGalaaꞌthia 6:1

ꞌGotoonoga hĩ ngoonoga, má ẽꞌthẽcanõõ ẽẽtĩ umwaa hõrggẽẽnaa cunuung, oboddiaaĩ niig ꞌcĩg okomtu Loriiaa cĩ Nyekuci ho eet nicci nẽ irrioottihu haau ꞌgõõlaa ꞌcĩ abũnnaa. Ma hataarroꞌthu ngaatĩ occa ẽꞌthẽcannu niig buúk kõr umwa.