Maatteeo 7:11 - ꞌBuuk cĩ Thõõth cĩ Nyekuci

¹¹ Má agayyu niig tananga abaꞌthu, ngaatĩ aaꞌnyiku lõhõlĩ cugguung ꞌbaaninit ꞌcĩ abũnnaa, ĩĩn occa hatĩ ꞌbaaniniti ꞌcĩ aaꞌnyĩk Maaꞌnyu cĩ aaĩ hẽẽtahujjieen eet ꞌcĩg ajin ĩnõõnnõ hutuno?

Maatteeo 7:11 ပူးပေါင်းရင်းမြစ်များ

ꞌThianaattõ 6:5

Baa aga Makayyioohiti ꞌthẽccanẽẽt ꞌcĩg adĩman eeta loota nĩnga vẽlẽk nẽ aga ngaatĩ abaꞌthĩ muhẽẽnĩtĩ vẽlẽk ꞌcĩ aꞌnyak eeta ꞌthinneetinii cĩggĩĩng buúk.

ꞌThianaattõ 8:21

Ma baa õdõlan muyuuhĩ cĩ mẽdĩĩth cĩ idiꞌngwaanu Nyekuc ko, ikia atal Nyekuci, nĩngĩtĩ abũtanĩ aĩnnĩ, “Iittiõõ hatĩ naa hõllõngaa hacciini looc tarĩ, hĩnĩngĩtĩ ꞌthẽccanẽẽt cĩg eetuk. Tananga ammuk nẽẽg thooꞌthiok ꞌcĩg abathĩ ngaanĩngĩtĩ hĩdĩꞌthẽẽtõ, iittiõõ ꞌthẽk hatĩ naa hõllõngaa hacũda eet hĩ hẽlẽggĩ ꞌcĩg arũgĩ tarĩ.”

Maatteeo 23:9

Nẽ ma hauyyu eet umwa loota nĩnga hanneeku, ‘Nyakangaan,’ hĩnĩngĩtĩ Nyekuc dioo hẽẽtahujjieen ꞌcĩ ĩĩn Maaꞌnyu cĩ loriẽẽt cugguung.

Maatteeo 7:10

Hode ma ajin ngeerĩnĩ ulugooc aaꞌnyĩk hinnia hũkaat?

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

ꞌRooma 3:19

Nẽẽthĩ ꞌyioko, hagaacõ naag haĩ, ꞌgii vẽlẽk ꞌcĩ aduha nyattalĩ, aduhaak eet ꞌcĩg aattĩg nyattaalatõõ, hátĩ hiittiõõ ẽẽtĩ ꞌcĩ aĩ, nga haga Nyekuc tõõ nẽ ẽtẽrẽtha Nyekuci ngaatĩ ĩĩnnĩ eeta cĩg looc nicci vẽlẽk ꞌthẽccanniook.

ꞌRooma 3:9

Hõthõõth occa ꞌthẽk ꞌyioko thõõth icci haĩ ne? Haĩ hĩĩgĩn naag ꞌJudeei mẽẽttĩg? Aitiõõ ũdũt! Hĩnĩngĩtĩ hagaacõ naag ẽlẽk ngaatĩ aduhõõnĩ eeta ꞌcĩg ĩĩn ꞌJudeei hĩ ꞌcĩg hõllõngaa ĩĩn ꞌJudeei ꞌthẽccanẽẽtĩĩ cĩggĩĩng thõng.

ꞌRooma 8:32

Baa hõllõngaa ẽdẽnĩ Nyekuci Ngeerĩnĩ, nẽẽthĩ, baa aaꞌnyeet nẽẽ ĩnõõnnõ ngagĩĩta. Má baa adĩman Nyekuci hoti, ĩcca occa hatĩ hõllõngaa aaꞌnyeet nẽẽ hẽlẽggĩ vẽlẽk haaga?

ꞌGalaaꞌthia 3:22

Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.

ꞌJeemith 1:17

Aku ꞌbaaniniti ꞌcĩ abũnnaa ꞌcĩ tẽllĩ hẽẽtahujjieen hĩ Baangeet ꞌcĩ ẽhẽnyta lanyit cĩ hẽẽtkujjieen, aalla nẽẽ hõdõõkõthĩ ꞌgõõla hõdẽẽthõng nẽ hõllõngaa ũũkcĩ hĩ ꞌriiyyiẽta.

1 Yõaannẽ 3:1

Ĩcĩnĩt nõõ ngaatĩ ammĩnanneet Baangẽẽtĩ ngagĩĩt gẽrrẽẽt, aũũyyeet nẽẽ ngagĩĩt anneekeet lõhõlĩ cĩgĩnnĩg, nẽẽꞌthẽk hĩĩgĩn naag lõhõlĩ cĩgĩnnĩg dĩdĩ! Nẽẽthĩ, aitiõõ eeta cĩg looc nicci hõllõngaa aga ngaatĩ hĩĩgĩnnĩ naag lõhõlĩ cĩg Nyekuci, hĩnĩngĩtĩ hõllõngaa aga nẽẽg ĩnõõnnõ.

1 Yõaannẽ 4:10

Mĩnnan ꞌcĩ ĩĩn dĩdĩ ꞌcĩ ammĩnnaneet Nyekuci ngagĩĩt, ngaatĩ ĩꞌthõõanĩ Ngeerĩnĩ ꞌcĩ odoyyi hikia hĩĩ ꞌgaarrieenit ꞌcĩ attik ꞌthẽccanẽẽt cĩggaac battaala, hõllõngaa hĩnĩngĩtĩ hammĩnan naag Nyekuc.