Maatteeo 6:9 - ꞌBuuk cĩ Thõõth cĩ Nyekuci

⁹ “ꞌGõõl ꞌcĩ occa alaiinnu niig cieeni, “ ‘Baangeet ꞌcĩ aaĩ hẽẽtahujjieen, hubulli ꞌthaara cugunnig,

Maatteeo 6:9 ပူးပေါင်းရင်းမြစ်များ

Maatteeo 10:29

Hõllõngaa nooyyia ũũtĩ hĩbaallĩ ꞌramma ꞌcĩg kidicig ꞌrabbaacit hõdẽẽthõng? Nẽẽthĩ, hõllõngaa occa adhukiaak umwaa looc, nga haga Maaꞌnyu cĩ hẽẽtahujjieen.

Maatteeo 23:9

Nẽ ma hauyyu eet umwa loota nĩnga hanneeku, ‘Nyakangaan,’ hĩnĩngĩtĩ Nyekuc dioo hẽẽtahujjieen ꞌcĩ ĩĩn Maaꞌnyu cĩ loriẽẽt cugguung.

Maatteeo 26:29

Haduhaakuung dĩdĩ, hõllõngaa hatĩ hahudi naa mẽrtĩ icci viinoo ho tarĩ, ĩꞌthõng hõdõlan kõrra ꞌcĩ hatĩ hahũdĩ hĩ ngagiit mẽrtĩ cĩ viinoo ꞌcĩ ĩĩn ngeju, habuccieetaa cĩ Baaba.”

Maatteeo 26:42

Nĩngĩtĩ ĩꞌngaannĩ nẽ tarĩ õkõõĩ ngadiiha nẽ ũũk alaõ ĩĩ, “Baaba, má aitiõõ ꞌgõõl umwaa ꞌcĩ attihi hooppo icci ꞌcannaanõ ho battaala hĩ nganĩĩta, aalla nga hatĩ hadĩmani naa tabiinit cunni noho.”

Maatteeo 5:16

Nẽ ꞌgõõla hõdẽẽthõng, aꞌnyĩĩk thooꞌthiok ꞌcĩg abũnnaa ꞌcĩg adĩmani nii hatalanyit hudtuukta eeta vẽlẽk, hatĩ hĩdĩhĩthĩt eeta Maaꞌnyu cĩ hẽẽtkujjieen.”

Maatteeo 5:48

Aanytĩk bũnnai cunuung hĩĩ maka, haau hĩcĩ Baangeet cunuung ꞌcĩ aaĩ hẽẽtahujjieen.”

Maatteeo 6:14

Má ammaanniku niig eet ꞌcĩg adĩmannuung ngagiit ꞌbuth, ammaannĩk hatĩ ngagiit buúk Maaꞌnyu ꞌcĩ aaĩ hẽẽtahujjieen, ꞌthẽccanẽẽt cugguung.

Maatteeo 6:6

Nẽẽthĩ, ma alayyi, duhun ꞌcieeth cunni nẽ uꞌnyuugu hattũũg, nẽẽthĩ alau Maaꞌnyu ꞌcĩ hõllõngaa edeeꞌnyia. Ĩnõõ ꞌcĩ hatĩ adũmanni Maaꞌnyu ꞌcĩ acĩn thõõth ꞌcĩ adĩmanni burkiitina.

Maatteeo 7:11

Má agayyu niig tananga abaꞌthu, ngaatĩ aaꞌnyiku lõhõlĩ cugguung ꞌbaaninit ꞌcĩ abũnnaa, ĩĩn occa hatĩ ꞌbaaniniti ꞌcĩ aaꞌnyĩk Maaꞌnyu cĩ aaĩ hẽẽtahujjieen eet ꞌcĩg ajin ĩnõõnnõ hutuno?

ꞌLuuka 15:18

Hobodoothi hatĩ naa hĩ baaba nẽ hũũk hĩĩnnĩha, Baaba, hẽꞌthẽcana naa hẽbẽrẽẽnnĩĩ cĩg Nyekuc cĩ hẽẽtkujjieen nẽ hĩ nganiita.

ꞌLuuka 15:21

“Ma nĩngaata, ĩĩnnĩk maaꞌnyĩ, ‘Baaba, hẽꞌthẽcana naa hẽbẽrẽẽnnĩĩ cĩg Nyekuc cĩ hẽẽtkujjieen hĩ nganiita. Iittiõõ naa hõllõngaa hũũppani ngaatĩ hĩĩnnĩ ngeeruni.’

ꞌLuuka 2:14

“Bulẽẽnĩt hĩ Nyekuc hẽẽtkujjieen, nẽ ganõn hĩ eet ꞌcĩg accamana Nyekuci loota nĩnga.”

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

ꞌRooma 1:7

Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

ꞌRooma 8:15

Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

ꞌGalaaꞌthia 1:1

Nganĩĩt Paaulo ꞌthooyyiahit ꞌcĩ ĩꞌthõõannaa Yeesu Krĩstõ hĩ Nyekuc Baangeet, baa arũgtha Yeesu daahĩtha. Baa hõllõngaa ĩꞌthõõannaa nganĩĩt eeta hode ẽẽtĩ umwaa haaga.

ꞌGalaaꞌthia 4:6

Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”

1 Timotteeo 6:16

Ĩnõõnnõ dioo ꞌcĩ arũgĩ ũdũt, aaĩ nẽẽ lanyitatõõ ꞌcĩ hõllõngaa occa õdõlan ẽẽtĩ umwaa hõbõktõ. Nga hĩcĩn eet umwaa Nyekuc nẽ aitiõõ hatĩ eet umwaa ꞌcĩ acĩn ĩnõõnnõ ũdũt tõõ. Hĩdĩhĩthĩt Nyekuc, aalla hatĩ makaaꞌthĩt cĩnnĩ ooo, Aamẽn!

1 Pẽẽtũrũ 1:17

Ummuhutooth ngaatĩ hõllõngaa ahalĩ Nyekuci baangẽẽtĩ cunuung cĩ hẽẽtkujjieen ꞌcĩ alayyu niig ko eeta. Etteedĩk hatĩ nẽẽ eet hõdẽĩ hõdẽĩ thõõth nẽ ũdũman ꞌgõõlaa ꞌcĩ baa thooꞌthiok ꞌcĩg adĩman ẽẽtĩ loota nĩnga. Nẽẽthĩ hoti ho, adiim iꞌngollinnu Nyekuc nga aattiyyu looccaa ꞌcĩ aattiyyu hĩcĩ iiginnu tahan ko.

Terethiinit 4:11

“Makayyioohit hĩ Nyekuc cĩnaang, iini nii eet ꞌcĩ occa aaꞌnyĩhoothikii dĩhĩthẽẽnĩtĩ hĩ bulẽẽnĩt hĩ ꞌtirrian vẽlẽk, hĩnĩngĩtĩ baa ẽhẽnyta nii hẽlẽggĩ vẽlẽk, baa ẽtẽhẽnytaa nẽẽg tabiittaa cunni, nẽ aaꞌnyĩhuu ĩhõõggõ rũgẽt.”

Terethiinit 5:12

Baa ebenni nẽẽg moloohaa cobbi aĩ, “Adiim Mĩꞌnyõõn baa aruhi haggam ꞌtirrian hĩ baliinit hĩ ꞌgẽẽnyĩth hĩ tingoli hĩ bulẽẽnĩt hĩ dĩhĩthẽẽnĩt.”