Maatteeo 6:2 - ꞌBuuk cĩ Thõõth cĩ Nyekuci

² “Nẽẽthĩ, ma eellu pĩĩrnattiaak, ma haduhaaku eet, hĩcĩ adĩman oloꞌngiaaha ꞌCieethinii cĩg Laiittak hĩ ꞌgoolliohĩ, aĩ hátĩ hitingolli eeta ĩhõõggõ. Haduhaakuung dĩdĩ, ummuddia nẽẽg dũman cĩnĩĩng ẽlẽk.

Maatteeo 6:2 ပူးပေါင်းရင်းမြစ်များ

Maatteeo 15:7

Niig oloꞌngiaaha cieegi! Baa ẽbẽaneek põrõvẽtaacĩ Iꞌthaia baa othooꞌthuung ngagiit aĩ,

Maatteeo 16:3

nẽ má marik lõõcĩ hẽẽtahujjieen nẽ irimanaaĩ ngerrenita, othooꞌthu niig ainnu, ‘Õkõ hatĩ atĩĩlĩ tammu.’ Agayyu niig ngaatĩ aduhaannu thõõth ꞌcĩ aĩ, aaĩ hatĩ lõõcĩ hutuno ngaatĩ acinnu hẽẽtkujjieen nẽ hõllõngaa dẽẽdẽ agayyu ne ꞌcĩ hatĩ edeeꞌnyia ꞌyioko noho ho.

Maatteeo 22:18

Baa aga Yeesu muhẽẽnĩt cĩnĩĩng ꞌcĩ abathĩ ho, nĩngĩtĩ annẽẽkĩ ĩhõõggõ, “Niig oloꞌngiaaha cieegi! Adiimmu ẽdẽttaangu thõng inni?

Maatteeo 23:5

“Adĩman nẽẽg thooꞌthiok vẽlẽk, aĩ hátĩ hĩcĩtteet eeta. Ecebeek nẽẽg õlẽẽt ꞌcĩg eheedothoothĩk thooꞌthioha cĩg Nyekuci nẽ itihimit ceremwa ꞌcĩg uuttik ꞌcĩg eceboothĩk ꞌlõõrõngĩta ꞌcĩg ẽllẽẽmĩthĩ.

Maatteeo 23:6

Accamana nẽẽg ꞌgoolliok ꞌcĩg itieelini eeta ĩhõõggõ korrioohĩĩ ꞌcĩg obbitig, hĩ ngaatĩ iccioloonganĩ dtaabĩtĩĩ ꞌcĩg tiirik ꞌCieethinii cĩg Laiittak.

Maatteeo 24:51

Aku hatĩ uuk baattĩ olu dticciannioohit niccia ꞌbuth nẽ itiggia ĩnõõnnõ dtiicaa cĩnnĩ, hõõt hũrũmtĩ hĩ oloꞌngiaak, ngaatĩ arruuẽnĩ eeta hadahit nyĩgĩt huciitha.”

Maatteeo 5:18

Haduhaakuung dĩdĩ, tananga hiꞌngittõõthĩ hẽẽtkujjieen hĩ looc, hõllõngaa hatĩ aꞌnginoothi nyattalĩ ꞌcĩ ẽtẽhẽẽdĩ loota, tananga nyamacaar ꞌcĩ hidici haaga, ĩꞌthõng hiita hũttũbattoothĩk thooꞌthioha vẽlẽk.

Maatteeo 6:16

“Ma ẽdẽtaannu niig eleeti ꞌgẽẽna, ma haaꞌnyiku muumti cugguung huꞌngurruunyti hĩ oloꞌngiaaha aag gõõng eterꞌtheek eet aĩ, hẽdẽtaanna eleeti ꞌgẽẽna. Haduhaakuung dĩdĩ, ummuddia nẽẽg dũman cĩnĩĩng ẽlẽk.

Maatteeo 6:3

Nẽ ma eellu niig hullaha, ma haduhaaku tananga ꞌgoonogu cugguung cĩg ꞌthinneetinu,

Maatteeo 6:5

“Nẽ má alaiinnu, ma hattiyyu hĩ oloꞌngiaaha aag gõõng ammĩnan ngaatĩ alaiini abĩllĩ ꞌjieena ꞌCieethinii cĩg Laiittak hĩ ꞌgoolliohĩ ngadihẽẽtĩ, aĩ hátĩ hĩcĩtteet eeta. Haduhaakuung dĩdĩ, ũdũmattĩ nẽẽg ẽlẽk.

Maatteeo 7:5

Nii oloꞌngiaahiti, ꞌtiha nõõ iggooli ꞌcĩ aꞌnyahi hebereecaa cunni ho hátĩ cĩnĩ jurrung, nẽẽthĩ hátĩ ittiha tahahaac ꞌcĩ mĩllĩꞌnyĩ hebereecaa cĩ ꞌgotonoonu.

Maarko 12:39

Nẽ tarĩ etemeddiaaĩ ngaatĩ adiim iccioloonganĩ dtaabĩtĩĩ ꞌcĩg oou ꞌCieethini cĩg Laiittak, hĩ ngaatĩ aattiyyi dtaabĩtĩĩ ꞌcĩg obbitig ngaatĩ karrameetu.

Maarko 7:6

Ẽdẽcĩ Yeesu ĩhõõggõ anneek, “Baa ẽbẽaneek põrõvẽtaacĩ Iꞌthaia ngaatĩ ẽhẽẽdĩ ꞌBuuhaa cĩ Nyekuci aĩnnĩ, hĩnĩngĩtĩ ngagiit oloꞌngiaak, “ ‘Adĩhĩꞌthaa nganĩĩt eeta cieeg utugeetini haaga, nẽ ꞌrẽẽttĩg ꞌthinneeti cĩggĩĩng hĩ nganĩĩta.

ꞌLuuka 11:41

Nẽẽthĩ, aanytĩk eet ꞌcĩg appĩĩrna ꞌgii ꞌcĩ aaĩ hẽddẽẽmatõõ, hátĩ ĩĩtõ tẽllĩg.

ꞌLuuka 11:43

“Pĩĩrnanĩt hĩ ngagiit Variꞌtheei, hĩnĩngĩtĩ accamanaannu ngaatĩ iccioloongannu dtaabĩtĩĩ ꞌcĩg tiirik gẽrrẽẽt ꞌCieethinii cĩg Laiittak, hĩ ngaatĩ ĩꞌthaayyuung eeta ꞌcuuha.

ꞌLuuka 12:33

Utuuyyiõĩ ijjio cugguung nẽ aanytĩhu ꞌrabbẽẽt pĩĩrnattiaak. Aꞌnyĩĩk baliinit cunuung hitiangĩthĩ hẽẽtahujjieen ngaatĩ occa hõllõngaa igorꞌthiini nẽ iittiõõ ꞌthõrõhõnyĩta ꞌcĩg adak tõõ.

ꞌLuuka 12:56

Niig oloꞌngiaaha! Má aganeeku niig ngaatĩ aduhaannu ꞌgõõl ꞌcĩ ũũkcẽnĩ lõõcĩ hĩ hẽẽtahujjieen nẽ anyamanuung ngaatĩ aduhaannu thooꞌthiok ꞌcĩg edeeꞌnyia ꞌyioko ho hutuno?”

ꞌLuuka 13:15

Ẽdẽcĩ hinnia Makayyioohiti ĩnõõnnõ anneek, “Niig oloꞌngiaaha! Aitiõõ nooyyia niig hõllõngaa ooggu olĩꞌnya cĩg kanniittak, hode thigirẽẽt cugguung Kõrraa cĩ ꞌYiommaanõ hõõt huhuddi?

ꞌLuuka 20:46

“Niiga, agaac lõggõõ aagõõng allimaneek eet nyattal nĩnga jurrung. Amĩna nẽẽg ngaatĩ irrianĩ ceremwaanĩĩ ꞌcĩg õkõmĩ kak nẽ idiimito hĩꞌthaacõ eeta ngaatĩ tũũõ hĩ ngaatĩ õõ iccioloonganĩ dtaabĩtĩĩ ꞌcĩg oou ꞌCieethinii cĩg Laiittak hĩ ngaatĩ adahĩ eeta karramẽẽta.

ꞌLuuka 6:24

“Nẽẽthĩ, pĩĩrnanĩt hĩ ngagiit balliook, hĩnĩngĩtĩ ummuddiaau niig bũnnai cunuung ẽlẽk.

ꞌLuuka 6:42

Occa gõõng anneehi nii ꞌgotonu, ‘ꞌGõtõna, ĩꞌnya hittihaii tahahaac hebereecaa cunni,’ nẽ nẽẽ aitiõõ hõllõngaa acini iggooli hebereeca cunni ẽmmẽn? Nii oloꞌngiaahiti, ꞌtiha nõõ iggooli hebereecaa cunni nẽ thĩ hatĩ icinu ꞌgõõl ꞌcĩ attihaanĩ tahahaac hebereecaa cĩ ꞌgotonoonu.

Yõaannẽ 13:29

Hĩcĩ baa ĩĩn ꞌJuuda bekioohit cĩ ꞌrabbeetu, ammuk hinnia ũgẽẽgĩ aĩ, aduhaak oho Yeesu ꞌJuuda, hũũk hũtũũwa ꞌgẽẽn cĩ Karramaaõ, hode haaꞌnyĩk pĩĩrnattiaak ꞌrabbẽẽt ũgĩ.

Yõaannẽ 5:41

“Hõllõngaa haallahi naa dĩhĩthẽẽnĩt cĩ eetu,

Yõaannẽ 5:44

Occa elemiinnu niig hutuno hatĩ adiimmu dĩhĩthẽẽnĩt ꞌcĩ aku hĩ ꞌgoonogu nẽ hõllõngaa aallaku ngaatĩ ammũdaannu dĩhĩthẽẽnĩt ꞌcĩ aku hĩ Nyekuc ꞌcĩ odoyyii?

Yõaannẽ 7:18

Ẽẽtĩ ꞌcĩ õthõõthĩ ẽlẽ cĩnnĩ ẽmmẽn, abuluth nẽẽ ẽlẽ cĩnnĩ. Nẽẽthĩ, ẽẽtĩ ꞌcĩ adticanoothĩk eet baa ĩꞌthõõa ĩnõõnnõ, ĩĩn eet ꞌcĩ aduha thõõth ꞌcĩ ĩĩn dĩdĩ. Aitiõõ thõõth ꞌcĩ ĩĩn õlõng ꞌcĩ aduha nẽẽ tõõ.

Dtiicanĩ cĩg ꞌThooyyiahu 10:2

Baa ĩĩn nẽẽ hĩ halang cĩnnĩ vẽlẽk, eet ꞌcĩg iꞌngolli Nyekuc gẽrrẽẽt. Baa ẽẽl Korneellio hullaha nẽ ala Nyekuc hõdõõkõthĩ.

Dtiicanĩ cĩg ꞌThooyyiahu 10:31

nẽ ĩĩ, ‘Korneellio, ĩthĩk Nyekuci laiinit cunni nẽ ummuhõõthĩ ꞌbaaninit gõõng aaꞌnyihi nii hullaha.

Dtiicanĩ cĩg ꞌThooyyiahu 10:4

Baa acĩn Korneellio ĩnõõnnõ tẽẽlꞌthĩta nẽ ĩĩnnĩk, “Aĩ ne Makayyioohit?” Ẽdẽcĩ aajĩlõ anneek, “Ẽlẽmĩ Nyekuci laiinit cunni hĩ ꞌbaaninit ꞌcĩ aaꞌnyihi nii hullaha ho.

Dtiicanĩ cĩg ꞌThooyyiahu 11:29

Ma ho, ummuhit nuyyiooha ꞌcĩg aattĩg Antioha ngaatĩ ĩꞌthõõĩkĩ ꞌbaaninit cĩnĩĩng ꞌgõõnõgĩ ꞌJudeea.

Dtiicanĩ cĩg ꞌThooyyiahu 24:17

“Urutaa cĩ irkiꞌnyia ꞌcĩg mẽẽlĩg ꞌcĩg baag haitõõnnĩ tõõ, hikia ꞌJeruꞌthalẽma haꞌnyahaaha eet cĩgannĩg ꞌcĩg appĩĩrna ꞌbaaninit nẽ hikia haaꞌnyĩha Nyekuc buúk ꞌbaaninit.

Dtiicanĩ cĩg ꞌThooyyiahu 9:36

ꞌTaaũnaa cĩ ꞌJõõppa, baa aaĩ nuyyioohiti umwaa ꞌcĩ ngayyi ꞌcĩ haĩ ꞌthaar Tabitha. Baa haĩ ꞌthaar ũgĩ cĩgĩnnĩg ꞌGiriheeyyi ꞌDõõrka, nĩngĩtĩ aĩ mẽggẽẽr. Baa adĩman nẽẽ thõõth ꞌcĩ abũnnaa ngaatĩ ẽẽlĩ hullaha.

ꞌRooma 12:8

Má haga ngaatĩ halũllũũmanẽẽkĩ ꞌgoonogeet thõõth ꞌcĩ abũnnaa, hũlũllũũmatteek ĩhõõggõ thooꞌthiok tĩko. Má haga ngaatĩ hõhõaakĩ ꞌgoonogeet hẽlẽggĩ ũgĩ, hohoyyiaak ꞌgõõlaa ꞌcĩ abũnnaa. Má hĩĩgĩn naag makayyiook, hũtũhaac eet ꞌgõõlaa ꞌcĩ abũnnaa. Má ĩĩn thõõth ꞌcĩ hammaannĩkĩ eeta, hatamaattik taliitta.

1 Korinthia 13:3

Má haaꞌnyihi naa hẽlẽggĩ cĩgannĩg vẽlẽk eet ꞌcĩg ĩĩn hullaha nẽ haaꞌnyĩha ẽlẽ caannĩ hũtũũthĩ nẽ aitioonna mĩnnanĩ tõõ, aitiõõ ꞌthẽk ꞌgii ꞌcĩ hammũda naa tõõ.

ꞌGalaaꞌthia 2:10

Nẽ uduktaaheet thõõth hõdẽẽthõng ꞌcĩ aĩ, uꞌthuutti eet ꞌcĩg ĩĩn pĩĩrnattiaak hõrggẽẽnaa cunuung, thõõth ꞌcĩ baa hadiimi harrĩcanaa naa dẽẽdẽ ho niccia.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

1 Tẽꞌthaloonika 2:6

Baa hõllõngaa hadiimma naag dĩhĩthẽẽnĩt cĩ eetu nẽ hõllõngaa hadiimma hĩ ngagiit hode hĩ eet umwa. Nẽẽthĩ, hĩ ꞌthooyyiaha cĩg Krĩstõ, occa hinnia baa hau hajinnuung ngagiit eliinit.

1 Timotteeo 6:18

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.

Vilõmẽẽnõ 1:7

ꞌGõtõna, aaꞌnya mĩnnanĩ cunni nganĩĩt haccamanoothĩk gẽrrẽẽt nẽ amammaayanaa, hĩnĩngĩtĩ aaꞌnyĩk tarbalꞌthẽẽt cunni eet cĩg Nyekuci haccamattoothĩk.

Ebereei 13:16

Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.

1 Pẽẽtũrũ 4:11

Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.